ತುಮಕೂರು: ಜಿಲ್ಲೆಯಲ್ಲಿ ಭಾನುವಾರ ಮತ್ತೆ 109 ಮಂದಿಗೆ ಕೊರೊನಾ ಸೋಂಕು ದೃಢವಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 958ಕ್ಕೆ ತಲುಪಿದೆ.
ತುಮಕೂರಿನ ಸಂತೆಪೇಟೆ ಬಡಾವಣೆಯ 29 ವರ್ಷದ ಮಹಿಳೆ ಮತ್ತು ಪಾವಗಡ ತಾಲ್ಲೂಕು ಶೈಲಾಪುರ 35 ವರ್ಷದ ಪುರು ಕೊರೊನಾ ಸೋಂಕಿನಿಂದ ಶನಿವಾರ ಮೃತಪಟ್ಟಿದ್ದು ಆರೋಗ್ಯ ಇಲಾಖೆ ಭಾನುವಾರ ಮಾಹಿತಿ ನೀಡಿದೆ.
ಕೊರೊನಾ ಸೋಂಕಿಗೆ ತುತ್ತಾಗಿ ಆಸ್ಪತ್ರೆ ಮತ್ತು ಕೋವಿಡ್ ಕೇರ್ ಕೇಂದ್ರಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ 165 ಮಂದಿ ಗುಣಮುಖರಾಗಿ ಭಾನುವಾರ ಆಸ್ಪತ್ರೆಗಳಿಂದ ಮನೆಗಳಿಗೆ ತೆರಳಿದರು. ಇಲ್ಲಿಯವರೆಗೂ 2,359 ಸೋಂಕಿನಿಂದ ಗುಣಮುಖರಾಗಿದ್ದಾರೆ.
ಭಾನುವಾರ ಸೋಂಕು ದೃಢವಾದವರಲ್ಲಿ 65 ಮಂದಿ ಪುರುಷರು ಮತ್ತು 44 ಮಂದಿ ಮಹಿಳೆಯರು ಇದ್ದಾರೆ. ಸಾವಿನ ಸಂಖ್ಯೆ 103ಕ್ಕೆ ತಲುಪಿದೆ.
