ಸಂಸ್ಥೆಯ ನೆರವು ಅಗತ್ಯವಿರುವ ರೈತರ ಹೆಸರು ವಿಳಾಸ ನೋಂದಾಯಿಸಿಕೊಳ್ಳಲು ಎ.ವಿ.ಪಿ ಸಂಸ್ಥೆಯು ಕಚೇರಿಯಲ್ಲಿ ವ್ಯವಸ್ಥೆ ಕಲ್ಪಿಸಿದೆ. ಸಂಸ್ಥೆಯವರು ರೈತರಿಗೆ ಎರಡು ದಿನಗಳ ಮೊದಲೇ ತೆಂಗಿನಕಾಯಿ ಕೊಯ್ಯಲು ಬರುವ ಸಿಬ್ಬಂದಿ ಬಗ್ಗೆ ತಿಳಿಸುತ್ತಾರೆ. 20 ಕಿಲೋಮೀಟರ್ ದೂರದೊಳಗಿನ ರೈತರ ತೋಟದಲ್ಲಿ ಒಂದು ತೆಂಗಿನ ಮರಕ್ಕೆ ₹ 32ರಂತೆ, 20 ಕಿ.ಮೀ. ಕ್ಕಿಂತ ಹೆಚ್ಚು ದೂರವಿದ್ದರೆ ₹ 35ರಂತೆ ರೈತರಿಂದ ಪಡೆದ ಶುಲ್ಕವನ್ನು ಸಿಬ್ಬಂದಿ ಎ.ವಿ.ಪಿ ಕಚೇರಿಗೆ ಪಾವತಿಸಬೇಕು. ಸಿಬ್ಬಂದಿ ನಿತ್ಯ 43 ತೆಂಗಿನಮರಗಳ ಕಾಯಿ ಕೊಯ್ದರೆ ಅವರಿಗೆ ತಿಂಗಳಿಗೆ ₹ 25 ಸಾವಿರ ವೇತನ ದೊರೆಯುತ್ತದೆ.