‘ದೀಪಾವಳಿ ಎಲ್ಲರ ಮನೆ, ಮನ ಬೆಳಗಲಿ’

ದೀಪಾವಳಿ ದುಷ್ಟತನದ ಮೇಲೆ ಒಳ್ಳೆಯತನದ ಗೆಲುವನ್ನು ಆಚರಿಸುತ್ತದೆ. ಒಳ್ಳೆಯತನವು ಜಾಗೃತಗೊಂಡು ಸಂಘಟಿತವಾಗಿ ಕಾರ್ಯಪೃವೃತ್ತವಾದಾಗ ದುಷ್ಟತೆಯ ಪ್ರಭಾವ ಕಡಿಮೆಯಾಗುತ್ತದೆ. ಪ್ರತಿ ವ್ಯಕ್ತಿಯೂ ತನ್ನಲ್ಲಿರುವ ಅಸುರ ಪ್ರವೃತ್ತಿ ಹಾಗೂ ವಿದ್ವಂಸಕ ಪೃವೃತ್ತಿಯನ್ನು ನಾಶಮಾಡಿ ದೈವಿ ಪ್ರವೃತ್ತಿಯನ್ನು ಸ್ಥಾಪಿಸಬೇಕು.

ಕೆಟ್ಟತನ ಹಾಗೂ ಅಹಂಕಾರದ ಉಚ್ಛಾಟನೆ ಮಾಡಿ ಆತ್ಮಜ್ಯೋತಿ ಪ್ರಕಾಶಿಸಿ. ತಾನೇ ಉರಿದು ಜಗಕೆ ಬೆಳಕು ನೀಡುವ ಜ್ಯೋತಿ ನೋಡುತ್ತ ಮನುಷ್ಯ ಸ್ವಾರ್ಥವನ್ನು ಮರೆತು, ಜ್ಯೋತಿಯಂತೆ ಇತರರಿಗೆ ನೆರವಾಗಲು ದೀಪಾವಳಿ ಪ್ರೇರಣೆ ನೀಡಲಿ.

ನಾಡಿನ ಸಮಸ್ತ ಬಾಂಧವರಿಗೆ ದೀಪಾವಳಿ ಹಬ್ಬದ ಶುಭಾಷಯಗಳು. ಬೆಳಕಿನ ಮೂಲವಾದ ಭಗವಂತ, ಎಲ್ಲರ ಹೃದಯಗಳನ್ನು, ಮನೆ-ಮನಗಳನ್ನು ಬೆಳಗಿಸಿ ಶಾಂತಿ ಸಮೃದ್ಧತೆ ದಯಪಾಲಿಸಲಿ.

–ಜೆರಾಲ್ಡ್ ಲೋಬೊ, ಉಡುಪಿಯ ಧರ್ಮಾಧ್ಯಕ್ಷರು