ಗುರುವಾರ , ಅಕ್ಟೋಬರ್ 29, 2020
20 °C

ಡಿ.ಕೆ.ರವಿ ಪತ್ನಿ ಸ್ಪರ್ಧೆಗೆ ತಾಯಿ ಗೌರಮ್ಮ ಆಕ್ಷೇಪ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕುಣಿಗಲ್: ಐಎಎಸ್ ಅಧಿಕಾರಿ ಡಿ.ಕೆ. ರವಿ ಅವರ ಪತ್ನಿ ಕುಸುಮಾ ಅವರನ್ನು ಬೆಂಗಳೂರು ರಾಜರಾಜೇಶ್ವರಿ ನಗರ ವಿಧಾನಸಭಾ ಕ್ಷೇತ್ರದಿಂದ ಕಣಕ್ಕಿಳಿಸುವ ತಂದೆ ಹನುಮಂತರಾಯಪ್ಪನವರ ನಿರ್ಧಾರದ ಬಗ್ಗೆ ಡಿ.ಕೆ.ರವಿ ತಾಯಿ ಗೌರಮ್ಮ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ಹುಲಿಯೂರುದುರ್ಗ ಹೋಬಳಿಯ ದೊಡ್ಡಕೊಪ್ಪಲು ಗ್ರಾಮದಲ್ಲಿ ಮಾತನಾಡಿದ ಅವರು, ‘ಸೊಸೆ ಕುಸುಮಾ ತಂದೆ ಹೆಸರಿನಲ್ಲಿ ರಾಜಕೀಯ ಪ್ರವೇಶ ಮಾಡಲಿ. ಡಿ.ಕೆ. ರವಿ ಪತ್ನಿಯಾಗಿ ರಾಜಕೀಯ ಮಾಡುವ ಅರ್ಹತೆ ಅವರಿಗಿಲ್ಲ. ರವಿ ಸತ್ತ ದಿನ ಬಂದು ಮಣ್ಣು ಹಾಕಿ ಹೋದವಳು, ಇಲ್ಲಿಯವರೆಗೂ ಬಂದು ನೋಡಿಲ್ಲ. ಅಂದೆ ಡಿ.ಕೆ.ರವಿಯೊಂದಿಗಿನ ಸಂಬಂಧ ಆಕೆಗೆ ಕಡಿದು ಹೋಗಿದೆ’ ಎಂದರು.

‘ಮಗನನ್ನು ಕಷ್ಟ ಪಟ್ಟು ಓದಿಸಿದ್ದೆ. ಆದರೆ ಮಗ ಮೃತಪಟ್ಟ ನಂತರ ಬಂದ ಪರಿಹಾರಧನವನ್ನೆಲ್ಲ ತೆಗೆದುಕೊಂಡು ಹೋದವರು ನಮ್ಮ ಕಷ್ಟಗಳಿಗೆ ಸ್ಪಂದಿಸಿಲ್ಲ. ಪ್ರಚಾರಕ್ಕಾಗಿ ತಮ್ಮ ಮಗನ ಹೆಸರು, ಭಾವಚಿತ್ರ ಬಳಿಸಿದ್ದೇ ಆದರೆ ಬೆಂಗಳೂರಿಗೆ ತೆರಳಿ ಕರಪತ್ರಗಳಿಗೆ ಬೆಂಕಿ ಹಚ್ಚುತ್ತೇನೆ’ ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು