ಕಾರವಾರ | ಟುಪಲೇವ್ ಅಭಿವೃದ್ಧಿ ಮೂಲೆಗುಂಪು: ಬಳಕೆಯಾಗದ ₹2 ಕೋಟಿ ಅನುದಾನ?

ರಾಜ್ಯದ ಏಕೈಕ ಯುದ್ಧವಿಮಾನ ಮ್ಯೂಸಿಯಂ ಸ್ಥಾಪನೆಯಾದರೂ ಕಳೆದ ಸುಮಾರು 8 ತಿಂಗಳುಗಳಿಂದ ವೀಕ್ಷಣೆಗೆ ಮುಕ್ತವಾಗಿಲ್ಲ. ಆರಂಭಗೊಂಡ ಮೊದಲ ನಾಲ್ಕು ತಿಂಗಳಲ್ಲಿ 35 ಸಾವಿರಕ್ಕೂ ಹೆಚ್ಚು ಜನರು ವೀಕ್ಷಣೆ ಮಾಡಿದ್ದರು. ‘ಮ್ಯೂಸಿಯಂ ಬಾಗಿಲು ಮುಚ್ಚಿರುವ ಬಗ್ಗೆ ಸಚಿವರು ಜಿಲ್ಲಾಧಿಕಾರಿ ಗಮನಕ್ಕಿದ್ದರೂ ಸ್ಪಂದನೆ ಸಿಕ್ಕಿಲ್ಲ. ಪ್ರವಾಸೋದ್ಯಮ ಅಭಿವೃದ್ಧಿಗೆ ಪೂರಕವಾದ ಮ್ಯೂಸಿಯಂ ಸ್ಥಾಪನೆಯಾದರೂ ಅದರ ಸದ್ಬಳಕೆಗೆ ಜಿಲ್ಲಾಡಳಿತ ಮುಂದಾಗದಿರುವುದು ಇಚ್ಚಾಶಕ್ತಿಯ ಕೊರತೆ ಪ್ರದರ್ಶಿಸುತ್ತಿದೆ’ ಎನ್ನುತ್ತಾರೆ ಸಾರ್ವಜನಿಕರು.

‘ಟುಪಲೇವ್ ಯುದ್ಧವಿಮಾನ ಮ್ಯೂಸಿಯಂ ಉದ್ಯಾನದ ಅಭಿವೃದ್ಧಿಗೆ ಹಲವು ಸೌಕರ್ಯಗಳ ಅಳವಡಿಕೆಗೆ ₹2 ಕೋಟಿ ಅನುದಾನ ಮಂಜೂರಾಗಿದೆ. ನಿರ್ಮಿತಿ ಕೇಂದ್ರವು ಸೌಕರ್ಯಗಳ ಅಳವಡಿಕೆ ಜವಾಬ್ದಾರಿ ಹೊತ್ತಿದ್ದು ಈಗಾಗಲೆ ವಿಮಾನ ಅಳವಡಿಕೆಗೆ ನೆಲಗಟ್ಟು ನಿರ್ಮಿಸಿದೆ. ಇನ್ನಷ್ಟು ಸೌಕರ್ಯಗಳ ಅಳವಡಿಕೆ ಕೆಫೆಟೇರಿಯಾ ನಿರ್ಮಾಣ ನಡೆಯಬೇಕಿದ್ದು ಸಿಆರ್‌ಝಡ್ ಅನುಮತಿ ಅಗತ್ಯವಿರುವ ಕಾರಣ ಕೆಲಸ ನಿಂತಿದೆ. ವಿಸ್ತೃತ ಯೋಜನಾ ವರದಿ ಸಿದ್ಧಪಡಿಸಿ ಸಿಆರ್‌ಝಡ್ ಅನುಮತಿಗೆ ಅರ್ಜಿ ಸಲ್ಲಿಸುವುದಾಗಿ ನಿರ್ಮಿತಿ ಕೇಂದ್ರದವರು ತಿಳಿಸಿದ್ದಾರೆ’ ಎಂದು ಪ್ರವಾಸೋದ್ಯಮ ಇಲಾಖೆ ಪನಿರ್ದೇಶಕ ಮಂಜುನಾಥ ನಾವಿ ತಿಳಿಸಿದರು.