ಮೌಢ್ಯದಿಂದ ಹೊರಬರದಿದ್ದರೆ ಕಾನೂನು ಕ್ರಮ: ನ್ಯಾ.ನೂರುನ್ನಿಸ್ಸಾ ಎಚ್ಚರಿಕೆ

ಕೋರ: ‘ನಮ್ಮ ದೇವರು ಒಪ್ಪಲ್ಲ. ಮುಟ್ಟಾದಾಗ ಮೂರು ದಿನ, ಹೆರಿಗೆಯಾದ ಮೂರು ತಿಂಗಳು ಮನೆಯೊಳಗೆ ಬರಲು ಸಾಧ್ಯವಿಲ್ಲ. ಜುಂಜಪ್ಪ ಒಳ್ಳೆಯದು ಮಾಡುವುದಿಲ್ಲ. ಊರೊಳಗೆ ಬಾರದ ನಾವು ಮನೆಯೊಳಗೆ ಬರಲಾರೆವು...’

. ಇದು ಜಿಲ್ಲಾಡಳಿತ, ತಾಲ್ಲೂಕು ಆಡಳಿತ ಹಾಗೂ ತುಮಕೂರು ವಿ.ವಿ. ಕಲಾ ಕಾಲೇಜು ಸ್ನಾತಕ ಸಮಾಜಕಾರ್ಯ ವಿಭಾಗದಿಂದ ಬುಧವಾರ ನಡೆದ ಕಾಡುಗೊಲ್ಲರ ಹಟ್ಟಿಗಳಲ್ಲಿ ಅರಿವು ಹಾಗೂ ಸಂವಾದದಲ್ಲಿ ಕಾಡುಗೊಲ್ಲ ಸಮುದಾಯದ ಹೆಣ್ಣುಮಕ್ಕಳು ಹೇಳಿದ ಮಾತು.

. ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ನ್ಯಾ.ನೂರುನ್ನಿಸ್ಸಾ ಮಾತನಾಡಿ, ‘ಜುಂಜಪ್ಪ ನಿಮ್ಮ ರಕ್ಷಣೆಗೆ ಇರುವುದು ಹೊರತು ಶೋಷಣೆಗಲ್ಲ. ಮೌಢ್ಯ, ಸಂಪ್ರದಾಯದ ಹೆಸರಿನ ಕಂದಾಚಾರದಿಂದ ಹೊರಬನ್ನಿ. ಇಲ್ಲವೇ ಕಾನೂನಿನ ಶಿಕ್ಷೆ ಅನುಭವಿಸಬೇಕಾಗುತ್ತದೆ’ ಎಂದು ಎಚ್ಚರಿಕೆ ನೀಡಿದರು.

. ಹೆಣ್ಣು ಮುಟ್ಟಾಗದಿದ್ದರೆ ಜಗತ್ತು ಉಳಿಯಲ್ಲ. ಮಗುವಿನ ಹುಟ್ಟು ತಾಯಿಗೆ ಶಾಪವಾಗಬೇಕೆ? ಮನೆಯವರಿಂದ ದೂರವಿದ್ದಾಗ ಬಾಣಂತಿ ಸನ್ನಿ ಕಾಡುವ ಸಾಧ್ಯತೆ ಹೆಚ್ಚು. ನಿಮ್ಮ ಹೆಂಡತಿ, ಮಗಳು, ಸಹೋದರಿಯನ್ನು ಊರಾಚೆ ಕಾಡು ಪ್ರಾಣಿಗಳ ದಾಳಿ, ದೃಷ್ಟರ ದೌರ್ಜನ್ಯದಿಂದ ರಕ್ಷಿಸಿ ಎಂದರು.

. ‘ಮೈನೆರೆದಾಗ ಬಾಲಕಿಯರನ್ನು ದೂರವಿಟ್ಟರೆ ಮಾನಸಿಕ ಖಿನ್ನತೆಗೆ ಒಳಗಾಗುವ ಸಾಧ್ಯತೆ ಇದೆ. ಮೌಲ್ಯ ನಶಿಸುತ್ತಿವೆ, ಮೌಢ್ಯ ವಿಜೃಂಭಿಸುತ್ತಿದೆ. ಇಂತಹ ಆಚರಣೆಗಳಿಂದ ಪ್ರಾಣ ಬಿಟ್ಟವರ ಸಂಖ್ಯೆ ಹೆಚ್ಚಾಗಬೇಕಾ? ಬಾಣಂತಿ ವಸಂತಳ ಮಡಿಲು ಬರಿದಾಗಿದೆ. ಎರಡೂ ಮಕ್ಕಳು ಮೃತರಾಗಿವೆ. ಅರ್ಥ ಮಾಡಿಕೊಳ್ಳಿ’ ಎಂದು ಮನವಿ ಮಾಡಿದರು.

. ಡಮರುಗ ರಂಗ ಸಂಪನ್ಮೂಲ ಕೇಂದ್ರದ ಮೆಳೇಹಳ್ಳಿ ದೇವರಾಜು ನೇತೃತ್ವದಲ್ಲಿ ‘ಮುಟ್ಟಾದಳೇ ಪುಟ್ಟಿ’ ಪ್ರದರ್ಶನ ನಡೆಯಿತು. ಯುವ ಕಲಾವಿದ ಮೋಹನ್ ಅವರು ಜುಂಜಪ್ಪನ ಹಾಡಿಗೆ ನೆರೆದಿದ್ದವರು ಕುಣಿದರು.

. ‘ನಮ್ಮ ಮಕ್ಕಳಿಗೆ ಹಾಸ್ಟೆಲ್ ಸೌಲಭ್ಯವಿಲ್ಲ. ಸ್ಮಶಾನಕ್ಕೆ ಜಾಗ ನೀಡಿ. ಮನೆ, ಗುಡಿಸಲು ಕಟ್ಟಿರುವ ಜಾಗವನ್ನು ಇ– ಸ್ವತ್ತು ಖಾತಾ ಮಾಡಿಕೊಡಲು ಹಲವು ದಾಖಲೆ ಕೇಳುತ್ತಿದ್ದಾರೆ. ಸರಳೀಕರಣಗೊಳಿಸಿ’ ಎಂದು ಗ್ರಾಮಸ್ಥರು ನ್ಯಾಯಾಧೀಶರಿಗೆ ಮನವಿ ಮಾಡಿದರು.

. ತುಮಕೂರು ತಾಲ್ಲೂಕು ಗ್ರೇಡ್-2 ತಹಶೀಲ್ದಾರ್ ಕಮಲಮ್ಮ, ತಾಪಂ ಇಒ ಹರ್ಷಕುಮಾರ್, ತಾಲ್ಲೂಕು ಬಿಸಿಎಂ ಅಧಿಕಾರಿ ಗೀತಾ, ಸೋರೆಕುಂಟೆ ಗ್ರಾ.ಪಂ. ಅಧ್ಯಕ್ಷೆ ಸೌಮ್ಯ, ಪಿಡಿಒ ಸವಿತಾಬಾಯಿ, ಗಾಯಕ ಮೋಹನ್, ಬೆಳ್ಳಾವಿ ಪಿಎಚ್ಸಿ ವೈದ್ಯಾಧಿಕಾರಿ ಡಾ.ರಾಧಕೃಷ್ಣ, ತುಮಕೂರು ವಿ.ವಿ. ಸಮಾಜ ಕಾರ್ಯ ಶಿಬಿರಾಧಿಕಾರಿ ಸಿದ್ದೇಶ್ ಸಿ. ಇದ್ದರು.

. ಏಕಾಏಕಿ ಊರಾಚೆಯ ಗುಡಿಸಲುಗಳನ್ನು ತೆರವುಗೊಳಿಸುವುದು ಸರಿಯಲ್ಲ. ಜೊತೆಗೆ ಒಂದೇ ದಿನದಲ್ಲಿ ಸಂಪ್ರದಾಯದಿಂದ ಹೊರ ಬನ್ನಿ ಎಂದು ಹೇಳುವುದು ಸರಿಯಲ್ಲ. ಅರಿವು ಸಹಕಾರ ಮಾರ್ಗದರ್ಶನ ಅಗತ್ಯ.

-ಮಂಜುನಾಥ್ ಸಮಾಜ ಕಾರ್ಯ ಪ್ರಶಿಕ್ಷಣಾರ್ಥಿ

. ಸೌಲಭ್ಯ ಕಲ್ಪಿಸುವುದರ ಜೊತೆಗೆ ವರದಿ ನೀಡುವಂತೆ ಜಿಲ್ಲಾಧಿಕಾರಿಗೆ ಸೂಚಿಸಿದ್ದು ಹೈಕೋರ್ಟ್ಗೆ ಪತ್ರ ಬರೆಯಲಾಗಿದೆ. ಸರ್ಕಾರದ ಗಮನಕ್ಕೂ ತರಲಾಗಿದೆ. ಶ್ರೀಘ್ರ ಎರಡು ಹಾಸ್ಟೆಲ್ ನಿರ್ಮಾಣಕ್ಕೆ ಕ್ರಮಕೈಗೊಳ್ಳಲಾಗುವುದು.

-ನೂರುನ್ನಿಸ್ಸಾ ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೌಢ್ಯದಿಂದ ಹೊರಬರದಿದ್ದರೆ ಕಾನೂನು ಕ್ರಮ: ನ್ಯಾ.ನೂರುನ್ನಿಸ್ಸಾ ಎಚ್ಚರಿಕೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಹಾಕಿ ಇಂಡಿಯಾ ಜೂನಿಯರ್‌ ಬಾಲಕಿಯರ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌: 10ರಂದು ಟ್ರಯಲ್ಸ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್