ಯಲ್ಲಾಪುರ (ಉತ್ತರ ಕನ್ನಡ) : ಮೈತ್ರಿ ಸರ್ಕಾರದ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿ ತಮ್ಮ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ ಮುಂಬೈಗೆ ತೆರಳಿದ್ದ ಯಲ್ಲಾಪುರ ವಿಧಾನ ಸಭಾ ಕ್ಷೇತ್ರದ ಕಾಂಗ್ರೆಸ್‌ ಶಾಸಕ ಶಿವರಾಮ ಹೆಬ್ಬಾರ್ ಬುಧವಾರ ರಾತ್ರಿ ಊರಿನ ತಮ್ಮ ಮನೆಗೆ ಬಂದಿದ್ದಾರೆ.
ರಾಜಿನಾಮೆ ನೀಡಿದ ನಂತರ ರೆಬೆಲ್‌ ಶಾಸಕರೊಂದಿಗೆ ಕಳೆದ 18 ದಿನಗಳಿಂದ ಮುಂಬೈನಲ್ಲಿ ರೆಸಾರ್ಟ್ ವಾಸ್ತವ್ಯದಲ್ಲಿದ್ದ ಹೆಬ್ಬಾರ್, ಖಾಸಗಿ ಕೆಲಸದ ನಿಮಿತ್ತ ಬಂದಿರುವುದಾಗಿ ಪ್ರತಿಕ್ರಿಯಿಸಿದ್ದಾರೆ.
‘ಪ್ರಜಾವಾಣಿ’ಯೊಂದಿಗೆ ಮಾತನಾಡಿದ ಅವರು, ‘ಖಾಸಗಿ ಕೆಲಸದ ನಿಮಿತ್ತ ಊರಿಗೆ ಬಂದಿದ್ದೇನೆ. ಗುರುವಾರ ಮತ್ತೆ ವಾಪಸ್ ಮುಂಬೈಗೆ ತೆರಳಲಿದ್ದೇನೆ. ಇನ್ನೂ ಮೂರ್ನಾಲ್ಕು ದಿನಗಳ ನಂತರ ಮತ್ತೆ ಯಲ್ಲಾಪುರಕ್ಕೆ ಬರುತ್ತೇನೆ’ ಎಂದರು.
