ವೇತನದಿಂದ ಕಲಾಮಂದಿರ ನಿರ್ಮಿಸಿದ ಶಿಕ್ಷಕ

ಯಲ್ಲಾಪುರ: ಪಟ್ಟಣದ ಗಣಪತಿ ಗಲ್ಲಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ನೂತನ ರಂಗಮಂದಿರ ನಿರ್ಮಾಣವಾಗಿದೆ. ಹಾನಿಯಾಗಿದ್ದ ಧ್ವಜದ ಕಟ್ಟೆ, ಆವರಣ ಗೋಡೆಯ ದುರಸ್ತಿಯಾಗಿದೆ. ಸುಣ್ಣ ಬಣ್ಣ ಕಂಡು ಕಂಗೊಳಿಸುತ್ತಿದೆ. ಅವುಗಳನ್ನು ಏ.2ರಂದು ಸಚಿವ ಶಿವರಾಮ ಹೆಬ್ಬಾರ ಉದ್ಘಾಟಿಸಲಿದ್ದಾರೆ.

. ಇವೆಲ್ಲ ಸಾಧ್ಯವಾಗಿದ್ದು ಇದೇ ಶಾಲೆಯ ಒಬ್ಬರು ಶಿಕ್ಷಕರ ವೇತನದ ಹಣದಿಂದ. ಹೌದು, ಈ ಶಾಲೆಯ ಶಿಕ್ಷಕ ರಾಮಚಂದ್ರ ಐ.ನಾಯ್ಕ ಎಂಬುವವರು ತಮ್ಮ ವೇತನದ ಒಂದು ಭಾಗವನ್ನು ಶಾಲೆಯ ಅಭಿವೃದ್ಧಿಗೆ ಮೀಸಲಿಟ್ಟು ವ್ಯಯಿಸಿದ್ದಾರೆ.

. ‘ವಿದ್ಯಾಗಮ’ ಯೋಜನೆ ನೆನಪಿನಲ್ಲಿ ₹ 3 ಲಕ್ಷ ವೆಚ್ಚದಲ್ಲಿ ‘ವಿದ್ಯಾಗಮ ಕಲಾ ಮಂದಿರ’ ನಿರ್ಮಿಸಿದ್ದಾರೆ. ಶಾಲೆಯ ₹ 3 ಸಾವಿರಕ್ಕೆ ತಮ್ಮ ಕೊಡುಗೆಯ ₹ 16 ಸಾವಿರವನ್ನು ಸೇರಿಸಿ ಇತರ ಕೆಲಸಗಳನ್ನು ಮಾಡಿಸಿದ್ದಾರೆ.

. ಶೈಕ್ಷಣಿಕವಾಗಿ ಅತ್ಯಂತ ಹಿಂದುಳಿದಿರುವ ಅಲೆಮಾರಿ ಗೋಸಾವಿ ಜನಾಂಗದ ಬಡ ಮಕ್ಕಳು ಈ ಶಾಲೆಯ ವಿದ್ಯಾರ್ಥಿಗಳು. 2019ರ ಆಗಸ್ಟ್ನಿಂದ ಲಾಕ್ಡೌನ್ ತೆರವಾಗುವ ತನಕವೂ ಸುಮಾರು 6,000 ಪೊಟ್ಟಣಗಳಷ್ಟು ಬೆಳಗ್ಗಿನ ಉಪಾಹಾರವನ್ನು ಅವರು ವಿತರಿಸಿದ್ದಾರೆ. ಅಲ್ಲದೇ ಇದೇ ಸಂದರ್ಭದಲ್ಲಿ ತಮ್ಮ ವಿದ್ಯಾರ್ಥಿಗಳ ಮನೆ ಮನೆಗೆ ತೆರಳಿ ಬಾಳೆಹಣ್ಣನ್ನೂ ಹಂಚಿದ್ದರು. ಅವರ ಈ ಕಾರ್ಯವನ್ನು ಮಕ್ಕಳ ರಕ್ಷಣಾ ಆಯೋಗವೂ ಮೆಚ್ಚಿಕೊಂಡಿತ್ತು.

. ಕಲಿಕೆಗೆ ನೆರವಾಗಲು ಪ್ರೊಜೆಕ್ಟರ್, ಪ್ರಿಂಟರ್, ಅಲ್ಲದೇ ಮಕ್ಕಳಲ್ಲಿ ಸಂವಹನ ಕೌಶಲವನ್ನು ಬೆಳೆಸಬೇಕು ಎನ್ನುವ ನಿಟ್ಟಿನಲ್ಲಿ ಮೈಕ್ ಮತ್ತು ಧ್ವನಿವರ್ಧಕ ಖರೀದಿಸಿದ್ದಾರೆ. ‘ಜಿಲ್ಲಾ ಉತ್ತಮ ಶಿಕ್ಷಕ’ ಪ್ರಶಸ್ತಿಯ ಜೊತೆ ನೀಡಿದ ನಗದು ₹ 5 ಸಾವಿರವನ್ನು ಕೋವಿಡ್ ನಿಧಿಗೆ ನೀಡಿದ್ದಾರೆ. ಜನಜಾಗೃತಿ ಪರಿವಾರದ ಮೂಲಕ 16 ಚಿಂತನ ಸಭೆಗಳನ್ನು ನಡೆಸಿ, ಮಕ್ಕಳಲ್ಲಿ ಆತ್ಮ ಸ್ಥೈರ್ಯ ಹಾಗೂ ದೇಶ ಭಕ್ತಿ ಜಾಗೃತಿ ಮೂಡಿಸುವ ಕಾರ್ಯ ಮಾಡಿದ್ದಾರೆ.

. ವಿದ್ಯಾರ್ಥಿಗಳ ದತ್ತು ಸ್ವೀಕಾರ

. ಪ್ರತಿ ತಿಂಗಳೂ ತಮ್ಮ ವೇತನದಲ್ಲಿ ಕೇಂದ್ರೀಯ ರಕ್ಷಣಾ ನಿಧಿಗೆ, ಮುಖ್ಯಮಂತ್ರಿ, ಪ್ರಧಾನ ಮಂತ್ರಿ ಪರಿಹಾರ ನಿಧಿಗೆ ತಲಾ ₹ 500 ಕಡಿತ ಮಾಡಬೇಕೆಂದು ಬರೆದುಕೊಟ್ಟಿದ್ದಾರೆ. ಬಡ ಮಕ್ಕಳಿಗೆ ಶಿಕ್ಷಣಕ್ಕೆ ನೆರವು ನೀಡಬೇಕೆಂದು ‘ವಿದ್ಯಾಗಮ ದತ್ತು ಸ್ವೀಕಾರ’ದ ಹೆಸರಿನಲ್ಲಿ ಒಟ್ಟು 12 ವಿದ್ಯಾರ್ಥಿಗಳನ್ನು ದತ್ತು ಸ್ವೀಕರಿಸಿದ್ದಾರೆ.

. ತಾಲ್ಲೂಕಿನ ಗಣಪತಿ ಗಲ್ಲಿಯ ಶಾಲೆಯ ಏಳು, ಬಾಳಗಿಮನೆ ಶಾಲೆಯ ಇಬ್ಬರು, ಮೊರಾರ್ಜಿ ವಸತಿಯುತ ಶಾಲೆಯ ಒಬ್ಬ, ಸವಣಗೇರಿ ಶಾಲೆಯ ಒಬ್ಬ ಹಾಗೂ ಅಂಕೋಲಾ ಕಿತ್ತೂರು ಚನ್ನಮ್ಮ ವಸತಿ ಶಾಲೆಯಲ್ಲಿ ಕಲಿಯುತ್ತಿರುವ ಒಬ್ಬ ವಿದ್ಯಾರ್ಥಿ ಇದರ ಪ್ರಯೋಜನ ಪಡೆಯಲಿದ್ದಾರೆ. ಈ ಎಲ್ಲರ ಪಿ.ಯು.ಸಿ.ವರೆಗಿನ ಶೈಕ್ಷಣಿಕ ಅಗತ್ಯತೆಯನ್ನು ಪೂರೈಸುವ ಹೊಣೆಯನ್ನು ರಾಮಚಂದ್ರ ವಹಿಸಿಕೊಂಡಿದ್ದಾರೆ.

. ***

. ಕೋವಿಡ್ನಂತಹ ಸಂಕಷ್ಟದಲ್ಲೂ ಸರ್ಕಾರ ನಮಗೆ ಪೂರ್ಣ ಪ್ರಮಾಣದ ಸಂಬಳ ನೀಡಿದೆ. ಅದರ ಕೆಲವು ಭಾಗವನ್ನು ಶಾಲೆಗಾಗಿ ವ್ಯಯಿಸಿ ಕಲಾಮಂದಿರವನ್ನು ನಿರ್ಮಿಸಿದ್ದೇನೆ.

. – ರಾಮಚಂದ್ರ ಐ. ನಾಯ್ಕ, ಶಿಕ್ಷಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವೇತನದಿಂದ ಕಲಾಮಂದಿರ ನಿರ್ಮಿಸಿದ ಶಿಕ್ಷಕ

ಚಿನಕುರುಳಿ | 06 ಜುಲೈ 2025, ಭಾನುವಾರ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

2029, 2031ರ ವಿಶ್ವ ಅಥ್ಲೆಟಿಕ್ಸ್ ಆತಿಥ್ಯಕ್ಕೆ ಭಾರತ ಬಿಡ್: ಎಎಫ್‌ಐ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ಹಾಕಿ: ‘ಮ್ಯಾಜಿಕ್‌ ಸ್ಕಿಲ್‌ ಪ್ರಶಸ್ತಿ’ ರೇಸ್‌ನಲ್ಲಿ ದೀಪಿಕಾ ಗೋಲು

ಅಂಧ ಅಭಿಮಾನಿಗೆ ಸಹಿಯಿರುವ ಬ್ಯಾಟ್‌ ನೀಡಿದ ಯಶಸ್ವಿ ಜೈಸ್ವಾಲ್: ಹೃದಯಸ್ಪರ್ಷಿ ಘಟನೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ