ಭಾನುವಾರ, 21 ಜುಲೈ 2024
×
ADVERTISEMENT
ಈ ಕ್ಷಣ :
ADVERTISEMENT

ಏಲಕ್ಕಿ ಬಾಳೆಹಣ್ಣು ದುಬಾರಿ | ಇಳಿಕೆಯತ್ತ ಮುಖ ಮಾಡಿದ ತರಕಾರಿ

ಇಳಿಕೆಯತ್ತ ಮುಖ ಮಾಡಿದ ತರಕಾರಿ; ಬೆಳ್ಳುಳ್ಳಿ ಏರಿಕೆ
Published 30 ಜೂನ್ 2024, 6:35 IST
Last Updated 30 ಜೂನ್ 2024, 6:35 IST
ಅಕ್ಷರ ಗಾತ್ರ

ತುಮಕೂರು: ಬೀನ್ಸ್, ಟೊಮೆಟೊ ಬೆಲೆ ಕಡಿಮೆಯಾಗಿದ್ದು, ಇತರೆ ಕೆಲವು ತರಕಾರಿಗಳು ಅಗ್ಗವಾಗಿವೆ. ಸೊಪ್ಪು ಸಹ ಎರಡು ತಿಂಗಳ ಹಿಂದಿನ ಮಟ್ಟಕ್ಕೆ ಇಳಿಕೆಯಾಗಿದೆ. ಬಾಳೆಹಣ್ಣು ದುಬಾರಿಯಾಗಿದ್ದು, ಕೊಳಿಮಾಂಸದ ದರ ಕಡಿಮೆಯಾಗಿದೆ.

ಟೊಮೆಟೊ ಇಳಿಕೆ: ಹಿಂದಿನ ವಾರಗಳಲ್ಲಿ ಟೊಮೆಟೊ ಕೆ.ಜಿ ₹100 ಗಡಿಗೆ ಸಮೀಪಿಸಿತ್ತು. ಆದರೆ ಈಗ ಸಾಕಷ್ಟು ಕಡಿಮೆಯಾಗಿದ್ದು, ಕೆ.ಜಿ ₹30–35ಕ್ಕೆ ಕುಸಿದಿದೆ. ಕಳೆದ ವಾರ ಸ್ವಲ್ಪ ಪ್ರಮಾಣದಲ್ಲಿ ಇಳಿಕೆ ಕಂಡಿದ್ದ ಬೀನ್ಸ್ ಈಗ ಕೆ.ಜಿ ₹70–80ಕ್ಕೆ ತಗ್ಗಿದೆ. ಆದರೆ ಕ್ಯಾರೇಟ್, ಬೀಟ್ರೂಟ್, ತೊಂಡೆಕಾಯಿ ಮತ್ತಷ್ಟು ದುಬಾರಿಯಾಗಿದೆ. ಗೆಡ್ಡೆಕೋಸು, ಮೂಲಂಗಿ, ಬದನೆಕಾಯಿ, ಹಸಿರು ಮೆಣಸಿನಕಾಯಿ ಇನ್ನಷ್ಟು ಅಗ್ಗವಾಗಿದೆ.

ಬೆಳ್ಳುಳ್ಳಿ ಏರಿಕೆ: ಏರಿಕೆಯತ್ತ ಮುಖ ಮಾಡಿರುವ ಈರುಳ್ಳಿ ಮತ್ತೆ ಅಲ್ಪ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ. ಕೆಲ ವಾರಗಳಿಂದ ತಟಸ್ಥವಾಗಿದ್ದ ಬೆಳ್ಳುಳ್ಳಿ ಧಾರಣೆ ಒಮ್ಮೆಲೆ ಏರಿಕೆಯತ್ತ ಸಾಗಿದ್ದು, ಕೆ.ಜಿ ₹200–220ಕ್ಕೆ ತಲುಪಿದೆ. ಶುಂಠಿ ದರ ಸಹ ಕಡಿಮೆಯಾಗಿದ್ದು, ಸೌತೆಕಾಯಿ, ನಿಂಬೆ ಹಣ್ಣು ಅಲ್ಪ ಪ್ರಮಾಣದಲ್ಲಿ ಇಳಿದಿದೆ.

ಶುಭ ಕಾರ್ಯಗಳು ಮುಗಿಯುತ್ತಾ ಬಂದಿದ್ದು, ಮುಂದಿನ ವಾರದಿಂದ ಆಷಾಢ ಆರಂಭವಾಗಿದೆ. ಈ ವೇಳೆಗೆ ತರಕಾರಿ ಬೆಲೆ ಮತ್ತಷ್ಟು ಕಡಿಮೆಯಾಗಬಹುದು ಎಂದು ಮಾರುಕಟ್ಟೆ ಮೂಲಗಳು ತಿಳಿಸಿವೆ.

ಇಳಿದ ಸೊಪ್ಪು: ತೀವ್ರವಾಗಿ ಏರಿಕೆ ಕಂಡು ಕೆ.ಜಿ ₹100ರ ಗಡಿ ದಾಟಿದ್ದ ಸೊಪ್ಪಿನ ದರ ಸಾಕಷ್ಟು ಪ್ರಮಾಣದಲ್ಲಿ ಕುಸಿದಿದೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹30–40, ಸಬ್ಬಕ್ಕಿ ಕೆ.ಜಿ ₹50–60, ಮೆಂತ್ಯ ಸೊಪ್ಪು ಕೆ.ಜಿ ₹50–60, ಪಾಲಕ್ ಸೊಪ್ಪು (ಕಟ್ಟು) ₹30ಕ್ಕೆ ಇಳಿಕೆಯಾಗಿದೆ.

ಬಾಳೆಹಣ್ಣು ದುಬಾರಿ: ಅಲ್ಪ ಪ್ರಮಾಣದಲ್ಲಿ ಕಡಿಮೆಯಾಗಿದ್ದ ಏಲಕ್ಕಿ ಬಾಳೆಹಣ್ಣು ಈಗ ದುಬಾರಿಯಾಗಿದ್ದು, ಕೆ.ಜಿ ₹85 ದಾಟಿದೆ. ಮೂಸಂಬಿ, ಪೈನಾಪಲ್, ಪಪ್ಪಾಯ, ಕಲ್ಲಂಗಡಿ ಹಣ್ಣು ಏರಿಕೆ ದಾಖಲಿಸಿದೆ. ತೋತಾಪುರಿ ಮಾವು ಕೆ.ಜಿ ₹100, ಬೇನಿಷಾ ಕೆ.ಜಿ ₹100ಕ್ಕೆ ಸಿಗುತ್ತಿದೆ.

ಅಡುಗೆ ಎಣ್ಣೆ: ಅಡುಗೆ ಎಣ್ಣೆ ದರದಲ್ಲಿ ಕೊಂಚ ಏರುಪೇರು ಕಂಡು ಬಂದಿದೆ. ಗೋಲ್ಡ್‌ವಿನ್ನರ್ ಕೆ.ಜಿ ₹110–112, ಪಾಮಾಯಿಲ್ ಕೆ.ಜಿ ₹87–88, ಕಡಲೆಕಾಯಿ ಎಣ್ಣೆ ಕೆ.ಜಿ ₹160–165ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

ಬೇಳೆ, ಧಾನ್ಯ: ಕೆಲವು ಬೇಳೆ ಕಾಳು ಧಾರಣೆ ಅಲ್ಪ ಪ್ರಮಾಣದಲ್ಲಿ ಏರಿಕೆಯಾಗಿದೆ. ಹೆಸರು ಬೇಳೆ, ಉದ್ದಿನ ಬೇಳೆ, ಹುರುಳಿಕಾಳು, ಬಟಾಣಿ ಕೊಂಚ ದುಬಾರಿಯಾಗಿದೆ. ಹೆಸರುಕಾಳು, ಕಡಲೆಬೀಜ ತುಸು ತಗ್ಗಿದೆ.

ಮೆಣಸು ಮತ್ತೆ ಹೆಚ್ಚಳ: ಮಸಾಲೆ ಪದಾರ್ಥಗಳಲ್ಲಿ ಮೆಣಸು, ಜೀರಿಗೆ ಮತ್ತೆ ದುಬಾರಿಯಾಗಿದ್ದು, ಏಲಕ್ಕಿ ಕೆ.ಜಿಗೆ ₹200 ಕಡಿಮೆಯಾಗಿದೆ. ಬಾದಾಮಿ, ದ್ರಾಕ್ಷಿ ಏರಿಕೆಯತ್ತ ಮುಖ ಮಾಡಿದೆ.

ಧನ್ಯ ಕೆ.ಜಿ ₹110–160, ಬ್ಯಾಡಗಿ ಮೆಣಸಿನಕಾಯಿ ಕೆ.ಜಿ ₹260–280, ಗೌರಿಬಿದನೂರು ಖಾರದ ಮೆಣಸಿನಕಾಯಿ ಕೆ.ಜಿ ₹210–230, ಹುಣಸೆಹಣ್ಣು ₹100–150, ಕಾಳುಮೆಣಸು ಕೆ.ಜಿ ₹750–780, ಜೀರಿಗೆ ಕೆ.ಜಿ ₹340–350, ಸಾಸಿವೆ ಕೆ.ಜಿ ₹80–85, ಮೆಂತ್ಯ ಕೆ.ಜಿ ₹85–90, ಚಕ್ಕೆ ಕೆ.ಜಿ ₹240–280, ಲವಂಗ ಕೆ.ಜಿ ₹900–950, ಗುಣಮಟ್ಟದ ಗಸಗಸೆ ಕೆ.ಜಿ ₹1,200–1,300, ಏಲಕ್ಕಿ ಕೆ.ಜಿ ₹3,000–3,200, ಬಾದಾಮಿ ಕೆ.ಜಿ ₹620–680, ಗೋಡಂಬಿ ಕೆ.ಜಿ ₹700–800, ಒಣದ್ರಾಕ್ಷಿ ಕೆ.ಜಿ ₹200–220ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

ಕೋಳಿ ಅಗ್ಗ: ಎರಡು ವಾರದಿಂದ ಇಳಿಕೆಯತ್ತ ಸಾಗಿರುವ ಕೋಳಿ ಮಾಂಸದ ದರ ಈ ವಾರವೂ ಕಡಿಮೆಯಾಗಿದೆ. ಬ್ರಾಯ್ಲರ್ ಕೋಳಿ ಕೆ.ಜಿ ₹130, ರೆಡಿ ಚಿಕನ್ ಕೆ.ಜಿ ₹240, ಸ್ಕಿನ್‌ಲೆಸ್ ಕೆ.ಜಿ ₹260, ಮೊಟ್ಟೆ ಕೋಳಿ (ಫಾರಂ) ಕೆ.ಜಿ ₹110ಕ್ಕೆ ಇಳಿಕೆಯಾಗಿದೆ.

ಮೀನು: ಕೆಲವು ವಾರಗಳಿಂದ ಮೀನು ದುಬಾರಿಯಾಗುತ್ತಲೇ ಸಾಗಿದ್ದು, ಈ ವಾರವೂ ಅದೇ ದಾರಿಯಲ್ಲಿ ಸಾಗಿದೆ. ಮುಂಗಾರು ಮಳೆ ಆರಂಭವಾಗಿದ್ದು, ಮೀನುಗಾರಿಕೆ ಚಟುವಟಿಕೆಗಳು ಕಡಿಮೆಯಾಗಿವೆ. ಮಾರುಕಟ್ಟೆಯಲ್ಲಿ ಆವಕ ಕಡಿಮೆಯಾಗಿದ್ದು, ಬೆಲೆ ಹೆಚ್ಚಳಕ್ಕೆ ಕಾರಣವಾಗಿದೆ.

******

ಪಟ್ಟಿ.....

ಹಣ್ಣು (ಬೆಲೆ ಕೆ.ಜಿ ₹)

ಸೇಬು;200

ದಾಳಿಂಬೆ;200

ಮೂಸಂಬಿ;100

ಕಿತ್ತಳೆ;150

ಸಪೋಟ;100

ಏಲಕ್ಕಿ ಬಾಳೆ;85

ಪಚ್ಚಬಾಳೆ;37

ಸೀಬೆ;120

ಪೈನಾಪಲ್;100

ಪಪ್ಪಾಯ;30

ಕರಬೂಜ;50

ಕಲ್ಲಂಗಡಿ;30

ದ್ರಾಕ್ಷಿ;50

ಕಪ್ಪು ದ್ರಾಕ್ಷಿ;100

******

ಧಾನ್ಯ (ಬೆಲೆ ಕೆ.ಜಿ ₹) (ಮಂಡಿಪೇಟೆ)

ತೊಗರಿ ಬೇಳೆ;170–180

ಕಡಲೆ ಬೇಳೆ;90–95

ಉದ್ದಿನ ಬೇಳೆ;140–170

ಹೆಸರು ಬೇಳೆ;120–125

ಕಡಲೆಕಾಳು;80–85

ಹೆಸರು ಕಾಳು;110–125

ಅಲಸಂದೆ;100–110

ಅವರೆಕಾಳು;150–160

ಹುರುಳಿಕಾಳು;78–82

ಹುರಿಗಡಲೆ;100–110

ಬಟಾಣಿ;100–105

ಕಡಲೆ ಬೀಜ;120–130

ಗೋಧಿ;38–44

ಸಕ್ಕರೆ;41–42

**

ತರಕಾರಿ (ಬೆಲೆ ಕೆ.ಜಿ ₹) (ಅಂತರಸನಹಳ್ಳಿ ಮಾರುಕಟ್ಟೆ)

ಬೀನ್ಸ್;70–80

ಕ್ಯಾರೇಟ್;60–70

ಬೀಟ್ರೂಟ್‌;40–50

ಈರುಳ್ಳಿ;30–35

ಬೆಳ್ಳುಳ್ಳಿ;200–220

ಟೊಮೆಟೊ;30–35

ಆಲೂಗಡ್ಡೆ;35–40

ಗೆಡ್ಡೆಕೋಸು;40–50

ಮೂಲಂಗಿ;30–40

ಬೆಂಡೆಕಾಯಿ;40–50

ಬದನೆಕಾಯಿ;30–35

ಎಲೆಕೋಸು;35–40

ಹೂಕೋಸು(1ಕ್ಕೆ);40

ತೊಂಡೆಕಾಯಿ;30–40

ಹಾಗಲಕಾಯಿ;40–50

ನುಗ್ಗೆಕಾಯಿ;80–100

ಮೆಣಸಿನಕಾಯಿ;50–60

ಕ್ಯಾಪ್ಸಿಕಂ;40–50

ಶುಂಠಿ;80–100

ಸೌತೆಕಾಯಿ 1ಕ್ಕೆ;6–8

ನಿಂಬೆಹಣ್ಣು 1ಕ್ಕೆ;4–5

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT