ತುಮಕೂರು | ‘ನೋಟಾ’ಗೆ 6,460 ಮತ

ಚುನಾವಣೆಯಲ್ಲಿ ‘ನೋಟಾ’ ನಾಲ್ಕನೇ ಸ್ಥಾನ ಪಡೆದಿದೆ. ಅಂಚೆ ಮತದಾರರು ಸಹ ‘ನೋಟಾ’ ಬೆಂಬಲಿಸಿದ್ದಾರೆ. ಬಿಜೆಪಿ ಅಭ್ಯರ್ಥಿ ವಿ.ಸೋಮಣ್ಣ 7,20,946, ಕಾಂಗ್ರೆಸ್‌ ಅಭ್ಯರ್ಥಿ ಎಸ್‌.ಪಿ.ಮುದ್ದಹನುಮೇಗೌಡ 5,45,352, ಪಕ್ಷೇತರ ಅಭ್ಯರ್ಥಿ ಜೆ.ಕೆ.ಸಮಿ 6,775 ನಂತರ ‘ನೋಟಾ’ಗೆ ಹೆಚ್ಚಿನ ಮತಗಳು ಬಿದ್ದಿದೆ. ಸ್ಪರ್ಧಿಸಿರುವ ಅಭ್ಯರ್ಥಿಗಳಲ್ಲಿ ಯಾರೂ ಇಷ್ಟವಿಲ್ಲದಿದ್ದರೆ ‘ನೋಟಾ’ಗೆ ತಮ್ಮ ಮತ ಚಲಾಯಿಸಲು ಅವಕಾಶ ಕಲ್ಪಿಸಿದೆ.

ಚಿಕ್ಕನಾಯಕನಹಳ್ಳಿ ಕ್ಷೇತ್ರದಲ್ಲಿ 814, ತಿಪಟೂರು 675, ತುರುವೇಕೆರೆ 917, ತುಮಕೂರು ನಗರ 772, ತುಮಕೂರು ಗ್ರಾಮಾಂತರ 894, ಕೊರಟಗೆರೆ 852, ಗುಬ್ಬಿ 703, ಮಧುಗಿರಿಯಲ್ಲಿ 799 ಮತದಾರರು ಮತ್ತು 34 ಅಂಚೆ ಮತದಾರರು ‘ನೋಟಾ’ಗೆ ಮತ ಹಾಕಿದ್ದಾರೆ.

857 ಮತ ತಿರಸ್ಕೃತ: ಅಂಚೆ ಮೂಲಕ ಮತದಾನ ಮಾಡಿದವರ 857 ಮತಗಳು ತಿರಸ್ಕೃತಗೊಂಡಿವೆ. ವಿದ್ಯಾವಂತರು, ನೌಕರರು ಮತದಾನದ ವೇಳೆ ಎಡವಟ್ಟು ಮಾಡಿಕೊಂಡಿದ್ದಾರೆ. 85 ವರ್ಷ ಮೇಲ್ಪಟ್ಟವರು, ಅಂಗವಿಕಲರು ಸಹ ಮತದಾನದ ವೇಳೆ ಎಡವಿದ್ದಾರೆ.