<p>ತುಮಕೂರು: ಕಳೆದ ಎರಡು ವಾರದಿಂದ ಇಳಿಕೆ ಕಂಡಿದ್ದ ಅಡುಗೆ ಎಣ್ಣೆ ಬೆಲೆ ಮತ್ತೆ ದುಬಾರಿಯಾಗಿದ್ದರೆ, ಕೋಳಿ ಬೆಲೆ ಸಹ ಹೆಚ್ಚಳವಾಗಿದೆ. ಹಣ್ಣಿನ ಬೆಲೆ ಕಡಿಮೆಯಾಗುತ್ತಿಲ್ಲ. ಆದರೆ ತರಕಾರಿ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.</p>.<p>ಸನ್ಫ್ಲವರ್ ಕೆ.ಜಿ.ಗೆ ₹10 ಹೆಚ್ಚಳವಾಗಿ ₹155ಕ್ಕೆ ಏರಿಕೆ ಕಂಡಿದೆ. ಪಾಮಾಯಿಲ್ ಕೆ.ಜಿ ₹5 ಹೆಚ್ಚಳವಾಗಿದ್ದು, ₹120ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಎಣ್ಣೆ ಆಮದು ಕಡಿಮೆಯಾಗಿದ್ದು, ನಿಧಾನವಾಗಿ ಬೆಲೆ ಹೆಚ್ಚಳವಾಗುತ್ತಿದೆ ಎಂದು ವರ್ತಕರು ಹೇಳುತ್ತಾರೆ. ಧಾನ್ಯಗಳ ಬೆಲೆ ಅಲ್ಪಮಟ್ಟಿಗೆ ತಗ್ಗಿದ್ದು, ಆಷಾಢ ಆರಂಭವಾಗಿದ್ದು, ವಹಿವಾಟಿನ ಬಿಸಿ ಕಾಣುತ್ತಿಲ್ಲ.</p>.<p>ಸೇಬು, ದಾಳಿಂಬೆ ಬೆಲೆ ಕೊಂಚ ಕಡಿಮೆಯಾಗಿದ್ದು, ಏರಿಕೆಯಾಗಿದ್ದ ಬಾಳೆ ಹಣ್ಣಿನ ಬೆಲೆ ಅಲ್ಪ ಇಳಿಕೆಯಾಗಿದೆ. ಪೈನಾಪ್ ಹಣ್ಣಿನ ಬೆಲೆಯೂ ಸ್ವಲ್ಪ ತಗ್ಗಿದೆ. ಇತರ ಹಣ್ಣುಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.</p>.<p class="Subhead">ಹಾಗಲಕಾಯಿ ದುಬಾರಿ: ದುಬಾರಿಯಾಗಿದ್ದ ಬೀನ್ಸ್ ಬೆಲೆ ಇಳಿಕೆಯಾಗಿದ್ದು, ಜನರ ಕೈಗೆಟಕುವಂತಾಗಿದೆ. ಅಂತರಸನಹಳ್ಳಿ ಮಾರುಕಟ್ಟೆಯಲ್ಲಿ ಹಾಗಲಕಾಯಿ ಬೆಲೆ ಕೆ.ಜಿ ₹40ಕ್ಕೆ ಹೆಚ್ಚಾಗಿದ್ದು, ಚಿಲ್ಲರೆ ಮಾರುಕಟ್ಟೆಯಲ್ಲಿ ಕೆ.ಜಿ ₹50 ದಾಟಿದೆ. ಹಸಿಮೆಣಸಿನಕಾಯಿ ಕೆ.ಜಿ 40–45ಕ್ಕೆ ಮಾರಾಟವಾಗುತ್ತಿದೆ.</p>.<p>ಸೌತೆಕಾಯಿ ಬೆಲೆ ಸ್ವಲ್ಪ ಕಡಿಮೆಯಾಗಿದ್ದರೂ ಇನ್ನೂ ಒಂದು ಕಾಯಿಗೆ ₹5–6ಕ್ಕೆ ಮಾರಾಟ ಮಾಡಲಾಗುತ್ತಿದೆ. ಸೊಪ್ಪಿನ ಬೆಲೆ ಬಹುತೇಕ ಸ್ಥಿರವಾಗಿದ್ದು, ಮೆಂತ್ಯ ಸೊಪ್ಪಿನ ಬೆಲೆ ಅಲ್ಪ ಏರಿಕೆಯಾಗಿದೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹25–30,ಸಬ್ಬಕ್ಕಿ ಕೆ.ಜಿ ₹25–30, ಮೆಂತ್ಯ ಸೊಪ್ಪು ಕೆ.ಜಿ ₹30, ಪಾಲಕ್<br />ಸೊಪ್ಪು ಕೆ.ಜಿ ₹20–25ಕ್ಕೆ ಹೆಚ್ಚಳವಾಗಿದೆ.</p>.<p class="Subhead">ಕೋಳಿ ದುಬಾರಿ: ಬ್ರಾಯ್ಲರ್ ಕೋಳಿ ಈ ವಾರ ಕೆ.ಜಿ.ಗೆ 30 ದುಬಾರಿಯಾಗಿದ್ದು, ಕೆ.ಜಿ ₹180ಕ್ಕೆ, ರೆಡಿ ಚಿಕನ್ ಕೆ.ಜಿ ₹260ಕ್ಕೆ, ಮೊಟ್ಟೆ ಕೋಳಿ ಕೆ.ಜಿ ₹140ಕ್ಕೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಸ್ಥಳೀಯವಾಗಿ ಬರುತ್ತಿದ್ದ ಕೋಳಿ ಈಗ ಮಾರುಕಟ್ಟೆಗೆ ಬರುತ್ತಿಲ್ಲ. ಹೊರ ಜಿಲ್ಲೆಗಳಿಂದ ತರಿಸಬೇಕಿದ್ದು, ಬೆಲೆ ಏರಿಕೆಯಾಗಿದೆ. ಶ್ರಾವಣ ಮಾಸದಲ್ಲಿ ಕೋಳಿ, ಮಾಂಸ ಬಳಕೆ ಕಡಿಮೆ. ಆ ವೇಳೆಗೆ ಕೋಳಿ ವಾಟಿವಾಟು ತಗ್ಗುತ್ತದೆ. ಆದರೆ ಈ ಬಾರಿ ಆಷಾಢದಲ್ಲೇ ಕೋಳಿ ಸರಬರಾಜು ಇಲ್ಲವಾಗಿದ್ದು, ಬೆಲೆ ಹೆಚ್ಚಳಕ್ಕೆ ಕಾರಣವಾಗಿದೆ.</p>.<p class="Subhead">ಮೀನು ಬೆಲೆ ಏರಿಕೆ: ಕರಾವಳಿ ಭಾಗದಲ್ಲಿ ಮುಂಗಾರು ಮಳೆ ಆರಂಭವಾಗಿದ್ದು, ಸಮುದ್ರದಲ್ಲಿ ಮೀನುಗಾರಿಕೆ ನಿಷೇಧಿಸಿದ್ದು, ಬೆಲೆ ತೀವ್ರವಾಗಿ ಏರಿಕೆ ಕಂಡಿದೆ. ಮಾರುಕಟ್ಟೆಗೆ ಮೀನು ಬರುವುದು ಕಡಿಮೆಯಾಗಿದೆ. ಬಿಳಿಮಾಂಜಿ ಕೆ.ಜಿ ₹1,120, ಅಂಜಲ್ ಕೆ.ಜಿ ₹850, ಕೊಡ್ಡಾಯಿ ಕೆ.ಜಿ ₹480, ಕಾಣೆ ಕೆ.ಜಿ 720, ಸೀಗಡಿ ಕೆ.ಜಿ 720ಕ್ಕೆ ನಗರದ ಮತ್ಸ್ಯದರ್ಶಿನಿಯಲ್ಲಿ ಮಾರಾಟವಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ತುಮಕೂರು: ಕಳೆದ ಎರಡು ವಾರದಿಂದ ಇಳಿಕೆ ಕಂಡಿದ್ದ ಅಡುಗೆ ಎಣ್ಣೆ ಬೆಲೆ ಮತ್ತೆ ದುಬಾರಿಯಾಗಿದ್ದರೆ, ಕೋಳಿ ಬೆಲೆ ಸಹ ಹೆಚ್ಚಳವಾಗಿದೆ. ಹಣ್ಣಿನ ಬೆಲೆ ಕಡಿಮೆಯಾಗುತ್ತಿಲ್ಲ. ಆದರೆ ತರಕಾರಿ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.</p>.<p>ಸನ್ಫ್ಲವರ್ ಕೆ.ಜಿ.ಗೆ ₹10 ಹೆಚ್ಚಳವಾಗಿ ₹155ಕ್ಕೆ ಏರಿಕೆ ಕಂಡಿದೆ. ಪಾಮಾಯಿಲ್ ಕೆ.ಜಿ ₹5 ಹೆಚ್ಚಳವಾಗಿದ್ದು, ₹120ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಎಣ್ಣೆ ಆಮದು ಕಡಿಮೆಯಾಗಿದ್ದು, ನಿಧಾನವಾಗಿ ಬೆಲೆ ಹೆಚ್ಚಳವಾಗುತ್ತಿದೆ ಎಂದು ವರ್ತಕರು ಹೇಳುತ್ತಾರೆ. ಧಾನ್ಯಗಳ ಬೆಲೆ ಅಲ್ಪಮಟ್ಟಿಗೆ ತಗ್ಗಿದ್ದು, ಆಷಾಢ ಆರಂಭವಾಗಿದ್ದು, ವಹಿವಾಟಿನ ಬಿಸಿ ಕಾಣುತ್ತಿಲ್ಲ.</p>.<p>ಸೇಬು, ದಾಳಿಂಬೆ ಬೆಲೆ ಕೊಂಚ ಕಡಿಮೆಯಾಗಿದ್ದು, ಏರಿಕೆಯಾಗಿದ್ದ ಬಾಳೆ ಹಣ್ಣಿನ ಬೆಲೆ ಅಲ್ಪ ಇಳಿಕೆಯಾಗಿದೆ. ಪೈನಾಪ್ ಹಣ್ಣಿನ ಬೆಲೆಯೂ ಸ್ವಲ್ಪ ತಗ್ಗಿದೆ. ಇತರ ಹಣ್ಣುಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.</p>.<p class="Subhead">ಹಾಗಲಕಾಯಿ ದುಬಾರಿ: ದುಬಾರಿಯಾಗಿದ್ದ ಬೀನ್ಸ್ ಬೆಲೆ ಇಳಿಕೆಯಾಗಿದ್ದು, ಜನರ ಕೈಗೆಟಕುವಂತಾಗಿದೆ. ಅಂತರಸನಹಳ್ಳಿ ಮಾರುಕಟ್ಟೆಯಲ್ಲಿ ಹಾಗಲಕಾಯಿ ಬೆಲೆ ಕೆ.ಜಿ ₹40ಕ್ಕೆ ಹೆಚ್ಚಾಗಿದ್ದು, ಚಿಲ್ಲರೆ ಮಾರುಕಟ್ಟೆಯಲ್ಲಿ ಕೆ.ಜಿ ₹50 ದಾಟಿದೆ. ಹಸಿಮೆಣಸಿನಕಾಯಿ ಕೆ.ಜಿ 40–45ಕ್ಕೆ ಮಾರಾಟವಾಗುತ್ತಿದೆ.</p>.<p>ಸೌತೆಕಾಯಿ ಬೆಲೆ ಸ್ವಲ್ಪ ಕಡಿಮೆಯಾಗಿದ್ದರೂ ಇನ್ನೂ ಒಂದು ಕಾಯಿಗೆ ₹5–6ಕ್ಕೆ ಮಾರಾಟ ಮಾಡಲಾಗುತ್ತಿದೆ. ಸೊಪ್ಪಿನ ಬೆಲೆ ಬಹುತೇಕ ಸ್ಥಿರವಾಗಿದ್ದು, ಮೆಂತ್ಯ ಸೊಪ್ಪಿನ ಬೆಲೆ ಅಲ್ಪ ಏರಿಕೆಯಾಗಿದೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹25–30,ಸಬ್ಬಕ್ಕಿ ಕೆ.ಜಿ ₹25–30, ಮೆಂತ್ಯ ಸೊಪ್ಪು ಕೆ.ಜಿ ₹30, ಪಾಲಕ್<br />ಸೊಪ್ಪು ಕೆ.ಜಿ ₹20–25ಕ್ಕೆ ಹೆಚ್ಚಳವಾಗಿದೆ.</p>.<p class="Subhead">ಕೋಳಿ ದುಬಾರಿ: ಬ್ರಾಯ್ಲರ್ ಕೋಳಿ ಈ ವಾರ ಕೆ.ಜಿ.ಗೆ 30 ದುಬಾರಿಯಾಗಿದ್ದು, ಕೆ.ಜಿ ₹180ಕ್ಕೆ, ರೆಡಿ ಚಿಕನ್ ಕೆ.ಜಿ ₹260ಕ್ಕೆ, ಮೊಟ್ಟೆ ಕೋಳಿ ಕೆ.ಜಿ ₹140ಕ್ಕೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಸ್ಥಳೀಯವಾಗಿ ಬರುತ್ತಿದ್ದ ಕೋಳಿ ಈಗ ಮಾರುಕಟ್ಟೆಗೆ ಬರುತ್ತಿಲ್ಲ. ಹೊರ ಜಿಲ್ಲೆಗಳಿಂದ ತರಿಸಬೇಕಿದ್ದು, ಬೆಲೆ ಏರಿಕೆಯಾಗಿದೆ. ಶ್ರಾವಣ ಮಾಸದಲ್ಲಿ ಕೋಳಿ, ಮಾಂಸ ಬಳಕೆ ಕಡಿಮೆ. ಆ ವೇಳೆಗೆ ಕೋಳಿ ವಾಟಿವಾಟು ತಗ್ಗುತ್ತದೆ. ಆದರೆ ಈ ಬಾರಿ ಆಷಾಢದಲ್ಲೇ ಕೋಳಿ ಸರಬರಾಜು ಇಲ್ಲವಾಗಿದ್ದು, ಬೆಲೆ ಹೆಚ್ಚಳಕ್ಕೆ ಕಾರಣವಾಗಿದೆ.</p>.<p class="Subhead">ಮೀನು ಬೆಲೆ ಏರಿಕೆ: ಕರಾವಳಿ ಭಾಗದಲ್ಲಿ ಮುಂಗಾರು ಮಳೆ ಆರಂಭವಾಗಿದ್ದು, ಸಮುದ್ರದಲ್ಲಿ ಮೀನುಗಾರಿಕೆ ನಿಷೇಧಿಸಿದ್ದು, ಬೆಲೆ ತೀವ್ರವಾಗಿ ಏರಿಕೆ ಕಂಡಿದೆ. ಮಾರುಕಟ್ಟೆಗೆ ಮೀನು ಬರುವುದು ಕಡಿಮೆಯಾಗಿದೆ. ಬಿಳಿಮಾಂಜಿ ಕೆ.ಜಿ ₹1,120, ಅಂಜಲ್ ಕೆ.ಜಿ ₹850, ಕೊಡ್ಡಾಯಿ ಕೆ.ಜಿ ₹480, ಕಾಣೆ ಕೆ.ಜಿ 720, ಸೀಗಡಿ ಕೆ.ಜಿ 720ಕ್ಕೆ ನಗರದ ಮತ್ಸ್ಯದರ್ಶಿನಿಯಲ್ಲಿ ಮಾರಾಟವಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>