<p>ಮನುಷ್ಯ ಹೊಟ್ಟೆಪಾಡಿಗಾಗಿ ಹಲವು ವೃತ್ತಿಯನ್ನು ಆಯ್ದುಕೊಳ್ಳುವುದು ಸಹಜ. ಪ್ರತಿಯೊಬ್ಬರಿಗೂ ಇಂತಹದ್ದೇ ವೃತ್ತಿ ಎಂಬುದಿಲ್ಲ. <br /> <br /> ಅದರೆ, 7-8ರ ವಯಸ್ಸಿನ ಪೋರಿ ತನ್ನ ಸಾಧನೆಯಿಂದ ಕುಟುಂಬ ನಿರ್ವಹಣೆ ಮಾಡುತ್ತಿರುವುದು ಮಾತ್ರ ಸೋಜಿಗ.<br /> <br /> ಯಾರು ಈ ಪೋರಿ...! ಎಂದು ಹುಬ್ಬೇರಿಸಬೇಡಿ. ಏಕೆಂದರೆ ಇವರಿಗೆ ಸ್ವಂತ ನೆಲೆಯಿಲ್ಲ. ಹೊಟ್ಟೆಪಾಡಿಗಾಗಿ ಊರೂರು ಅಲೆಯುತ್ತ ತಮ್ಮ ರಾಜ್ಯದ ಗಡಿಯಾಚೆ ಸಾವಿರಾರು ಮೈಲಿದಾಟಿ ಬಂದಿದ್ದಾರೆ.<br /> <br /> ಮೂಲತಃ ಮಧ್ಯಪ್ರದೇಶದ ವಿಲಾಸಪುರದವಳಾದ ಅಂಜಲಿ ಎಂಬ ಈ ಬಾಲೆ ತನ್ನ ಕುಟುಂಬದ ಜೀವನಕ್ಕೆ ಆಯ್ದುಕೊಂಡ ವೃತ್ತಿ ದೊಂಬರಾಟ. ಚತುರೆಯಾದ ಈ ಬಾಲೆ ಕ್ಷಣ ಕ್ಷಣಕ್ಕೂ ಹಗ್ಗದ ಮೇಲೆ ಹಲವಾರು ರೀತಿಯ ಆಸನಗಳ ಬದಲಿಸುತ್ತಾ ವೈವಿಧ್ಯಮಯ ನಡಿಗೆ ಹಾಕುತ್ತಾ ಜೀವದ ಹಂಗುತೊರೆದು ಸಾಗುವ ವೈಖರಿ ನೋಡುಗರ ಮೈನವಿರೇಳಿಸುವಂತಹವು.<br /> <br /> ನಾವು ದೊಂಬರಾಟ ನೋಡಿ ಮನರಂಜನೆ ಪಡೆಯುತ್ತೇವೆ. ಅವರು ಎಷ್ಟೇ ಚತುರರಾದರೂ, ಒಮ್ಮಮ್ಮೆ ಆಯ ತಪ್ಪಿದರೆ ಅಂಗವಿಕಲರಾಗುವ ಜೀವಕ್ಕೆ ಸಂಚಕಾರ ತಂದು ಕೊಳ್ಳುವ ಸಾಧ್ಯತೆ ಹೆಚ್ಚು. ಈ ಅಪಾಯಕಾರಿ ಆಟ ಅವರ ದೈನಂದಿನ ಬದುಕಿಗೆ ಆನಿವಾರ್ಯ. <br /> <br /> ಇಲ್ಲಿ ಕಟು ವಾಸ್ತವದ ಬದುಕಿನ ಮನ ಕಲಕುವ ಎರಡು ಚಿತ್ರಣಗಳಿವೆ. ತಾಯಿಯ ಡೋಲಿನ ತಾಳಕ್ಕೆ ತಕ್ಕಂತೆ ಹಗ್ಗದ ಮೇಲೆ ನಡೆಯುತ್ತಿರುವ ಬಾಲೆ. ಇನ್ನೂಂದು ಪ್ಲಾಸ್ಟಿಕ್ ಟಬ್ಬಿನಲ್ಲಿ ಹರಕು ಚಿಂದಿ ಬಟ್ಟೆಗಳ ಮಧ್ಯೆ ತನ್ನದೇ ಲೋಕದಲ್ಲಿ ತಲ್ಲೆನವಾಗಿರುವ 4 ತಿಂಗಳ ಹಸುಗೂಸು. ಇವರ ಬದುಕು ನಮ್ಮನ್ನು ಚಿಂತನೆಗೆ ಹಚ್ಚದೇ ಹೋದರೆ ನಾವು ಸೂಕ್ಷ್ಮತೆಯನ್ನು ಕಳೆದುಕೊಂಡಿದ್ದೇವೆ ಎಂದೇ ಆರ್ಥ. <br /> <br /> ಒಟ್ಟಾರೆ ದೇಶದ ಯಾವುದೇ ರಾಜ್ಯಕ್ಕೆ ಹೋದರೂ, ಎಲ್ಲಾ ಸರ್ಕಾರಗಳ ಭರವಸೆ ಒಂದೇ, ಸಮಾಜದ ಕಟ್ಟಕಡೆಯ ವ್ಯಕ್ತಿಗೆ ಇರಲು ಒಂದು ಸೂರು, ತೊಡಲು ಬಟ್ಟೆ ಹೊಟ್ಟೆಗೆ ಅನ್ನಕೊಡುವುದೇ ಆಗಿವೆ. ಈ ಘೋಷಣೆಗಳು ಕೇವಲ ಜನತೆಗೆ ದಿಕ್ಕು ತಪ್ಪಿಸುವ ತಂತ್ರವಾಗಿವೆ ಹೊರತು ಯಾವುದೇ ಬದಲಾವಣೆ ಕಂಡಿಲ್ಲ. ಇಂತಹ ಕುಟುಂಬಗಳಿಗಾಗಿ ಸರ್ಕಾರ ಏನು ಮಾಡಿದೆ ಎಂಬುದೇ ಬಗೆಹರಿಯದ ಯಕ್ಷಪ್ರಶ್ನೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮನುಷ್ಯ ಹೊಟ್ಟೆಪಾಡಿಗಾಗಿ ಹಲವು ವೃತ್ತಿಯನ್ನು ಆಯ್ದುಕೊಳ್ಳುವುದು ಸಹಜ. ಪ್ರತಿಯೊಬ್ಬರಿಗೂ ಇಂತಹದ್ದೇ ವೃತ್ತಿ ಎಂಬುದಿಲ್ಲ. <br /> <br /> ಅದರೆ, 7-8ರ ವಯಸ್ಸಿನ ಪೋರಿ ತನ್ನ ಸಾಧನೆಯಿಂದ ಕುಟುಂಬ ನಿರ್ವಹಣೆ ಮಾಡುತ್ತಿರುವುದು ಮಾತ್ರ ಸೋಜಿಗ.<br /> <br /> ಯಾರು ಈ ಪೋರಿ...! ಎಂದು ಹುಬ್ಬೇರಿಸಬೇಡಿ. ಏಕೆಂದರೆ ಇವರಿಗೆ ಸ್ವಂತ ನೆಲೆಯಿಲ್ಲ. ಹೊಟ್ಟೆಪಾಡಿಗಾಗಿ ಊರೂರು ಅಲೆಯುತ್ತ ತಮ್ಮ ರಾಜ್ಯದ ಗಡಿಯಾಚೆ ಸಾವಿರಾರು ಮೈಲಿದಾಟಿ ಬಂದಿದ್ದಾರೆ.<br /> <br /> ಮೂಲತಃ ಮಧ್ಯಪ್ರದೇಶದ ವಿಲಾಸಪುರದವಳಾದ ಅಂಜಲಿ ಎಂಬ ಈ ಬಾಲೆ ತನ್ನ ಕುಟುಂಬದ ಜೀವನಕ್ಕೆ ಆಯ್ದುಕೊಂಡ ವೃತ್ತಿ ದೊಂಬರಾಟ. ಚತುರೆಯಾದ ಈ ಬಾಲೆ ಕ್ಷಣ ಕ್ಷಣಕ್ಕೂ ಹಗ್ಗದ ಮೇಲೆ ಹಲವಾರು ರೀತಿಯ ಆಸನಗಳ ಬದಲಿಸುತ್ತಾ ವೈವಿಧ್ಯಮಯ ನಡಿಗೆ ಹಾಕುತ್ತಾ ಜೀವದ ಹಂಗುತೊರೆದು ಸಾಗುವ ವೈಖರಿ ನೋಡುಗರ ಮೈನವಿರೇಳಿಸುವಂತಹವು.<br /> <br /> ನಾವು ದೊಂಬರಾಟ ನೋಡಿ ಮನರಂಜನೆ ಪಡೆಯುತ್ತೇವೆ. ಅವರು ಎಷ್ಟೇ ಚತುರರಾದರೂ, ಒಮ್ಮಮ್ಮೆ ಆಯ ತಪ್ಪಿದರೆ ಅಂಗವಿಕಲರಾಗುವ ಜೀವಕ್ಕೆ ಸಂಚಕಾರ ತಂದು ಕೊಳ್ಳುವ ಸಾಧ್ಯತೆ ಹೆಚ್ಚು. ಈ ಅಪಾಯಕಾರಿ ಆಟ ಅವರ ದೈನಂದಿನ ಬದುಕಿಗೆ ಆನಿವಾರ್ಯ. <br /> <br /> ಇಲ್ಲಿ ಕಟು ವಾಸ್ತವದ ಬದುಕಿನ ಮನ ಕಲಕುವ ಎರಡು ಚಿತ್ರಣಗಳಿವೆ. ತಾಯಿಯ ಡೋಲಿನ ತಾಳಕ್ಕೆ ತಕ್ಕಂತೆ ಹಗ್ಗದ ಮೇಲೆ ನಡೆಯುತ್ತಿರುವ ಬಾಲೆ. ಇನ್ನೂಂದು ಪ್ಲಾಸ್ಟಿಕ್ ಟಬ್ಬಿನಲ್ಲಿ ಹರಕು ಚಿಂದಿ ಬಟ್ಟೆಗಳ ಮಧ್ಯೆ ತನ್ನದೇ ಲೋಕದಲ್ಲಿ ತಲ್ಲೆನವಾಗಿರುವ 4 ತಿಂಗಳ ಹಸುಗೂಸು. ಇವರ ಬದುಕು ನಮ್ಮನ್ನು ಚಿಂತನೆಗೆ ಹಚ್ಚದೇ ಹೋದರೆ ನಾವು ಸೂಕ್ಷ್ಮತೆಯನ್ನು ಕಳೆದುಕೊಂಡಿದ್ದೇವೆ ಎಂದೇ ಆರ್ಥ. <br /> <br /> ಒಟ್ಟಾರೆ ದೇಶದ ಯಾವುದೇ ರಾಜ್ಯಕ್ಕೆ ಹೋದರೂ, ಎಲ್ಲಾ ಸರ್ಕಾರಗಳ ಭರವಸೆ ಒಂದೇ, ಸಮಾಜದ ಕಟ್ಟಕಡೆಯ ವ್ಯಕ್ತಿಗೆ ಇರಲು ಒಂದು ಸೂರು, ತೊಡಲು ಬಟ್ಟೆ ಹೊಟ್ಟೆಗೆ ಅನ್ನಕೊಡುವುದೇ ಆಗಿವೆ. ಈ ಘೋಷಣೆಗಳು ಕೇವಲ ಜನತೆಗೆ ದಿಕ್ಕು ತಪ್ಪಿಸುವ ತಂತ್ರವಾಗಿವೆ ಹೊರತು ಯಾವುದೇ ಬದಲಾವಣೆ ಕಂಡಿಲ್ಲ. ಇಂತಹ ಕುಟುಂಬಗಳಿಗಾಗಿ ಸರ್ಕಾರ ಏನು ಮಾಡಿದೆ ಎಂಬುದೇ ಬಗೆಹರಿಯದ ಯಕ್ಷಪ್ರಶ್ನೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
