ತ್ರಿಬಲ್ ರೈಡಿಂಗ್: ಕಾರು ಮಾಲೀಕನಿಗೆ ದಂಡ !

ಇಲ್ಲಿನ ನಿಲೇಕಣಿಯ ಪ್ರದೀಪ ನಾಯ್ಕ ಎಂಬುವವರಿಗೆ ಕಾರು ನಂಬರ್ ಸಹಿತ ದಂಡದ ಪಾವತಿ ಪತ್ರ ಮನೆಗೆ ಬಂದಿದೆ. ನಗರ ಠಾಣೆಯಿಂದ ನೀಡಿರುವ ಈ ಪತ್ರದಲ್ಲಿ ಯಾವ ಕಾರಣಕ್ಕಾಗಿ ದಂಡ ಹಾಗೂ ದಂಡದ ಮೊತ್ತವನ್ನು ನಮೂದಿಸಲಾಗಿದೆ.

‘ಪೊಲೀಸರ ತಪಾಸಣೆ ಎಷ್ಟೊಂದು ಅವೈಜ್ಞಾನಿಕ ಎಂಬುದಕ್ಕೆ ಈ ಪತ್ರ ಸಾಕ್ಷಿಯಾಗಿದೆ. ಬೈಕ್‌ಗೆ ಅನ್ವಯವಾಗುವ ನಿಯಮವನ್ನು ಕಾರಿಗೆ ಅನ್ವಯಿಸಿ, ದಂಡ ಹಾಕಲಾಗಿದೆ. ವಾಹನ ಸವಾರರು ರಸ್ತೆ ಸುರಕ್ಷತಾ ನಿಯಮ ಪಾಲಿಸುವುದು ಕಡ್ಡಾಯವಾದಂತೆ, ಇಲಾಖೆ ಕೂಡ ಪ್ರಾಮಾಣಿಕವಾಗಿ ಕಾರ್ಯನಿರ್ವಹಿಸುವುದು ಮುಖ್ಯ’ ಎಂದು ಅವರು ಪ್ರತಿಕ್ರಿಯಿಸಿದರು.