ತುಮಕೂರು ಕ್ಷೇತ್ರಕ್ಕೆ ಅನ್ಯಾಯ ಸಹಿಸಲ್ಲ: ಜಿಲ್ಲಾ ಕಾಂಗ್ರೆಸ್

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ,' ಮುದ್ದಹನುಮೇಗೌಡರಿಗೆ ಟಿಕೆಟ್ ನೀಡಬೇಕು. ಮಾ 16ರಂದು ನಡೆಯುವ ಪಕ್ಷದ ವರಿಷ್ಠರ ಸಭೆಯಲ್ಲಿ ನಿರ್ಧಾರ ಮರುಪರಿಶೀಲನೆ ಮಾಡಬೇಕು ಎಂದು ಮನವಿ ಮಾಡಲಾಗಿದೆ ಎಂದರು.

ಬೇರೆ ಕ್ಷೇತ್ರಕ್ಕೊಂದು ನಿರ್ಧಾರ. ನಮ್ಮ ಕ್ಷೇತ್ರಕ್ಕೊಂದು ನಿರ್ಧಾರ ಯಾಕೆ? ಪಕ್ಷಕ್ಕೆ ಇಲ್ಲಿ ದೊಡ್ಡ ಪೆಟ್ಟು ಬೀಳಲಿದೆ. ಹಾಲಿ ಸಂಸದರೂ ಸಮರ್ಥರಿದ್ದು ಅವರಿಗೆ ಟಿಕೆಟ್ ಕೊಡಬೇಕು ಎಂದು ಒತ್ತಾಯ ಮಾಡಿದರು.

ನಮಗೆ ಹಸ್ತಕ್ಕೆ ಮತ ಹಾಕಿಸುವುದು ಗೊತ್ತು. ಬೇರೆಯವರಿಗೆ, ಬೇರೆ ಪಕ್ಷದವರಿಗೆ ಮತ ಕೇಳುವುದು ಗೊತ್ತಿಲ್ಲ. ಇದನ್ನೇ ನಮ್ಮ ಮುಖಂಡರಿಗೆ ತಿಳಿಸಿದ್ದೇವೆ ಎಂದು ಹಿರಿಯ ಮುಖಂಡ ಷಫೀ ಅಹಮ್ಮದ್ ಹೇಳಿದರು.

ಯುವ ಕಾಂಗ್ರೆಸ್ ರಾಜ್ಯ ಉಪಾಧ್ಯಕ್ಷ ರಾಜೇಂದ್ರ ಮಾತನಾಡಿ, ' ಜೆಡಿಎಸ್ ಗೆ ಕ್ಷೇತ್ರ ಬಿಟ್ಟು ಕೊಟ್ಟಿರುವುದು ಯಾವ ಕಾರಣಕ್ಕೆ ಎಂಬುದೇ ಗೊತ್ತಾಗುತ್ತಿಲ್ಲ. ಹಾಲಿ ಸಂಸದರಿದ್ದೂ ಬಿಟ್ಟು ಕೊಟ್ಟಿರುವುದು ಬೇರೆ ಬೇರೆ ರೀತಿಯಲ್ಲಿ ಸಂದೇಶ ಹೋಗುತ್ತದೆ. ಹೀಗಾಗಿ ಕಾಂಗ್ರೆಸ್ ನಿಂದ ಮುದ್ದ ಹನುಮೇಗೌಡರಿಗೆ ಟಿಕೆಟ್ ಕೊಡಬೇಕು ಎಂದು ಒತ್ತಾಯ ಮಾಡಿದರು.