<p><strong>ಕುಂದಾಪುರ</strong>: ಕೆಲವು ದಿನಗಳಿಂದ ಕೋಡಿ-ಗಂಗೊಳ್ಳಿಯ ಸೀವಾಕ್ ಪ್ರದೇಶದಲ್ಲಿ ಡಾಲ್ಫಿನ್ ಕಾಣಿಸಿಕೊಳ್ಳುತ್ತಿದ್ದು, ವೀಕ್ಷಣೆಗೆ ವಿಹಾರಾರ್ಥಿಗಳ ಸಂಖ್ಯೆ ಜಾಸ್ತಿಯಾಗುತ್ತಿದೆ.</p>.<p>ಆಳ ಸಮುದ್ರದಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವ ಅಪರೂಪದ ಡಾಲ್ಫಿನ್ ಮೀನುಗಳು ಕಳೆದ ಕೆಲವು ದಿನಗಳಿಂದ ಕಾಣಿಸಿಕೊಳ್ಳುತ್ತಿರುವುದರಿಂದ ಸೀವಾಕ್ ಆಕರ್ಷಣೆಯ ಕೇಂದ್ರವಾಗಿದೆ.</p>.<p>ಗಂಗೊಳ್ಳಿ ತೀರ ಪ್ರದೇಶದಿಂದ ಸುಮಾರು 12 ನಾಟಿಕಲ್ ಮೈಲು ದೂರದ ಅರಬ್ಬಿ ಸಮುದ್ರದಲ್ಲಿ ಕಾಣಿಸಿಕೊಳ್ಳುವ ಡಾಲ್ಫಿನ್ ಮೀನುಗಳು, ಹಿನ್ನೀರು ಹಾಗೂ ಸಮುದ್ರ ಸಂಧಿಸುವ ಅಳಿವೆ ಪ್ರದೇಶಗಳಲ್ಲಿ ಕಾಣಿಸಿಕೊಂಡಿರುವುದು ಜಿಜ್ಞಾಸೆಯನ್ನ ಹುಟ್ಟು ಹಾಕಿದೆ.</p>.<p>ಆಹಾರವನ್ನು ಹುಡುಕಿಕೊಂಡು ತೀರ ಪ್ರದೇಶಕ್ಕೆ ಬಂದಿರಬೇಕು. ಜತೆಗೆ, ಕೊರೊನಾ ಕಾರಣದಿಂದ ಸಮುದ್ರದಲ್ಲಿ ಬೋಟ್ ಹಾಗೂ ಹಡಗಿನ ಸಂಚಾರ ಕಡಿಮೆಯಾಗಿರುವುದರಿಂದಾಗಿ ಕಡಲಿನಲ್ಲಿ ನಿಶಬ್ಧತೆ ಹೆಚ್ಚಾಗಿದೆ. ಹಾಗಾಗಿ, ತೀರ ಪ್ರದೇಶಕ್ಕೆ ಲಗ್ಗೆ ಇಟ್ಟಿರಬಹುದು ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿವೆ.</p>.<p>ಕೋಡಿ-ಗಂಗೊಳ್ಳಿ ಕಡಲ ಕಿನಾರೆಯ ಸಮೀಪದಲ್ಲಿ ದರ್ಶನ ನೀಡುತ್ತಿರುವ ಡಾಲ್ಫಿನ್ಗಳ ನೆಗೆತ ವಿಹಾರಾರ್ಥಿಗಳು ಖುಷಿ ಪಡುತ್ತಿದ್ದಾರೆ. 5-6 ಡಾಲ್ಫಿನ್ ಮೀನುಗಳು ಒಟ್ಟಾಗಿ ಚೆಲ್ಲಾಟವಾಡುತ್ತಿದ್ದು, ಇದನ್ನು ಕಣ್ತುಂಬಿಕೊಳ್ಳಲು ಹಾಗೂ ಫೋಟೋ ಸೆರೆ ಹಿಡಿಯಲು ಕೆಲವರು ಆಗಮಿಸುತ್ತಿದ್ದಾರೆ.</p>.<p>ಹೊರ ಜಿಲ್ಲೆಗಳಿಂದಲೂ ಬರುವ ವಿಹಾರಾರ್ಥಿಗಳು ಆಗಮಿಸುತ್ತಿರುವುದು ವಿಶೇಷ. ಸೀವಾಕ್ ಬಂಡೆ ಕಲ್ಲುಗಳ ಮೇಲೆ ಕುಳಿತು ಡಾಲ್ಫಿನ್ ನೆಗೆತ ಹಾಗೂ ದರ್ಶನಕ್ಕಾಗಿ ಗಂಟೆಗಳ ಕಾಲ ಕಾಯುವ ಕುತೂಹಲಿಗಳು ಇದ್ದಾರೆ. ಕೆಲವರು ದೋಣಿಗಳ ಮೂಲಕ ಒಂದಷ್ಟು ದೂರದವರೆಗೂ ಹೋಗಿ ಡಾಲ್ಫಿನ್ಗಳ ಆಟವನ್ನು ನೋಡಿಕೊಂಡು ಬರುತ್ತಿದ್ದಾರೆ.</p>.<p>ಈಚೆಗೆ ಮಾವಿನಕಟ್ಟೆಯ ಜಾವೇದ್ ಎಂಬುವರ ಕ್ಯಾಮೆರಾದಲ್ಲಿ ಡಾಲ್ಫಿನ್ಗಳ ಚೆಲ್ಲಾಟ ಸೆರೆಯಾಗಿದ್ದು, ಚಿತ್ರಗಳು ವೈರಲ್ ಆಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕುಂದಾಪುರ</strong>: ಕೆಲವು ದಿನಗಳಿಂದ ಕೋಡಿ-ಗಂಗೊಳ್ಳಿಯ ಸೀವಾಕ್ ಪ್ರದೇಶದಲ್ಲಿ ಡಾಲ್ಫಿನ್ ಕಾಣಿಸಿಕೊಳ್ಳುತ್ತಿದ್ದು, ವೀಕ್ಷಣೆಗೆ ವಿಹಾರಾರ್ಥಿಗಳ ಸಂಖ್ಯೆ ಜಾಸ್ತಿಯಾಗುತ್ತಿದೆ.</p>.<p>ಆಳ ಸಮುದ್ರದಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವ ಅಪರೂಪದ ಡಾಲ್ಫಿನ್ ಮೀನುಗಳು ಕಳೆದ ಕೆಲವು ದಿನಗಳಿಂದ ಕಾಣಿಸಿಕೊಳ್ಳುತ್ತಿರುವುದರಿಂದ ಸೀವಾಕ್ ಆಕರ್ಷಣೆಯ ಕೇಂದ್ರವಾಗಿದೆ.</p>.<p>ಗಂಗೊಳ್ಳಿ ತೀರ ಪ್ರದೇಶದಿಂದ ಸುಮಾರು 12 ನಾಟಿಕಲ್ ಮೈಲು ದೂರದ ಅರಬ್ಬಿ ಸಮುದ್ರದಲ್ಲಿ ಕಾಣಿಸಿಕೊಳ್ಳುವ ಡಾಲ್ಫಿನ್ ಮೀನುಗಳು, ಹಿನ್ನೀರು ಹಾಗೂ ಸಮುದ್ರ ಸಂಧಿಸುವ ಅಳಿವೆ ಪ್ರದೇಶಗಳಲ್ಲಿ ಕಾಣಿಸಿಕೊಂಡಿರುವುದು ಜಿಜ್ಞಾಸೆಯನ್ನ ಹುಟ್ಟು ಹಾಕಿದೆ.</p>.<p>ಆಹಾರವನ್ನು ಹುಡುಕಿಕೊಂಡು ತೀರ ಪ್ರದೇಶಕ್ಕೆ ಬಂದಿರಬೇಕು. ಜತೆಗೆ, ಕೊರೊನಾ ಕಾರಣದಿಂದ ಸಮುದ್ರದಲ್ಲಿ ಬೋಟ್ ಹಾಗೂ ಹಡಗಿನ ಸಂಚಾರ ಕಡಿಮೆಯಾಗಿರುವುದರಿಂದಾಗಿ ಕಡಲಿನಲ್ಲಿ ನಿಶಬ್ಧತೆ ಹೆಚ್ಚಾಗಿದೆ. ಹಾಗಾಗಿ, ತೀರ ಪ್ರದೇಶಕ್ಕೆ ಲಗ್ಗೆ ಇಟ್ಟಿರಬಹುದು ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿವೆ.</p>.<p>ಕೋಡಿ-ಗಂಗೊಳ್ಳಿ ಕಡಲ ಕಿನಾರೆಯ ಸಮೀಪದಲ್ಲಿ ದರ್ಶನ ನೀಡುತ್ತಿರುವ ಡಾಲ್ಫಿನ್ಗಳ ನೆಗೆತ ವಿಹಾರಾರ್ಥಿಗಳು ಖುಷಿ ಪಡುತ್ತಿದ್ದಾರೆ. 5-6 ಡಾಲ್ಫಿನ್ ಮೀನುಗಳು ಒಟ್ಟಾಗಿ ಚೆಲ್ಲಾಟವಾಡುತ್ತಿದ್ದು, ಇದನ್ನು ಕಣ್ತುಂಬಿಕೊಳ್ಳಲು ಹಾಗೂ ಫೋಟೋ ಸೆರೆ ಹಿಡಿಯಲು ಕೆಲವರು ಆಗಮಿಸುತ್ತಿದ್ದಾರೆ.</p>.<p>ಹೊರ ಜಿಲ್ಲೆಗಳಿಂದಲೂ ಬರುವ ವಿಹಾರಾರ್ಥಿಗಳು ಆಗಮಿಸುತ್ತಿರುವುದು ವಿಶೇಷ. ಸೀವಾಕ್ ಬಂಡೆ ಕಲ್ಲುಗಳ ಮೇಲೆ ಕುಳಿತು ಡಾಲ್ಫಿನ್ ನೆಗೆತ ಹಾಗೂ ದರ್ಶನಕ್ಕಾಗಿ ಗಂಟೆಗಳ ಕಾಲ ಕಾಯುವ ಕುತೂಹಲಿಗಳು ಇದ್ದಾರೆ. ಕೆಲವರು ದೋಣಿಗಳ ಮೂಲಕ ಒಂದಷ್ಟು ದೂರದವರೆಗೂ ಹೋಗಿ ಡಾಲ್ಫಿನ್ಗಳ ಆಟವನ್ನು ನೋಡಿಕೊಂಡು ಬರುತ್ತಿದ್ದಾರೆ.</p>.<p>ಈಚೆಗೆ ಮಾವಿನಕಟ್ಟೆಯ ಜಾವೇದ್ ಎಂಬುವರ ಕ್ಯಾಮೆರಾದಲ್ಲಿ ಡಾಲ್ಫಿನ್ಗಳ ಚೆಲ್ಲಾಟ ಸೆರೆಯಾಗಿದ್ದು, ಚಿತ್ರಗಳು ವೈರಲ್ ಆಗಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
