ಕಾರವಾರ | 2 ವರ್ಷ ಕಳೆದರೂ ಪೂರ್ಣಗೊಳ್ಳದ ಗೋಶಾಲೆ ಕಾಮಗಾರಿ: ದನಗಳಿಗೆ ರಸ್ತೆಯೇ ಗತಿ

‘ಹಳಿಯಾಳದ ಸರ್ಕಾರಿ ಗೋಶಾಲೆಯಲ್ಲಿ ಸದ್ಯ 96 ಗೋವುಗಳ ಪಾಲನೆ ಮಾಡಲಾಗುತ್ತಿದೆ. ಪ್ರತಿ ಗೋವುಗಳ ನಿರ್ವಹಣೆಗೆ ದಿನಕ್ಕೆ ₹70 ವೆಚ್ಚವನ್ನು ಸರ್ಕಾರ ನೀಡುತ್ತಿದೆ. ಅಪಘಾತಗೊಂಡಿದ್ದ ಪೊಲೀಸರು ವಶಕ್ಕೆ ಪಡೆದು ತಂದ ಗೋವುಗಳನ್ನು ಇಲ್ಲಿ ಸಾಕಲಾಗುತ್ತಿದೆ. ಖಾಸಗಿ ಗೋಶಾಲೆಗಳಿಂದ ಅರ್ಜಿ ಬಂದರೆ ಅವರಿಗೂ ನಿರ್ವಹಣೆಗೆ ನಿಯಮದ ಪ್ರಕಾರ ಅನುದಾನ ನೀಡಲಾಗುತ್ತದೆ’ ಎನ್ನುತ್ತಾರೆ ಪಶು ಸಂಗೋಪನಾ ಇಲಾಖೆ ಉಪನಿರ್ದೇಶಕ ಡಾ.ಮೋಹನ ಕುಮಾರ್. ‘ಖಾಸಗಿ ಗೋಶಾಲೆಗಳಿಗೆ ಪ್ರತಿ ಗೋವಿಗೆ ದಿನಕ್ಕೆ ₹17.50 ಮೊತ್ತವನ್ನು ನಿರ್ವಹಣೆ ಸಲುವಾಗಿ ಸರ್ಕಾರ ನೀಡುತ್ತಿದೆ. ಈ ಮೊತ್ತದಲ್ಲಿ ಮುಷ್ಟಿಯಷ್ಟು ಪಶು ಆಹಾರ ಖರೀದಿಸಲೂ ಸಾಧ್ಯವಾಗದು’ ಎಂದು ಗೋಶಾಲೆಯ ಮುಖ್ಯಸ್ಥರೊಬ್ಬರು ಅಸಮಾಧಾನ ವ್ಯಕ್ತಪಡಿಸಿದರು.