ಮಾರುಕಟ್ಟೆಯಲ್ಲಿ ‘ಕಾಡಿನ ಫಸಲಿನ’ ಆಕರ್ಷಣೆ!

ಕಾರವಾರ: ಮಳೆಗಾಲದ ಮಧ್ಯಭಾಗ ಬರುತ್ತಿದ್ದಂತೆ ಜಿಲ್ಲೆಯಲ್ಲಿ ದೇಸಿ ತರಕಾರಿಗಳು ಮಾರುಕಟ್ಟೆಗೆ ಲಗ್ಗೆ ಇಡುತ್ತವೆ. ನಗರದ ಪ್ರಮುಖ ರಸ್ತೆಗಳ ಬದಿಯಲ್ಲಿ ವ್ಯಾಪಾರಕ್ಕೆ ಕುಳಿತ ಮಹಿಳೆಯರ ಬಳಿ ಕಾಡಿನ ಅಣಬೆ, ಎಳೆ ಬಿದಿರು, ಅಮಟೆಕಾಯಿ, ಬೇರಲಸು ಮುಂತಾದ ತರಹೇವಾರಿ ತರಕಾರಿಗಳು ಆಕರ್ಷಿಸುತ್ತವೆ.

. ದಟ್ಟವಾದ, ಬಿಸಿಲು ಹೆಚ್ಚಾಗಿ ಬೀಳದ ಅರಣ್ಯ ಪ್ರದೇಶದಲ್ಲಿ ತನ್ನಿಂತಾನೇ ಬೆಳೆಯುವ ಕಾಡು ಅಣಬೆಗಳಿಗೆ ಸ್ಥಳೀಯ ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆಯಿದೆ. ಅವುಗಳನ್ನು ಕಷ್ಟಪಟ್ಟು ಸಂಗ್ರಹಿಸಿ ತಂದು ಮಾರಾಟ ಮಾಡುವುದು ಮಹಿಳೆಯರಿಗೆ ಒಂದಷ್ಟು ಆದಾಯವನ್ನೂ ತಂದುಕೊಡುತ್ತದೆ.

. ಅಣಬೆಯ ಗಾತ್ರಕ್ಕೆ ಅನುಗುಣವಾಗಿ ದರ ನಿಗದಿ ಮಾಡಲಾಗುತ್ತದೆ. ಭರಪೂರ ಪೌಷ್ಟಿಕಾಂಶಗಳಿಂದ ಕೂಡಿರುವ ಈ ಅಣಬೆಯ ಪದಾರ್ಥ ಬಹಳ ರುಚಿಕರವಾಗಿರುತ್ತದೆ ಎನ್ನುತ್ತಾರೆ ನಗರದ ರಮೇಶ ನಾಯ್ಕ.

. 100 ಅಣಬೆಗಳಿರುವ ಒಂದು ಪೊಟ್ಟಣಕ್ಕೆ ₹ 400ರಿಂದ ₹ 800ರವರೆಗೂ ದರವಿದೆ. ಅವು ಹುಟ್ಟಿ ಒಂದೆರಡು ದಿನಗಳಲ್ಲಿ ಹಾಳಾಗುತ್ತವೆ. ಅವುಗಳನ್ನು ಹುಡುಕಿ ತರುವುದೇ ದೊಡ್ಡ ಕೆಲಸ ಎನ್ನುತ್ತಾರೆ ಬೀದಿ ಬದಿ ವ್ಯಾಪಾರಿ ಸುವರ್ಣಾ ಶಂಕರ ನಾಯ್ಕ.

. ಋತುಮಾನಕ್ಕೆ ಅನುಗುಣವಾಗಿ ಸಿಗುವ ತರಕಾರಿಗಳನ್ನು ಇಷ್ಟಪಡುವವರ ನಾಲಿಗೆ ರುಚಿ ತಣಿಸುವ ಎಳೆಯ ಬಿದಿರಿನ ಮೆಳೆಗಳೂ ವಿವಿಧೆಡೆ ಮಾರಾಟಕ್ಕೆ ಇಡಲಾಗಿದೆ. ಬಿದಿರಿನ ಹಿಂಡಿನಿಂದ ಅವುಗಳನ್ನು ಮುರಿದು ತರುವುದು ಕೂಡ ಕಷ್ಟದ ಕೆಲಸ ಎನ್ನುತ್ತಾರೆ ಅವರು.

. ‘ಈ ಬಾರಿ ಬಿದಿರಿನ ಒಂದು ಮೆಳೆಯನ್ನು ₹ 125ರಿಂದ ₹ 150ರಂತೆ ಮಾರಾಟ ಮಾಡಲಾಗುತ್ತಿದೆ. ಪಲ್ಯ, ಸಾಂಬಾರು ಸಿದ್ಧಪಡಿಸಲು ಇದಕ್ಕೆ ಭಾರಿ ಬೇಡಿಕೆಯಿದೆ. ಇದರ ಉಪ್ಪಿನಕಾಯಿ ತಯಾರಿಸುವವರು ಗಜಲಿಂಬೆ ಕಾಯಿಯನ್ನೂ ಮಿಶ್ರಣ ಮಾಡುತ್ತಾರೆ. ಅದೂ ಮಾರುಕಟ್ಟೆಯಲ್ಲಿದ್ದು ಒಂದಕ್ಕೆ ₹ 50ರಂತೆ ಮಾರಾಟವಾಗುತ್ತಿದೆ’ ಎಂದರು.

. ಇದೇ ರೀತಿ ವಿವಿಧ ರೀತಿಯ ಸಾರು, ಸಾಂಬಾರು, ಗೊಜ್ಜುಗಳಿಗೆ ಮಿಶ್ರಣ ಮಾಡಲು ಬಳಸುವ ಅಮಟೆಕಾಯಿಯೂ ಸಾಕಷ್ಟು ಪ್ರಮಾಣದಲ್ಲಿ ಮಾರುಕಟ್ಟೆಯಲ್ಲಿವೆ. ಉಳಿದಂತೆ, ಪಲ್ಯ, ಸಾಂಬಾರು, ಬಜ್ಜಿ, ಚಿಪ್ಸ್ಗೆ ಪ್ರಸಿದ್ಧವಾಗಿರುವ ಬೇರಲಸು ದೊಡ್ಡ ಗಾತ್ರದ್ದು ₹ 100ಕ್ಕೆ ಒಂದರಂತೆ ಮಾರಾಟವಾಗುತ್ತಿದೆ.

. ‘ಈ ಬಾರಿ ಕಳೆದ ವರ್ಷಕ್ಕಿಂತ ದರ ಸ್ವಲ್ಪ ಹೆಚ್ಚಿದೆ. ಆದರೆ, ಇವೆಲ್ಲ ಮಳೆಗಾಲದಲ್ಲಿ ಮಾತ್ರ ಸಿಗುವ ತರಕಾರಿ ಎಂಬ ಕಾರಣಕ್ಕೆ ಖರೀದಿಸಿ ಅಡುಗೆ ಮಾಡಿ ಸೇವಿಸಿ ಸಂಭ್ರಮಿಸುತ್ತೇವೆ’ ಎನ್ನುತ್ತಾರೆ ಗ್ರಾಹಕಿ ಸಂಯುಕ್ತಾ ರಾವ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಾರುಕಟ್ಟೆಯಲ್ಲಿ ‘ಕಾಡಿನ ಫಸಲಿನ’ ಆಕರ್ಷಣೆ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್