<p><strong>ಕಾರವಾರ:</strong> ತಾಲ್ಲೂಕಿನ ಮಾಜಾಳಿಯ ದಾಂಡೇಬಾಗದ ಕರಿನಾಸ ದೇವಸ್ಥಾನದಲ್ಲಿ ಅಂಬಿಗ ಸಮಾಜದವರು ಶುಕ್ರವಾರ ಸುಗ್ಗಿ ಕುಣಿತ ಆರಂಭಿಸಿದರು.ಹೋಳಿ ಹುಣ್ಣಿಮೆಯವರೆಗೂ ಈ ಸಂಭ್ರಮ ಮುಂದುವರಿಯುತ್ತದೆ.</p>.<p>ಒಂಬತ್ತುಗ್ರಾಮಗಳ ಅಂಬಿಗ ಸಮುದಾಯದವರು ಪಾಳಿ ಪ್ರಕಾರ ನಡೆಸುವ ಆಚರಣೆಯಲ್ಲಿ ಈ ಬಾರಿ ದಾಂಡೇಬಾಗ ಮತ್ತು ಸುತ್ತಲಿನವರಿಗೆ ಅವಕಾಶ ದೊರೆತಿದೆ.</p>.<p class="Subhead"><strong>ಆಚರಣೆ ಹೇಗಿರುತ್ತದೆ?:</strong>ಗ್ರಾಮ ದೇವರಿಗೆ ಪೂಜೆ ಸಲ್ಲಿಸಿದ ನಂತರ ಕರಿ ದೇವರಿಗೆ ವಿಶೇಷ ಪೂಜೆ ನೆರವೇರಿಸಲಾಯಿತು. ಬಳಿಕ ಸುಗ್ಗಿಯ ತುರಾಯಿ ಕಟ್ಟಿಕೊಂಡು ನೃತ್ಯ ಆರಂಭಿಸಲಾಯಿತು. ಹೋಳಿ ಹುಣ್ಣಿಮೆಯ ದಿನವಾದ ಮಾರ್ಚ್ 20ರವರೆಗೆಇದು ಮುಂದುವರಿಯತ್ತದೆ. ಈ ತಂಡದವರು ದೇವಬಾಗ, ಅಸ್ನೋಟಿ, ಕಿನ್ನರ, ಹಳಗಾ, ಹಣಕೋಣ, ಕಣಸಗಿರಿ, ಬಾವಳ, ನೆಚಕನಬಾಗ, ದಾಂಡೇಬಾಗ– ಹಿಪ್ಪಳಿ ಗ್ರಾಮದ ಮನೆ ಮನೆಗೆ ತೆರಳಿ ಕುಣಿತ ಪ್ರದರ್ಶಿಸಲಿದ್ದಾರೆ.</p>.<p>ಹುಣ್ಣಿಮೆಯ ದಿನ ರಾತ್ರಿ ಸಮುದ್ರ ಸ್ನಾನ ಮಾಡಿ ಅಗ್ನಿಹಾಯ್ದುಪೂಜೆ ಮಾಡುವ ಮೂಲಕ ಆಚರಣೆ ಸಂಪನ್ನವಾಗುತ್ತದೆ. ಬುದಂತ ಮುರಳಿ ಮಾಜಾಳಿಕರ್, ಪಡದಾರ ಜ್ಞಾನೇಶ್ವರ ಖೊಬ್ರೇಕರ್, ಕೋಲಕಾರ ಸಂತೋಷ ತದಡಿಕರ, ಪೂಜಾರಿ ಉದಯ ಮಾಜಾಳಿಕರ್ಹಾಗೂ ಅನೇಕರು ಕುಣಿತದಲ್ಲಿ ಭಾಗಿಯಾಗಿದ್ದಾರೆ.</p>.<p class="Subhead"><strong>ತುರಾಯಿಯಲ್ಲಿಪ್ರಾತಿನಿಧ್ಯ:</strong>ಸುಗ್ಗಿ ಕುಣಿಯುವವರು 11 ತುರಾಯಿಗಳನ್ನು ಒಳಗೊಂಡ ಕಿರೀಟ ಧರಿಸುತ್ತಾರೆ. ಇವು ಅಂಬಿಗ ಸಮುದಾಯದ ಕುಟುಂಬಗಳನ್ನು ಪ್ರತಿನಿಧಿಸುತ್ತವೆ. ಬನವಾಸಿ ಭಾಗದಿಂದ ಬೆಂಡಿನ ಮಾದರಿಯ ಕೋಲುಗಳನ್ನು ತಂದು ಅವುಗಳಿಂದ ಹೂವುಗಳನ್ನು ತಯಾರಿಸಲಾಗುತ್ತದೆ. ನಂತರ ಗ್ರಾಮದ ಹಿರಿಯರು ತುರಾಯಿ ಕಟ್ಟುತ್ತಾರೆ.</p>.<p>ನೃತ್ಯ ಮಾಡುವವರು ಹಾಗೂ ಅವರ ಕುಟುಂಬದ ಮೀನುಗಾರಿಕೆಗೆ ಹೋಗುವುದಿಲ್ಲ. ರಾತ್ರಿ ಎಲ್ಲಿಗೆ ತಲುಪುತ್ತಾರೋ ಅಲ್ಲೇ ವಾಸ್ತವ್ಯ ಹೂಡುವುದು ವಿಶೇಷ.ಪ್ರತಿದಿನ ಮಧ್ಯಾಹ್ನ ಮತ್ತು ಸಂಜೆ ಮಾಂಸಾಹಾರವನ್ನೇ ಸೇವಿಸುವುದೂ ವಾಡಿಕೆ ಎನ್ನುತ್ತಾರೆ ಸಮುದಾಯದ ಹಿರಿಯರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರವಾರ:</strong> ತಾಲ್ಲೂಕಿನ ಮಾಜಾಳಿಯ ದಾಂಡೇಬಾಗದ ಕರಿನಾಸ ದೇವಸ್ಥಾನದಲ್ಲಿ ಅಂಬಿಗ ಸಮಾಜದವರು ಶುಕ್ರವಾರ ಸುಗ್ಗಿ ಕುಣಿತ ಆರಂಭಿಸಿದರು.ಹೋಳಿ ಹುಣ್ಣಿಮೆಯವರೆಗೂ ಈ ಸಂಭ್ರಮ ಮುಂದುವರಿಯುತ್ತದೆ.</p>.<p>ಒಂಬತ್ತುಗ್ರಾಮಗಳ ಅಂಬಿಗ ಸಮುದಾಯದವರು ಪಾಳಿ ಪ್ರಕಾರ ನಡೆಸುವ ಆಚರಣೆಯಲ್ಲಿ ಈ ಬಾರಿ ದಾಂಡೇಬಾಗ ಮತ್ತು ಸುತ್ತಲಿನವರಿಗೆ ಅವಕಾಶ ದೊರೆತಿದೆ.</p>.<p class="Subhead"><strong>ಆಚರಣೆ ಹೇಗಿರುತ್ತದೆ?:</strong>ಗ್ರಾಮ ದೇವರಿಗೆ ಪೂಜೆ ಸಲ್ಲಿಸಿದ ನಂತರ ಕರಿ ದೇವರಿಗೆ ವಿಶೇಷ ಪೂಜೆ ನೆರವೇರಿಸಲಾಯಿತು. ಬಳಿಕ ಸುಗ್ಗಿಯ ತುರಾಯಿ ಕಟ್ಟಿಕೊಂಡು ನೃತ್ಯ ಆರಂಭಿಸಲಾಯಿತು. ಹೋಳಿ ಹುಣ್ಣಿಮೆಯ ದಿನವಾದ ಮಾರ್ಚ್ 20ರವರೆಗೆಇದು ಮುಂದುವರಿಯತ್ತದೆ. ಈ ತಂಡದವರು ದೇವಬಾಗ, ಅಸ್ನೋಟಿ, ಕಿನ್ನರ, ಹಳಗಾ, ಹಣಕೋಣ, ಕಣಸಗಿರಿ, ಬಾವಳ, ನೆಚಕನಬಾಗ, ದಾಂಡೇಬಾಗ– ಹಿಪ್ಪಳಿ ಗ್ರಾಮದ ಮನೆ ಮನೆಗೆ ತೆರಳಿ ಕುಣಿತ ಪ್ರದರ್ಶಿಸಲಿದ್ದಾರೆ.</p>.<p>ಹುಣ್ಣಿಮೆಯ ದಿನ ರಾತ್ರಿ ಸಮುದ್ರ ಸ್ನಾನ ಮಾಡಿ ಅಗ್ನಿಹಾಯ್ದುಪೂಜೆ ಮಾಡುವ ಮೂಲಕ ಆಚರಣೆ ಸಂಪನ್ನವಾಗುತ್ತದೆ. ಬುದಂತ ಮುರಳಿ ಮಾಜಾಳಿಕರ್, ಪಡದಾರ ಜ್ಞಾನೇಶ್ವರ ಖೊಬ್ರೇಕರ್, ಕೋಲಕಾರ ಸಂತೋಷ ತದಡಿಕರ, ಪೂಜಾರಿ ಉದಯ ಮಾಜಾಳಿಕರ್ಹಾಗೂ ಅನೇಕರು ಕುಣಿತದಲ್ಲಿ ಭಾಗಿಯಾಗಿದ್ದಾರೆ.</p>.<p class="Subhead"><strong>ತುರಾಯಿಯಲ್ಲಿಪ್ರಾತಿನಿಧ್ಯ:</strong>ಸುಗ್ಗಿ ಕುಣಿಯುವವರು 11 ತುರಾಯಿಗಳನ್ನು ಒಳಗೊಂಡ ಕಿರೀಟ ಧರಿಸುತ್ತಾರೆ. ಇವು ಅಂಬಿಗ ಸಮುದಾಯದ ಕುಟುಂಬಗಳನ್ನು ಪ್ರತಿನಿಧಿಸುತ್ತವೆ. ಬನವಾಸಿ ಭಾಗದಿಂದ ಬೆಂಡಿನ ಮಾದರಿಯ ಕೋಲುಗಳನ್ನು ತಂದು ಅವುಗಳಿಂದ ಹೂವುಗಳನ್ನು ತಯಾರಿಸಲಾಗುತ್ತದೆ. ನಂತರ ಗ್ರಾಮದ ಹಿರಿಯರು ತುರಾಯಿ ಕಟ್ಟುತ್ತಾರೆ.</p>.<p>ನೃತ್ಯ ಮಾಡುವವರು ಹಾಗೂ ಅವರ ಕುಟುಂಬದ ಮೀನುಗಾರಿಕೆಗೆ ಹೋಗುವುದಿಲ್ಲ. ರಾತ್ರಿ ಎಲ್ಲಿಗೆ ತಲುಪುತ್ತಾರೋ ಅಲ್ಲೇ ವಾಸ್ತವ್ಯ ಹೂಡುವುದು ವಿಶೇಷ.ಪ್ರತಿದಿನ ಮಧ್ಯಾಹ್ನ ಮತ್ತು ಸಂಜೆ ಮಾಂಸಾಹಾರವನ್ನೇ ಸೇವಿಸುವುದೂ ವಾಡಿಕೆ ಎನ್ನುತ್ತಾರೆ ಸಮುದಾಯದ ಹಿರಿಯರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
