ಜನತಾ ಕರ್ಫ್ಯೂಗೆ ಸ್ಥಬ್ಧವಾದ ಕೃಷ್ಣನೂರು

ಉಡುಪಿ: ಬಂದ್, ಮುಷ್ಕರ, ನಿಷೇಧಾಜ್ಞೆಗೂ ಸ್ತಬ್ಧವಾಗದ ಉಡುಪಿ ಭಾನುವಾರ ಜನತಾ ಕರ್ಫ್ಯೂಗೆ ಸಂಪೂರ್ಣ ಸ್ತಬ್ಧವಾಗಿತ್ತು. ಸದಾ ಗಿಜಿಗಿಡುತ್ತಿದ್ದ ಬಸ್ ನಿಲ್ದಾಣಗಳು, ಮಾರುಕಟ್ಟೆ, ಬಂದರು, ಬೀಚ್ಗಳು ಮೌನವಾಗಿದ್ದವು. ಬೆಳಿಗ್ಗಿನಿಂದ ಸಂಜೆಯವರೆಗೂ ನಗರ ಜೀವಕಳೆ ಕಳೆದುಕೊಂಡಂತೆ ಭಾಸವಾಯಿತು.

. ಬಿಕೋ ಎನ್ನುತ್ತಿದ್ದ ರಸ್ತೆಗಳು

. ಸದಾ ವಾಹನಗಳಿಂದ ತುಂಬಿರುತ್ತಿದ್ದಉಡುಪಿ–ಮಣಿಪಾಲ ಮುಖ್ಯ ರಸ್ತೆ, ಕೆಎಂ ಮಾರ್ಗ, ರಾಷ್ಟ್ರೀಯ ಹೆದ್ದಾರಿ ವಾಹನ ಸಂಚಾರವಿಲ್ಲದೆ ಬಿಕೋ ಎನ್ನುತ್ತಿದ್ದವು. ಪಾದಚಾರಿ ಮಾರ್ಗ, ಪಾರ್ಕಿಂಗ್ ಪ್ರದೇಶಗಳೆಲ್ಲ ಖಾಲಿಯಾಗಿದ್ದವು.

. ಸಂಚಾರ ವ್ಯವಸ್ಥೆಯೇ ಬಂದ್

. ಬಂದ್ ಹಾಗೂ ಮುಷ್ಕರಗಳು ನಡೆದಾಗ ಕೆಎಸ್ಆರ್ಟಿಸಿ, ಖಾಸಗಿ ಬಸ್ಗಳು ಸೇವೆ ನಿಲ್ಲಿಸಿದರೂ, ಆಟೊಗಳು, ಖಾಸಗಿ ವಾಹನಗಳ ಸಂಚಾರ ಇರುತ್ತಿತ್ತು. ಆದರೆ, ಈ ಬಾರಿ ಆಟೊಗಳು ಸೇರಿದಂತೆ ಸಾರ್ವಜನಿಕರ ವಾಹನಗಳು ರಸ್ತೆಗಿಳಿಯಲಿಲ್ಲ. ಹಾಗಾಗಿ, ಸಂಚಾರ ವ್ಯವಸ್ಥೆಯೇ ಬಂದ್ ಆಗಿತ್ತು.

. ನಗರದ ಕೆಎಸ್ಆರ್ಟಿಸಿ ಹಾಗೂ ಖಾಸಗಿ ಬಸ್ ನಿಲ್ದಾಣಗಳು ನಿರಾಶ್ರಿತರ, ಭಿಕ್ಷುಕರ, ಮದ್ಯವ್ಯಸನಿಗಳ ವಿಶ್ರಾಂತಿ ತಾಣಗಳಾಗಿ ಬದಲಾಗಿದ್ದವು. ಹೋಟೆಲ್, ವಸತಿಗೃಹ, ಮಾಲ್ಗಳು, ತರಕಾರಿ, ಹಣ್ಣು, ಹೂ ಮಾರುಕಟ್ಟೆಗಳು ಬಾಗಿಲು ಎಳೆದುಕೊಂಡಿದ್ದವು.

. ಸಾರ್ವಜನಿಕರೇ ಸ್ವಯಂಪ್ರೇರಿತವಾಗಿ ಜನತಾ ಕರ್ಫ್ಯೂನಲ್ಲಿ ಭಾಗವಹಿಸಿದ್ದರಿಂದ ಪೊಲೀಸರಿಗೂ ಹೆಚ್ಚಿನ ಕೆಲಸ ಇರಲಿಲ್ಲ. ಅಲ್ಲಲ್ಲಿ ಬೆರಳೆಣಿಕೆ ಸಿಬ್ಬಂದಿ ಹೊರತುಪಡಿಸಿದರೆ, ಹೆಚ್ಚಿನ ಪೊಲೀಸರು ಕಾಣಿಸಲಿಲ್ಲ.

. ಬಂದರು ಸ್ತಬ್ಧ

. ಸದಾ ಸದ್ದು ಮಾಡುತ್ತಿದ್ದ ಮಲ್ಪೆ ಬಂದರು ಕೂಡ ಭಾನುವಾರ ಮೌನಕ್ಕೆ ಜಾರಿತ್ತು. ಬಂದರಿನಲ್ಲಿ ಮೀನು ಮಾರಾಟ ಮಾಡುವ ಮಹಿಳೆಯರ ಸುಳಿವಿರಲಿಲ್ಲ. ಬೋಟ್ಗಳು ಕಡಲಿಗಿಳಿಯಲಿಲ್ಲ. ಮೀನುಗಾರಿಕಾ ಚಟುವಟಿಕೆಗಳು ನಡೆಯಲಿಲ್ಲ. ಬಂದರಿನ ಪ್ರಾಂಗಣದಲ್ಲಿ ಮೀನು ಸಾಗಾಟ ಮಾಡುವ ವಾಹನಗಳು ಮಾತ್ರ ನಿಂತಿದ್ದು ಕಂಡುಬಂತು.

. ವಾಣಿಜ್ಯ ನಗರ ಮಣಿಪಾಲದಲ್ಲೂ ಬಂದ್ ವಾತಾವರಣ ಇತ್ತು. ಇಲ್ಲಿನ ಕಾಲೇಜು, ವಿಶ್ವವಿದ್ಯಾಲಯ, ಐಶಾರಾಮಿ ಹೋಟೆಲ್, ರೆಸ್ಟೊರೆಂಟ್ಗಳು ಮುಚ್ಚಿದ್ದರಿಂದ ಇಡೀ ನಗರ ಖಾಲಿಯಾಗಿತ್ತು. ಜತೆಗೆ, ಕೆಎಂಸಿ ಆಸ್ಪತ್ರೆಯಲ್ಲಿ ಒಪಿಡಿ ಸೇವೆಯೂ ಇಲ್ಲವಾಗಿರುವುದರಿಂದ ಹೊರ ಜಿಲ್ಲೆಗಳಿಂದ ಬರುವ ರೋಗಿಗಳ ಸಂಖ್ಯೆಯೂ ಇಳಿಮುಖವಾಗಿದ್ದು, ಆಸ್ಪತ್ರೆ ಬಳಿಯೂ ಜನಸಂದಣಿ ಇರಲಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜನತಾ ಕರ್ಫ್ಯೂಗೆ ಸ್ಥಬ್ಧವಾದ ಕೃಷ್ಣನೂರು

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌