<p><strong>ಕಾರವಾರ:</strong> ಜಿಲ್ಲೆಯ ಕರಾವಳಿಯಲ್ಲಿ ಮುಂಗಾರು ಮಳೆಯ ಆರ್ಭಟ ಸೋಮವಾರವೂ ಮುಂದುವರಿದಿದೆ. ಭಟ್ಕಳ, ಹೊನ್ನಾವರ, ಕುಮಟಾ, ಅಂಕೋಲಾ ಹಾಗೂ ಕಾರವಾರ ತಾಲ್ಲೂಕಿನಲ್ಲಿ ಒಂದೆರಡು ಗಂಟೆ ಹೊರತುಪಡಿಸಿ ದಿನವಿಡೀ ಮಳೆ ಸುರಿದಿದೆ.<br /> <br /> ಗಾಳಿ, ಮಳೆಯಿಂದಾಗಿ ಅರಬ್ಬಿ ಸಮುದ್ರದಲ್ಲಿ ಅಲೆಗಳ ಆರ್ಭಟ ಹೆಚ್ಚಾಗಿದ್ದು ಅಂಕೋಲಾ ತಾಲ್ಲೂಕಿನ ಹಾರವಾಡದಲ್ಲಿ ಕಡಲ್ಕೊರೆತ ಆರಂಭವಾಗಿದೆ. ದೊಡ್ಡದೊಡ್ಡ ಅಲೆಗಳು ದಡಕ್ಕೆ ಬಂದು ಅಪ್ಪಳಿಸುತ್ತಿದ್ದು ತೀರವನ್ನು ಸಮುದ್ರ ಆಪೋಶನ ಮಾಡಿಕೊಳ್ಳುತ್ತಿದೆ.<br /> <br /> ಕಡಲತೀರದ ರಕ್ಷಣೆಗೆ ಹಾಕಿರುವ ದೊಡ್ಡದೊಡ್ಡ ಶಿಲೆ ಕಲ್ಲುಗಳು ಸಮುದ್ರದೊಳಗೆ ಹೋಗುತ್ತಿದೆ. ಇದರಿಂದಾಗಿ ಸ್ಥಳೀಯ ಮೀನುಗಾರರ ಆತಂಕಕ್ಕೆ ಒಳಗಾಗಿದ್ದಾರೆ.<br /> <br /> `ಕಡಲ್ಕೊರೆತ ತಡೆಗಟ್ಟಲು ಸರ್ಕಾರ ತಡೆಗೋಡೆ ನಿರ್ಮಿಸಿತು ಆದರೆ, ಕಡಲಿನ ಅಬ್ಬರಕ್ಕೆ ಅವು ನಿಲ್ಲುತ್ತಿಲ್ಲ. ತೀರದ ರಕ್ಷಣೆಗೆ ಸರ್ಕಾರ ಕೂಡಲೇ ತುರ್ತು ಕ್ರಮಕೈಗೊಳ್ಳಬೇಕು' ಎಂದು ಹಾರವಾಡ ಗ್ರಾ.ಪಂ. ಅಧ್ಯಕ್ಷ ಉಮೇಶ ಕಾಂಚನ್, ಸದಸ್ಯ ಶ್ರೀಕಾಂತ ನಾಯ್ಕ ಆಗ್ರಹಿಸಿದ್ದಾರೆ.<br /> <br /> ಜೋಯಿಡಾ, ಹಳಿಯಾಳ, ಸಿದ್ದಾಪುರ, ಯಲ್ಲಾಪುರ ತಾಲ್ಲೂಕುಗಳಲ್ಲಿ ಸಾಧಾರಣ ಮಳೆಯಾಗಿದೆ. ಮೂರು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ಹಳ್ಳಕೊಳ್ಳ, ಕೊಳ್ಳಗಳು ತುಂಬಿ ಹರಿಯಲಾರಂಭಿಸಿವೆ.<br /> <br /> ಸೋಮವಾರ ಬೆಳಿಗ್ಗೆ 8ಕ್ಕೆ ಕೊನೆಗೊಂಡು ಜಿಲ್ಲೆಯಾದ್ಯಂತ ಕಳೆದ 24 ಗಂಟೆಗಳ ಅವಧಿಯಲ್ಲಿ 22.9 ಸೆಂ.ಮೀ ಮಳೆಯಾಗಿದೆ.<br /> <br /> ಅಂಕೋಲಾ- 45.8ಮಿ.ಮೀ, ಭಟ್ಕಳ- 27.8, ಹಳಿಯಾಳ- 2.6, ಹೊನ್ನಾವರ- 39.8, ಕಾರವಾರ- 59.6, ಕುಮಟಾ- 31.5, ಮುಂಡಗೋಡ- 3, ಸಿದ್ದಾಪುರ- 15.2, ಶಿರಸಿ- 9.5, ಜೋಯಿಡಾ- 9 ಹಾಗೂ ಯಲ್ಲಾಪುರದಲ್ಲಿ 7.8 ಮಿ.ಮೀ ಮಳೆಯಾಗಿದೆ. ಜೂನ್ 1 ರಿಂದ 10 ರವರೆಗೆ ಸರಾಸರಿ 126.3 ಮಿ.ಮೀ ಮಳೆಯಾಗಿದೆ.<br /> <br /> <strong>ಸಿದ್ದಾಪುರ ವರದಿ</strong><br /> ತಾಲ್ಲೂಕಿನಲ್ಲಿ ಕಳೆದೆರಡು ದಿನಗಳಿಂದ ಮಳೆ ಚುರುಕಾಗಿದ್ದು, ಆಸ್ತಿ-ಪಾಸ್ತಿ ಹಾನಿಯಾದ ವರದಿಗಳು ಬಂದಿವೆ.<br /> <br /> ತಾಲ್ಲೂಕಿನ ಮುಗದೂರಿನಲ್ಲಿ ಪಾರ್ವತಿ ರಾಮಚಂದ್ರ ಮಡಿವಾಳ ಎಂಬವರ ವಾಸ್ತವ್ಯದ ಮನೆಯ ಮೇಲ್ಛಾವಣಿ ಭಾರಿ ಮಳೆಯಿಂದ ಕುಸಿದಿದೆ. ಕಂದಾಯ ನಿರೀಕ್ಷಕ ಡಿ.ಎಂ.ನಾಯ್ಕ ಮತ್ತು ಗ್ರಾಮ ಲೆಕ್ಕಾಧಿಕಾರಿ ರೇಖಾ ಸ್ಥಳಕ್ಕೆ ಭೇಟಿ ನೀಡಿದ್ದು, ರೂ.22 ಸಾವಿರ ಹಾನಿಯ ಅಂದಾಜು ಮಾಡಿದ್ದಾರೆ.<br /> <br /> ಹಲಗೇರಿ,ಸುಂಕತ್ತಿಯಲ್ಲಿ ಶಿವಾಜಿ ಎಂಬವರ ಮನೆಯ ಮೇಲೆ ಹಲಸಿನ ಮರ ಬಿದ್ದು, ರೂ 30 ಸಾವಿರ ಹಾನಿ ಭಾನುವಾರ ಸಂಭವಿಸಿದೆ ಎಂದು ಕಂದಾಯ ಇಲಾಖೆಯ ಮೂಲಗಳು ತಿಳಿಸಿವೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರವಾರ:</strong> ಜಿಲ್ಲೆಯ ಕರಾವಳಿಯಲ್ಲಿ ಮುಂಗಾರು ಮಳೆಯ ಆರ್ಭಟ ಸೋಮವಾರವೂ ಮುಂದುವರಿದಿದೆ. ಭಟ್ಕಳ, ಹೊನ್ನಾವರ, ಕುಮಟಾ, ಅಂಕೋಲಾ ಹಾಗೂ ಕಾರವಾರ ತಾಲ್ಲೂಕಿನಲ್ಲಿ ಒಂದೆರಡು ಗಂಟೆ ಹೊರತುಪಡಿಸಿ ದಿನವಿಡೀ ಮಳೆ ಸುರಿದಿದೆ.<br /> <br /> ಗಾಳಿ, ಮಳೆಯಿಂದಾಗಿ ಅರಬ್ಬಿ ಸಮುದ್ರದಲ್ಲಿ ಅಲೆಗಳ ಆರ್ಭಟ ಹೆಚ್ಚಾಗಿದ್ದು ಅಂಕೋಲಾ ತಾಲ್ಲೂಕಿನ ಹಾರವಾಡದಲ್ಲಿ ಕಡಲ್ಕೊರೆತ ಆರಂಭವಾಗಿದೆ. ದೊಡ್ಡದೊಡ್ಡ ಅಲೆಗಳು ದಡಕ್ಕೆ ಬಂದು ಅಪ್ಪಳಿಸುತ್ತಿದ್ದು ತೀರವನ್ನು ಸಮುದ್ರ ಆಪೋಶನ ಮಾಡಿಕೊಳ್ಳುತ್ತಿದೆ.<br /> <br /> ಕಡಲತೀರದ ರಕ್ಷಣೆಗೆ ಹಾಕಿರುವ ದೊಡ್ಡದೊಡ್ಡ ಶಿಲೆ ಕಲ್ಲುಗಳು ಸಮುದ್ರದೊಳಗೆ ಹೋಗುತ್ತಿದೆ. ಇದರಿಂದಾಗಿ ಸ್ಥಳೀಯ ಮೀನುಗಾರರ ಆತಂಕಕ್ಕೆ ಒಳಗಾಗಿದ್ದಾರೆ.<br /> <br /> `ಕಡಲ್ಕೊರೆತ ತಡೆಗಟ್ಟಲು ಸರ್ಕಾರ ತಡೆಗೋಡೆ ನಿರ್ಮಿಸಿತು ಆದರೆ, ಕಡಲಿನ ಅಬ್ಬರಕ್ಕೆ ಅವು ನಿಲ್ಲುತ್ತಿಲ್ಲ. ತೀರದ ರಕ್ಷಣೆಗೆ ಸರ್ಕಾರ ಕೂಡಲೇ ತುರ್ತು ಕ್ರಮಕೈಗೊಳ್ಳಬೇಕು' ಎಂದು ಹಾರವಾಡ ಗ್ರಾ.ಪಂ. ಅಧ್ಯಕ್ಷ ಉಮೇಶ ಕಾಂಚನ್, ಸದಸ್ಯ ಶ್ರೀಕಾಂತ ನಾಯ್ಕ ಆಗ್ರಹಿಸಿದ್ದಾರೆ.<br /> <br /> ಜೋಯಿಡಾ, ಹಳಿಯಾಳ, ಸಿದ್ದಾಪುರ, ಯಲ್ಲಾಪುರ ತಾಲ್ಲೂಕುಗಳಲ್ಲಿ ಸಾಧಾರಣ ಮಳೆಯಾಗಿದೆ. ಮೂರು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ಹಳ್ಳಕೊಳ್ಳ, ಕೊಳ್ಳಗಳು ತುಂಬಿ ಹರಿಯಲಾರಂಭಿಸಿವೆ.<br /> <br /> ಸೋಮವಾರ ಬೆಳಿಗ್ಗೆ 8ಕ್ಕೆ ಕೊನೆಗೊಂಡು ಜಿಲ್ಲೆಯಾದ್ಯಂತ ಕಳೆದ 24 ಗಂಟೆಗಳ ಅವಧಿಯಲ್ಲಿ 22.9 ಸೆಂ.ಮೀ ಮಳೆಯಾಗಿದೆ.<br /> <br /> ಅಂಕೋಲಾ- 45.8ಮಿ.ಮೀ, ಭಟ್ಕಳ- 27.8, ಹಳಿಯಾಳ- 2.6, ಹೊನ್ನಾವರ- 39.8, ಕಾರವಾರ- 59.6, ಕುಮಟಾ- 31.5, ಮುಂಡಗೋಡ- 3, ಸಿದ್ದಾಪುರ- 15.2, ಶಿರಸಿ- 9.5, ಜೋಯಿಡಾ- 9 ಹಾಗೂ ಯಲ್ಲಾಪುರದಲ್ಲಿ 7.8 ಮಿ.ಮೀ ಮಳೆಯಾಗಿದೆ. ಜೂನ್ 1 ರಿಂದ 10 ರವರೆಗೆ ಸರಾಸರಿ 126.3 ಮಿ.ಮೀ ಮಳೆಯಾಗಿದೆ.<br /> <br /> <strong>ಸಿದ್ದಾಪುರ ವರದಿ</strong><br /> ತಾಲ್ಲೂಕಿನಲ್ಲಿ ಕಳೆದೆರಡು ದಿನಗಳಿಂದ ಮಳೆ ಚುರುಕಾಗಿದ್ದು, ಆಸ್ತಿ-ಪಾಸ್ತಿ ಹಾನಿಯಾದ ವರದಿಗಳು ಬಂದಿವೆ.<br /> <br /> ತಾಲ್ಲೂಕಿನ ಮುಗದೂರಿನಲ್ಲಿ ಪಾರ್ವತಿ ರಾಮಚಂದ್ರ ಮಡಿವಾಳ ಎಂಬವರ ವಾಸ್ತವ್ಯದ ಮನೆಯ ಮೇಲ್ಛಾವಣಿ ಭಾರಿ ಮಳೆಯಿಂದ ಕುಸಿದಿದೆ. ಕಂದಾಯ ನಿರೀಕ್ಷಕ ಡಿ.ಎಂ.ನಾಯ್ಕ ಮತ್ತು ಗ್ರಾಮ ಲೆಕ್ಕಾಧಿಕಾರಿ ರೇಖಾ ಸ್ಥಳಕ್ಕೆ ಭೇಟಿ ನೀಡಿದ್ದು, ರೂ.22 ಸಾವಿರ ಹಾನಿಯ ಅಂದಾಜು ಮಾಡಿದ್ದಾರೆ.<br /> <br /> ಹಲಗೇರಿ,ಸುಂಕತ್ತಿಯಲ್ಲಿ ಶಿವಾಜಿ ಎಂಬವರ ಮನೆಯ ಮೇಲೆ ಹಲಸಿನ ಮರ ಬಿದ್ದು, ರೂ 30 ಸಾವಿರ ಹಾನಿ ಭಾನುವಾರ ಸಂಭವಿಸಿದೆ ಎಂದು ಕಂದಾಯ ಇಲಾಖೆಯ ಮೂಲಗಳು ತಿಳಿಸಿವೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
