ಶಿಕಾರಿಪುರ: ಸಿನಿಮಾ ಹಾಗೂ ರಂಗಭೂಮಿ ಕ್ಷೇತ್ರಕ್ಕೆ ನಟ ದಿವಂಗತ ಶಂಕರ್ ನಾಗ್ ಅವರು ಅಪಾರ ಕೊಡುಗೆ ನೀಡಿದ್ದಾರೆ ಎಂದು ಚಲನಚಿತ್ರ ನಿರ್ದೇಶಕ ವೈಭವ್ ಬಸವರಾಜ್ ಶ್ಲಾಘಿಸಿದರು.
ಪಟ್ಟಣದ ಮಂಜುನಾಥ ನಾಟ್ಯ ಸಂಘದ ರಂಗಮಂಟಪದಲ್ಲಿ ಶಂಕರ್ನಾಗ್ ಅಭಿಮಾನಿಗಳ ಬಳಗದಿಂದ ಗುರುವಾರ ಹಮ್ಮಿಕೊಂಡಿದ್ದ ಶಂಕರ್ನಾಗ್ ಅವರ ಜನ್ಮದಿನ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
‘ಮನುಷ್ಯ ಸತ್ತ ಮೇಲೂ ಜನತೆ ನೆನಪಿಸಿಕೊಳ್ಳುವಂತಹ ಕಾರ್ಯ ಮಾಡಬೇಕು. ರಂಗಭೂಮಿ ಕ್ಷೇತ್ರದ ಮೂಲಕ ಶಂಕರ್ನಾಗ್ ರಾಜ್ಯಕ್ಕೆ ಪರಿಚಯವಾದರು. ನಟರಾಗಿ, ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದಾರೆ. ಅತಿ ಕಡಿಮೆ ವಯಸ್ಸಿನಲ್ಲಿ ಚಿತ್ರರಂಗದಲ್ಲಿ ಉತ್ತಮ ಹೆಸರು ಪಡೆದಿದ್ದರು’ ಎಂದರು.
