ಬದಲಾವಣೆ ತಂದ ಬದನೆ ಬೇಸಾಯ

ಹುಲಿಯೂರುದುರ್ಗ: ‘ಮಳೆ ಬರುವಂತಿಲ್ಲ ಬೆಳೆ ತೆಗೆಯುವಂತಿಲ್ಲ’ ಎನ್ನುವ ಅತಂತ್ರ ಪರಿಸ್ಥಿತಿ ರೈತರದ್ದಾಗಿದೆ. ಮಳೆಯ ಕಣ್ಣಾಮುಚ್ಚಾಲೆಯಿಂದ ಬೇಸತ್ತು ಸಾಂಪ್ರದಾಯಿಕ ಬೆಳೆಗಳಾದ ಭತ್ತ, ರಾಗಿಗೆ ಪರ್ಯಾಯವಾಗಿ ತೋಟಗಾರಿಕೆ, ವಾಣಿಜ್ಯ ಬೆಳೆಗಳತ್ತ ಮುಖ ಮಾಡಿ ಯಶಸ್ಸು ಕಾಣುತ್ತಿದ್ದಾರೆ ಈ ಸಹೋದರರು.

. ಕೆ.ಹೊನ್ನಮಾಚನಹಳ್ಳಿಯ ಎಚ್.ಜಿ.ಶ್ರೀಧರ್ ಹಾಗೂ ಎಚ್.ಜಿ.ಆನಂದ್ ಬದನೆ ಬೆಳೆದು ಲಾಭ ಕಾಣುವ ಮೂಲಕ ಕೃಷಿಯಲ್ಲಿ ಪರಿವರ್ತನೆಯ ದಾರಿ ಹಿಡಿದಿದ್ದಾರೆ.

. ರಾಮೇದೇವರ ಪಾಳ್ಯದ ಲಿಂಗೇಶ್ ಎಂಬುವವರು ಬದನೆ ಕೃಷಿಯಲ್ಲಿ ಪಡೆದ ಯಶಸ್ಸು ಇವರಿಗೆ ಪ್ರೇರಣೆ ಆಯಿತು. ಹದಿನೈದು ಗುಂಟೆಯಲ್ಲಿ ಬೆಳೆದ ಬದನೆ ₹ 1 ಲಕ್ಷ ಆದಾಯ ತಂದುಕೊಟ್ಟಿದ್ದು ಇವರನ್ನೂ ಬದನೆ ಬೇಸಾಯದಲ್ಲಿ ತೊಡಗುವಂತೆ ಮಾಡಿತು.

. ಪರೀಕ್ಷಾರ್ಥವಾಗಿ 20 ಗುಂಟೆಯಲ್ಲಿ ಬೆಳೆದ ಬದನೆ ಅವರ ಭರವಸೆ ಹುಸಿಗೊಳಿಸಲಿಲ್ಲ. ಮೂರು ತಿಂಗಳ ಫಸಲು ಅವರಿಗೆ ₹ 25 ಸಾವಿರ ಲಾಭ ತಂದು ಕೊಟ್ಟಿದೆ. ಇನ್ನೂ 2-3 ತಿಂಗಳು ದೊರೆಯಲಿರುವ ಫಸಲಿನಿಂದ ಇನ್ನಷ್ಟು ಲಾಭದ ನಿರೀಕ್ಷೆಯಲ್ಲಿದ್ದಾರೆ. ಈ ಮೊದಲು ಮೂರು ಎಕರೆ ರಾಗಿ ಬೆಳೆದು ₹ 50 ಸಾವಿರವಷ್ಟೇ ಗಳಿಕೆ ಕಂಡಿದ್ದ ಇವರನ್ನು ಕಡಿಮೆ ವೆಚ್ಚದಲ್ಲಿ ಹೆಚ್ಚು ಲಾಭ ತಂದಿರುವ ಬದನೆ ಕೃಷಿಯ ವಿಸ್ತರಣೆಗೆ ಮುಂದಾಗುವಂತೆ ಮಾಡಿದೆ.

. ತೊರೆಯ ಅಂಚಿನ ಮೂರು ಎಕರೆ ವಿಸ್ತೀರ್ಣದಲ್ಲಿ ಬದನೆ ನಾಟಿಗೆ ಮುಂದಾಗಿದ್ದಾರೆ. ಮರಳಿನ ಕೊಳವೆಬಾವಿಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನೀರು ಸಿಗುತ್ತಿದ್ದು, ಹನಿ ನೀರಾವರಿ ಮೂಲಕ ದೊಡ್ಡಮಟ್ಟದಲ್ಲಿ ಬದನೆ ಕೃಷಿ ಕೈಗೊಂಡಿದ್ದಾರೆ.

. ಮರಳು ಮಿಶ್ರಿತ ಗೋಡು, ಕೆಬ್ಬೆಯ ಅದುರು ಮಣ್ಣು ಹೆಚ್ಚು ಸೂಕ್ತ ಎನ್ನುತ್ತಾರೆ ಈ ಸಹೋದರರು. ಕೊಟ್ಟಿಗೆ ಗೊಬ್ಬರ ಸೇರಿಸಿದ ಮಣ್ಣಿನ ರೈಸರ್ ಬೆಡ್ ಮೇಲೆ ಸರಿಯಾದ ಅಂತರದಲ್ಲಿ ನಾಟಿ ಮಾಡುವುದು ಅವಶ್ಯಕ ಎನ್ನುತ್ತಾರೆ.

. ಬದನೆ ಕೃಷಿಯ ನಿರ್ವಹಣಾ ವೆಚ್ಚಗಳು ಕಡಿಮೆ ಎಂದರೂ ಹೂವು, ಕಾಯಿ ಕೊರಕ ಕೊಟ್ಟೆ ಹುಳುಗಳ ಬಾಧೆ ಹೆಚ್ಚು. ನಿಯಂತ್ರಣಕ್ಕಾಗಿ ವಾರದಲ್ಲಿ ಎರಡು ಬಾರಿ ಕ್ರಿಮಿನಾಶಕ ಸಿಂಪಡಿಸಬೇಕು. ಮೇಲು ಗೊಬ್ಬರವಾಗಿ ಡಿಎಪಿ, ಕಬ್ಬಿನ ಉಪ್ಪು, 20- 20, ಸಿಎನ್ಎನ್ ಹಾಗೂ ಲಘು ಪೋಷಕಾಂಶಗಳನ್ನು ದ್ರವ ರೂಪದಲ್ಲಿ ಡ್ರಿಪ್ ಮೂಲಕ ಪೂರೈಸಲಾಗುತ್ತಿದೆ ಎಂದು ಮಾಹಿತಿ ನೀಡಿದರು.

. *

. ಬೆಂಗಳೂರಿನ ಯಶವಂತಪುರ ಮಾರುಕಟ್ಟೆಗೆ ವಾರಕ್ಕೆ ಒಮ್ಮೆ 20ರಿಂದ 30 ಚೀಲ ಬದನೆಯಕಾಯಿ ಪೂರೈಸುತ್ತಿದ್ದೇವೆ. ಚೀಲವೊಂದಕ್ಕೆ ಕನಿಷ್ಠ ₹ 150 ಸಿಗುತ್ತಿದೆ. ಕೆಲವೊಮ್ಮೆ ₹ 350ರವರೆಗೆ ಬೆಲೆ ಹೆಚ್ಚುತ್ತದೆ. ಮಂಡಿ ಮಾಲೀಕರು ಪ್ರತಿ ₹ 1000ಕ್ಕೆ ₹ 100 ಕಮೀಷನ್ ಪಡೆಯುತ್ತಾರೆ. - ಎಚ್.ಜಿ.ಶ್ರೀಧರ್

. * ತೊಟ್ಟು ಕಪ್ಪಾಗದಂತೆ ಎಚ್ಚರ ವಹಿಸಬೇಕು. ಹುಳುಕಿಲ್ಲದ ಹೊಳಪಿನ ಬದನೆಗೆ ಬೇಡಿಕೆ ಹೆಚ್ಚು. ಕೆಂಪು ಬಣ್ಣದ ಗುಂಡು ಬದನೆ ಬೆಳೆಯುವ ಉದ್ದೇಶ ಇದೆ. ರಾಸಾಯನಿಕ ಗೊಬ್ಬರ, ಕ್ರಿಮಿನಾಶಕಗಳ ಹೆಚ್ಚಿನ ಖರ್ಚು ವೆಚ್ಚಗಳ ಹೊರತಾಗಿಯೂ ಬದನೆ ಕೃಷಿ ಲಾಭದಾಯಕವಾಗಿದೆ. - ಲಿಂಗೇಶ್, ರಾಮೇದೇವರ ಪಾಳ್ಯ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬದಲಾವಣೆ ತಂದ ಬದನೆ ಬೇಸಾಯ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಒಂಟೆಯ ಕಣ್ಣೀರ ಹನಿಗಿದೆ 26 ಹಾವುಗಳ ವಿಷಕ್ಕೆ ಪ್ರತಿಕಾಯ ಸೃಷ್ಟಿಸುವ ಶಕ್ತಿ: NRCC

ಗಾಳಿಯಲ್ಲಿ ಗುಂಡು ಹಾರಿಸಿದ ರಮೇಶ ಜಾರಕಿಹೊಳಿ ಪುತ್ರ! ಗೋಕಾಕ ಜಾತ್ರೆಯಲ್ಲಿ ಘಟನೆ

PHOTOS | ಆಂಗ್ಲರ ನೆಲದಲ್ಲಿ ಭಾರತದ 'ಯುವರಾಜ' ಗಿಲ್ ವೈಭವ

ಗಿಲ್ ಅವರಿಂದ ಸ್ಫೂರ್ತಿ ಪಡೆದಿದ್ದೇನೆ: ಉದಯೋನ್ಮುಖ ತಾರೆ ಸೂರ್ಯವಂಶಿ

PHOTOS | NC Classic 2025: ಚಿನ್ನಕ್ಕೆ ಗುರಿಯಿಟ್ಟ ನೀರಜ್; ಅಭಿಮಾನಿಗಳ ಸಂಭ್ರಮ

'ರಭಸವಾಗಿ ಬೀಸುತ್ತಿದ್ದ ಗಾಳಿ...' ಬೆಂಗಳೂರಿನಲ್ಲಿ ಚಿನ್ನ ಗೆದ್ದ ನೀರಜ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಒಂಟೆಯ ಕಣ್ಣೀರ ಹನಿಗಿದೆ 26 ಹಾವುಗಳ ವಿಷಕ್ಕೆ ಪ್ರತಿಕಾಯ ಸೃಷ್ಟಿಸುವ ಶಕ್ತಿ: NRCC

ಗಾಳಿಯಲ್ಲಿ ಗುಂಡು ಹಾರಿಸಿದ ರಮೇಶ ಜಾರಕಿಹೊಳಿ ಪುತ್ರ! ಗೋಕಾಕ ಜಾತ್ರೆಯಲ್ಲಿ ಘಟನೆ