ಕೊರಟಗೆರೆ: 8 ವರ್ಷಗಳಿಂದ ಒಣಗಿಲ್ಲ ಗಟ್ಲಹಳ್ಳಿ ಕೆರೆ

ಬುಧವಾರ, ಜೂನ್ 26, 2019
24 °C

ಕೊರಟಗೆರೆ: 8 ವರ್ಷಗಳಿಂದ ಒಣಗಿಲ್ಲ ಗಟ್ಲಹಳ್ಳಿ ಕೆರೆ

Published:
Updated:
Prajavani

ತೋವಿನಕೆರೆ: ಕೊರಟಗೆರೆ ತಾಲ್ಲೂಕು ನಿರಂತರವಾಗಿ ಬರಗಾಲದಿಂದ ತತ್ತರಿಸುತ್ತಿದ್ದು, ಹೆಚ್ಚಿನ ಕೆರೆಗಳು ನೀರಿಲ್ಲದೆ ಒಣಗಿವೆ. ಆಶ್ಚರ್ಯವೆಂದರೆ ತಾಲ್ಲೂಕಿನ ಗಟ್ಲಹಳ್ಳಿ ಕೆರೆ ಎಂಟು ವರ್ಷಗಳಿಂದ ನೀರು ತುಂಬಿಕೊಂಡು ಗಮನ ಸೆಳೆದಿದೆ.

ಗಟ್ಲಹಳ್ಳಿ ಕೆರೆಯು ನಿರಂತರವಾಗಿ ತುಂಬಿರುವುದರಿಂದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಕೊಳವೆ ಬಾವಿಗಳು ಒಣಗಿಲ್ಲ. ಹಳ್ಳದ ದಡಗಳ ಸಮೀಪ ಮರಳು ಬೋರ್‌ಗಳು ಕೇವಲ 20-30 ಅಡಿಗಳನ್ನು ಕೊರೆಯಿಸಿದರೆ ಸಾಕು ಸಮೃದ್ಧಿಯಾದ ನೀರು ಸಿಗುತ್ತದೆ. ಐವತ್ತಕ್ಕೂ ಹೆಚ್ಚು ಈ ರೀತಿಯ ಮರಳಿನ ಕೊಳವೆ ಬಾವಿಗಳು ಕೃಷಿಗೆ ನೀರು ಕೊಡುತ್ತಿವೆ. ರೈತರು, ಅಡಿಕೆ, ತೆಂಗು, ತರಕಾರಿ, ಹೂವಿನ ಬೇಸಾಯ ಮಾಡುತ್ತಿದ್ದಾರೆ.

ಕೆರೆಯ ಸುತ್ತಮುತ್ತಲಿನ ಪ್ರದೇಶವು ಬೆಟ್ಟದಿಂದ ಕೂಡಿದ್ದು, ಅಲ್ಪ ಸ್ವಲ್ಪ ಮಳೆ ಬಂದರೆ ಸಾಕು ಕೆರೆಗೆ ನೀರು ಬರುತ್ತದೆ. ಕೆರೆಯ ವಿಸ್ತೀರ್ಣ 90 ಎಕರೆ ಇದ್ದು, ಅಚ್ಚುಕಟ್ಟು ಪ್ರದೇಶ 250 ಎಕರೆ ಇದೆ.

ಸರ್ಕಾರಿ ಆದೇಶದಂತೆ 8 ವರ್ಷಗಳ ಹಿಂದೆ ಕೆರೆಗಳ ತೂಬನ್ನು ಎತ್ತಿ ನೀರನ್ನು ಹೊರ ಬಿಡದಂತೆ ಆದೇಶ ಮಾಡಿ ತೂಬಿಗೆ ಮಣ್ಣು ಹಾಕಿ ಮುಚ್ಚಿಸಲಾಗಿತ್ತು ಹಾಗಾಗಿ ಇಲ್ಲಿ ಶೇಖರಣೆಗೊಂಡ ನೀರು ಹೋರ ಹೋಗಿಲ್ಲ. ಅಲ್ಲದೆ ಕೆರೆ ಅಂಗಳ ಪೂರ್ತಿಯಾಗಿ ತಲಪುರಿಗೆಯ ಕಣ್ಣುಗಳನ್ನು ಹೊಂದಿದೆ. ಕೆಲವು ದಶಕಗಳ ಹಿಂದೆ ಇಲ್ಲಿನ ತಲಪುರಿಗೆಗಳು ಕೃಷಿಕರ ಜೀವನಾಡಿಯಾಗಿದ್ದವು.

ಕೆರೆಯು ಸಂಪೂರ್ಣವಾಗಿ ಮರಳಿನಿಂದ ಕೂಡಿದೆ. ಯಾರು ಮರಳನ್ನು ಎತ್ತಿಕೊಂಡು ಹೊಗುವಂತಿಲ್ಲ. ಕೆರೆ ಅಂಗಳದಲ್ಲಿ 30 ಅಡಿಗೂ ಹೆಚ್ಚು ಆಳದವರೆಗೆ ಮರಳು ತುಂಬಿದೆ. ಮರಳಿಗೆ ಕೈ ಹಾಕಿ ಸ್ವಲ್ಪ ಅಳ ತೋಡಿದರೆ ತೇವಾಂಶ ಕಂಡು ಬರುತ್ತದೆ ಎನ್ನುತ್ತಾರೆ ಕುರಿಗಾಹಿಗಳು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 7

    Happy
  • 1

    Amused
  • 1

    Sad
  • 0

    Frustrated
  • 0

    Angry

Comments:

0 comments

Write the first review for this !