ಗುಬ್ಬಿ| ಪ್ರೀತಿಗೆ ವಿರೋಧ: ಯುವತಿ ಆತ್ಮಹತ್ಯೆ

ಗುಬ್ಬಿ: ಪ್ರೀತಿಗೆ ವಿರೋಧ ವ್ಯಕ್ತಪಡಿಸಿದ್ದರಿಂದ ತಾಲ್ಲೂಕಿನ ಕಸಬಾ ಹೋಬಳಿ ಕಡೆಪಾಳ್ಯ ಗ್ರಾಮದ ಯುವತಿ ಶಶಿಕಲಾ (19) ಮಂಗಳವಾರ ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಶಶಿಕಲಾ ಕಡೆಪಾಳ್ಯದ ಯುವಕನನ್ನು ಪ್ರೀತಿಸುತ್ತಿದ್ದರು. ಈ ವಿಚಾರ ಮನೆಯವರಿಗೆ ತಿಳಿದಿತ್ತು. ಈ ಸಂಬಂಧ ಗ್ರಾಮಸ್ಥರ ಸಮ್ಮುಖದಲ್ಲಿ ಪಂಚಾಯಿತಿ ಮಾಡುವ ಸಮಯದಲ್ಲಿ ಯುವಕ ಹಾಗೂ ಆತನ ತಾಯಿ, ತಂದೆಯವರು ಶಶಿಕಲಾ ಹಾಗೂ ಆಕೆಯ ಮನೆಯವರನ್ನು ಅನವಶ್ಯಕವಾಗಿ ನಿಂದಿಸಿದ್ದರು. ಇದರಿಂದ ಮನನೊಂದು ಶಶಿಕಲಾ ಮನೆಯಲ್ಲಿ ಫ್ಯಾನಿಗೆ ನೇಣು ಹಾಕಿಕೊಂಡು ಸಾವನ್ನಪ್ಪಿದ್ದಾರೆ ಎಂದು ಹುಡುಗಿಯ ಪೋಷಕರು ಗುಬ್ಬಿ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ್ದಾರೆ.