ಪಾವಗಡ: ತಾಲ್ಲೂಕಿನ ಸಾಸಲಕುಂಟೆ ಬಳಿ ಬುಧವಾರ ವೃದ್ಧರೊಬ್ಬರ ಮೇಲೆ ಕರಡಿ ದಾಳಿ ನಡೆಸಿ ಗಾಯಗೊಳಿಸಿದೆ.
ಆಂಧ್ರಪ್ರದೇಶದ ಕುಂದರ್ಪಿ ಮಂಡಲ ತುಮಕುಂಟೆ ಗ್ರಾಮದ ಈರ ನಾಗಪ್ಪ (60) ದಾಳಿಗೊಳಗಾದವರು.
ಸಂಕ್ರಾಂತಿ ಹಬ್ಬಕ್ಕಾಗಿ ಸಂಬಂಧಿ ಮನೆಗೆ ಬಂದಿದ್ದರು. ಗ್ರಾಮದ ಹೊರವಲಯದಲ್ಲಿ ಬಸ್‌ಗೆ ಕಾಯುತ್ತಿದ್ದಾಗ ಕರಡಿ ದಾಳಿ ಮಾಡಿ ತಲೆ, ಮುಖವನ್ನು ಗಾಯಗೊಳಿಸಿದೆ.
ಗ್ರಾಮದ ಬಳಿ ಕರಡಿಯ ಹಾವಳಿ ಹೆಚ್ಚಾಗಿದೆ. ದಿನವಿಡೀ ಕರಡಿಗಳು ಸಂಚರಿಸುತ್ತಿರುತ್ತವೆ. ಇಲಾಖಾ ಅಧಿಕಾರಿಗಳು ಕರಡಿ ಹಿಡಿದು ಬೇರೆಡೆ ಬಿಡಬೇಕು ಎಂದು ರಾಜಣ್ಣ, ವೀರಾಂಜನೇಯ, ನಾಗರಾಜು ಒತ್ತಾಯಿಸಿದ್ದಾರೆ.
