ತುಮಕೂರು: ತುಮಕೂರು ಸ್ಮಾರ್ಟ್ ಸಿಟಿ ವ್ಯವಸ್ಥಾಪಕ ನಿರ್ದೇಶಕ, ಮಹಾನಗರ ಪಾಲಿಕೆ ಆಯುಕ್ತ ಟಿ.ಭೂಬಾಲನ್ ಅವರ ವರ್ಗಾವಣೆ ರದ್ದುಪಡಿಸಿ ಮರು ನೇಮಕ ಮಾಡಲು ಮುಖ್ಯಮಂತ್ರಿಯೊಂದಿಗೆ ಚರ್ಚಿಸಿದ್ದೇನೆ. ಅವರೇ ಮತ್ತೆ ಬರಲಿದ್ದಾರೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಜೆ.ಸಿ.ಮಾಧುಸ್ವಾಮಿ ಹೇಳಿದರು.
ಮಾಧ್ಯಮದವರೊಂದಿಗೆ ಮಾತನಾಡಿ, ‘ಉಪಚುನಾವಣೆಗಾಗಿಯೇ ಚುನಾವಣಾ ಆಯೋಗದ ನಿರ್ದೇಶನದ ಮೇರೆಗೆ ಅವರ ವರ್ಗಾವಣೆ ಆಗತ್ತು. ಈಗ ಉಪಚುನಾವಣೆ ಮುಂದೂಡಿಕೆ ಮಾಡಿರುವುದರಿಂದ ಅವರ ವರ್ಗಾವಣೆ ರದ್ದುಪಡಿಸಲು ಯಾವುದೇ ಅಡ್ಡಿ ಇಲ್ಲ ಎಂದರು.
’ಅವರ ವರ್ಗಾವಣೆಗೊಂಡ ದಿನವೇ ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿ ಶಾಲಿನಿ ರಜನೀಶ್ ಅವರು ವಿಷಯ ಗಮನಕ್ಕೆ ತಂದರು. ಆ ಕ್ಷಣವೇ ಮುಖ್ಯಮಂತ್ರಿ ಅವರನ್ನು ಭೇಟಿ ಮಾಡಿ ಭೂಬಾಲನ್ ಅವರನ್ನೇ ಮುಂದುವರಿಸಲು ಕೋರಿದ್ದೇನೆ’ ಎಂದರು.
