ಸಿಎಂ ವಿರುದ್ಧ ತನಿಖೆಗೆ ಆದೇಶ: ದೇಶಪಾಂಡೆ ಖಂಡನೆ

ಶನಿವಾರ ನಗರದ ಪೇಪರ್ ಮಿಲ್‌ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಈ ಕುರಿತು ಮಾತನಾಡಿದರು.

ಅಬ್ರಾಹಂ ಎನ್ನುವವರು ಸಿ.ಎಂ ಸಿದ್ದರಾಮಯ್ಯ ವಿರುದ್ದ ಮುಡಾ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕ್ರಮಕ್ಕೆ ಅನುಮತಿ ಕೋರಿ ಅರ್ಜಿ ಸಲ್ಲಿಸಿದ್ದರು. ಅದಕ್ಕೆ ರಾಜ್ಯಪಾಲರು ಸಿಎಂ ವಿರುದ್ದ ಕಾನೂನು ವಿಚಾರಣೆಗೆ ಅನುಮತಿ ನೀಡಿರುವುದು, ಅವರ ಸ್ಥಾನಮಾನಕ್ಕೆ ಇದು ಗೌರವವಲ್ಲ. ಅವರು ಸರ್ವಾಧಿಕಾರ ಬಳಿಸಿಕೊಂಡಿದ್ದು ತಪ್ಪಾಗುತ್ತದೆ. ಕೇಂದ್ರದ ಎನ್‌ಡಿಎ ಸರ್ಕಾರದ ಪ್ರಭಾವಕ್ಕೆ ಒಳಗಾಗಿ ರಾಜ್ಯಪಾಲರು ಈ ಕಾನೂನು ವಿರೋಧಿ, ಸಂವಿಧಾನ ವಿರೋಧಿ ಕ್ರಮಕೈಗೊಂಡಿದ್ದಾರೆ. ಅವರು ಸಂವಿಧಾನಕ್ಕೂ ಹಾಗೂ ಕರ್ನಾಟಕ ರಾಜ್ಯದ ಜನತೆಗೂ ಅವಮಾನ ಮಾಡಿದ್ದಾರೆ ಎಂದರು.

ನಾನು ಕಳೆದ 50 ವರ್ಷಗಳಿಂದ ರಾಜಕೀಯ ಜೀವನದಲ್ಲಿದ್ದೇನೆ. ಆದರೆ, ಈ ಹಿಂದೆ ಯಾವ ರಾಜ್ಯಪಾಲರೂ ಈ ತರದ ಕ್ರಮ ತೆಗೆದುಕೊಂಡ ಇತಿಹಾಸವಿಲ್ಲ. ಅದರಲ್ಲೂ ಕರ್ನಾಟಕದಲ್ಲಿ ಇಂತಹ ಅಸಂವಿಧಾನಿಕ ಘಟನೆಗಳೇ ನಡೆದಿಲ್ಲ. ರಾಜ್ಯಪಾಲರ ಕ್ರಮವನ್ನು ತೀರ್ವವಾಗಿ ಖಂಡಿಸುತ್ತೇನೆ ಎಂದರು.