ಉಡುಪಿ: ಜಿಲ್ಲೆಯಲ್ಲಿ ಮಂಗಳವಾರ ಕೋವಿಡ್ ಸೋಂಕಿತ ವೃದ್ಧರೊಬ್ಬರು ಮೃತಪಟ್ಟಿದ್ದು, 174 ಮಂದಿಗೆ ಸೋಂಕು ದೃಢಪಟ್ಟಿದೆ. ಸೋಂಕಿತರಲ್ಲಿ ಉಡುಪಿಯ 68, ಕುಂದಾಪುರದ 40, ಕಾರ್ಕಳದ 58, ಬೇರೆ ಜಿಲ್ಲೆಗಳ 8 ಜನ ಇದ್ದಾರೆ.
ಕೋವಿಡ್ ಆಸ್ಪತ್ರೆಗಳಲ್ಲಿ 10, ಹೋಂ ಐಸೊಲೇಷನ್‌ನಲ್ಲಿ 164 ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ. 77 ಮಹಿಳೆಯರು ಹಾಗೂ 97 ಪುರುಷರಿಗೆ ಸೋಂಕು ತಗುಲಿದ್ದು, 63 ಮಂದಿಗೆ ರೋಗದ ಲಕ್ಷಣಗಳಿದ್ದರೆ 111 ಸೋಂಕಿತರಿಗೆ ಲಕ್ಷಣಗಳು ಕಂಡುಬಂದಿಲ್ಲ.
186 ರೋಗಿಗಳು ಗುಣಮುಖರಾಗಿದ್ದು, ಇದುವರೆಗೂ ಗುಣರಾದವರ ಸಂಖ್ಯೆ 17,738ಕ್ಕೆ ಏರಿಕೆಯಾಗಿದೆ. ಒಟ್ಟು ಸೋಂಕಿತರ ಸಂಖ್ಯೆ 19,922 ಇದ್ದು, ಸಕ್ರಿಯ ಸೋಂಕಿತರು 1,994 ಇದ್ದಾರೆ. 168 ಸೋಂಕಿತರು ಮೃತಪಟ್ಟಿದ್ದಾರೆ.
