ಕಿರಿಮಂಜೇಶ್ವರ: ಗಣೇಶ ಚತುರ್ಥಿ ಸಂಭ್ರಮ

ಅರ್ಚಕ ರಾಮಕೃಷ್ಣ ಭಟ್ ನೇತೃತ್ವದಲ್ಲಿ ಮಹಾಗಣಪತಿ ದೇವರಿಗೆ 108 ಕಾಯಿ ಗಣಹವನ, ಸಹಸ್ರ ದೂರ್ವಾರ್ಚನೆ, ರಂಗಪೂಜೆ, ಅಲಂಕಾರ ಪೂಜೆ, ಮೋದಕ ನೈವೇದ್ಯ ಸೇವೆ, ಹಣ್ಣುಕಾಯಿ, ಮಂಗಳಾರತಿ ಸೇವೆ, ಕಡುಬು ಸೇವೆ ನಡೆಯಿತು. ಸೇವಾಕರ್ತ ಸತೀಶ ಕೊಠಾರಿ ಅವರಿಂದ ಅನ್ನದಾನ ಸೇವೆ ನಡೆಯಿತು. ಸಹಸ್ರಾರು ಸಂಖ್ಯೆಯಲ್ಲಿ ಭಕ್ತರು ಕ್ಷೇತ್ರಕ್ಕೆ ಭೇಟಿ ನೀಡಿದರು.

ಶಾಸಕ ಗುರುರಾಜ ಗಂಟಿಹೊಳೆ ದೇವರ ದರ್ಶನ ಪಡೆದು ಪೂಜೆ ಸಲ್ಲಿಸಿದರು. ಸತೀಶ ಕೊಠಾರಿ, ದೇವಸ್ಥಾನ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಪ್ರಕಾಶ್ ಐತಾಳ್, ಸದಸ್ಯರು, ಗ್ರಾಮಸ್ಥರು ಇದ್ದರು.