ಶಿರಾಳಕೊಪ್ಪ: ಪಟ್ಟಣ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಎರಡು ಪ್ರತ್ಯೇಕ ಪ್ರಕರಣಗಳಲ್ಲಿ ಚಿಕ್ಕಜಂಬೂರು ಗ್ರಾಮದಲ್ಲಿ ಅಕ್ರಮವಾಗಿ ದನದ ಮಾಂಸ ಮಾರಾಟ ಮಾಡುತ್ತಿದ್ದ ಸ್ಥಳಗಳ ಮೇಲೆ ಸಬ್ ಇನ್‌ಸ್ಪೆಕ್ಟರ್ ರಮೇಶ ನೇತೃತ್ವದಲ್ಲಿ ದಾಳಿ ಮಾಡಿ ಆರೋಪಿಗಳನ್ನು ಬಂಧಿಸಲಾಗಿದೆ.
ಬಂಧಿತರಾದ ಬಷೀರ್(52), ರಹುಲ್ಲಾ(22) ಅವರಿಂದ ₹9 ಸಾವಿರ ಬೆಲೆಯ 45 ಕೆ.ಜಿ. ದನದ ಮಾಂಸ ಹಾಗೂ ಹಜರತ್ ಉಮ್ಮರ (19) ಎಂಬಾತನನ್ನು ಬಂಧಿಸಿ ₹26 ಸಾವಿರ ಮೌಲ್ಯದ 130 ಕೆ.ಜಿ. ದನದ ಮಾಂಸ ವಶಪಡಿಸಿಕೊಳ್ಳಲಾಗಿದೆ.
ಈ ಸಂಬಂಧ ಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರತ್ಯೇಕವಾಗಿ ಪ್ರಕರಣ ದಾಖಲಾಗಿದೆ.
ಕಾರ್ಯಾಚರಣೆಯಲ್ಲಿ ಪೊಲೀಸರಾದ ಅಶೋಕ, ಮಂಜುನಾಥ, ಲೋಕಾನಾಯ್ಕ್, ಕಾರ್ತಿಕ ಹಾಗೂ ಪಶುವೈದ್ಯ ರಾಜು ಭಾಗವಹಿಸಿದ್ದರು.
