ದುಡ್ಡು ಖರ್ಚು ಮಾಡಿಯೂ ಸದಸ್ಯರು ಹೇಳಿದ ಹಾಗೆ ಕೇಳಬೇಕು. ಇಲ್ಲವಾದರೆ ಆಗಲೇ ಬೇರೆಡೆ ಮುಖ ಮಾಡುವ ಮಾತನಾಡುತ್ತಾರೆ. ಎಲ್ಲ ವ್ಯವಸ್ಥೆ ಮಾಡಿ, ಎ.ಸಿ ಹೋಟೆಲ್ಗಳನ್ನು ಬುಕ್ ಮಾಡಬೇಕು. ಅವರು ಕೇಳಿದ ಊಟ, ತಿಂಡಿ, ಮದ್ಯ ಕೊಡಸಬೇಕು. ಊರಲ್ಲಿ ಕಡಿಮೆ ಬೆಲೆಯ ಮದ್ಯ ಕುಡಿಯುತ್ತಿದ್ದವರು ಈಗ ದುಬಾರಿ ಮದ್ಯವನ್ನೇ ಕೇಳುತ್ತಾರೆ. ಸ್ವಲ್ಪ ಹೆಚ್ಚೂ ಕಡಿಮೆಯಾದರೂ ವಾಪಸ್ ಹೋಗುವ ಬೆದರಿಕೆ ಹಾಕುತ್ತಾರೆ ಎಂದು ಅಧ್ಯಕ್ಷ ಸ್ಥಾನದ ಆಕಾಂಕ್ಷಿಯೊಬ್ಬರು ಹೇಳಿದರು.