ಕಾರ್ಕಳ | ಹೊಂಡಮಯ ರಸ್ತೆ: ಸಂಚಾರ ಸಂಕಷ್ಟ

ಕಾರ್ಕಳ ನಗರದ  ಚರಂಡಿಗಳ ಹೂಳೆತ್ತಿ ಸ್ವಚ್ಛಗೊಳಿಸದಿರುವುದರಿಂದ ಮಳೆ ಬರುವಾಗ ನೀರು ರಸ್ತೆಗಳಲ್ಲೇ ಹರಿದು ರಸ್ತೆಗಳು ಹದಗೆಡುತ್ತಿವೆ. ಬಂಡಿಮಠ ಬಸ್ ನಿಲ್ದಾಣದ ಬಳಿಯ ದೇವಸ್ಥಾನದ ಎದುರು ಮ್ಯಾನ್ ಹೋಲ್‌ನಿಂದ ಚರಂಡಿ ತ್ಯಾಜ್ಯವು ಉಕ್ಕಿ ರಸ್ತೆಯ ಮೇಲೆ ಹರಿದು ರಸ್ತೆಯ ಮೇಲೆ ಸಾಗುವ ವಾಹನಗಳ ರಭಸಕ್ಕೆ ಜನರ‌ ಮೈಮೇಲೆ ಸಿಡಿಯುತ್ತಿದೆ. ಪುರಸಭೆ ವತಿಯಿಂದ ಈಚೆಗೆ ತ್ಯಾಜ್ಯ ಸ್ವಚ್ಛಗೊಳಿಸಿದರೂ ಜೋರಾಗಿ ಮಳೆ ಸುರಿದರೆ ಮ್ಯಾನ್ ಹೋಲ್‌ನಿಂದ ಕೊಳಚೆ ನೀರು ಹೊರ ಬರುತ್ತದೆ.