ಹೊಸಪೇಟೆ (ವಿಜಯನಗರ): ಹೊಸಪೇಟೆ ನಗರಸಭೆ, ತಾಲ್ಲೂಕಿನ ಮರಿಯಮ್ಮನಹಳ್ಳಿ ಪಟ್ಟಣ ಪಂಚಾಯಿತಿ ಚುನಾವಣೆಗೆ ಬುಧವಾರ (ಡಿ.8) ಅಧಿಸೂಚನೆ ಹೊರಬೀಳಲಿದೆ. ಇದರೊಂದಿಗೆ ನಾಮಪತ್ರ ಸಲ್ಲಿಸುವ ಪ್ರಕ್ರಿಯೆ ಕೂಡ ಆರಂಭವಾಗಲಿದೆ.
ಡಿ. 8ರಿಂದ 15ರ ವರೆಗೆ ನಾಮಪತ್ರ ಸಲ್ಲಿಸಬಹುದು. ಡಿ. 16ರಂದು ನಾಮಪತ್ರಗಳ ಪರಿಶೀಲನೆ, ಡಿ. 17ರಂದು ನಾಮಪತ್ರ ಹಿಂಪಡೆಯಬಹುದು. ಡಿ. 27ರಂದು ಮತದಾನ, ಡಿ. 30ರಂದು ಮತ ಎಣಿಕೆ ನಡೆಯಲಿದೆ.
ನಗರಸಭೆಯ ಒಟ್ಟು 35 ವಾರ್ಡ್‍ಗಳಲ್ಲಿ 167 ಮತಗಟ್ಟೆಗಳು, ಪಟ್ಟಣ ಪಂಚಾಯತಿ 18 ವಾರ್ಡ್‍ಗಳಲ್ಲಿ 18 ಮತಗಟ್ಟೆಗಳಲ್ಲಿ ಮತದಾನ ನಡೆಯಲಿದೆ. ಪ್ರಮುಖ ರಾಜಕೀಯ ಪಕ್ಷಗಳು ಚುನಾವಣೆಗೆ ಸಿದ್ಧತೆ ನಡೆಸಿದ್ದು, ಇಷ್ಟರಲ್ಲೇ ಅಭ್ಯರ್ಥಿಗಳ ಪಟ್ಟಿ ಹೊರಬೀಳಲಿದೆ.
ಚುನಾವಣೆ ನಿಮಿತ್ತ ತಹಶೀಲ್ದಾರ್‌ ಎಚ್‌. ವಿಶ್ವನಾಥ್ ಅವರು ಸಿಬ್ಬಂದಿಯ ಸಭೆ ನಡೆಸಿದರು. ಮಾಸ್ಟರ್‌ ಟ್ರೈನರ್‌ಗಳು, ಆರ್‌ಒ, ಎಆರ್‌ಒಗಳಿಗೆ ತರಬೇತಿ ನೀಡಲಾಯಿತು.
