ಹಗರಿಬೊಮ್ಮನಹಳ್ಳಿ: ‘ಜಾನುವಾರುಗಳಿಗೆ ಅಗತ್ಯ ಮೇವು ಸಂಗ್ರಹ’

ಪಟ್ಟಣದ ಹಳೇ ಊರಿನ ಪಶುವೈದ್ಯಕೀಯ ಇಲಾಖೆಯ ಕಚೇರಿಯ ಆವರಣದಲ್ಲಿ ಗುರುವಾರ ರೈತರಿಗೆ ಮೇವು ವಿತರಿಸಿ ಮಾತನಾಡಿದ ಅವರು, ‘ಜಾನುವಾರು ಹೊಂದಿರುವ ರೈತರಿಗೆ ಪ್ರತಿ ಜಾನುವಾರಿಗೆ ತಿಂಗಳಿಗೆ 25 ಕೆ.ಜಿ ಮೇವು ವಿತರಿಸಲಾಗುವುದು. ಪ್ರತಿ ಕೆ.ಜಿಗೆ ₹2 ಬೆಲೆ ನಿಗದಿ ಮಾಡಲಾಗಿದೆ. ಕಂದಾಯ ಇಲಾಖೆಯಿಂದ ದೃಢೀಕೃತ ದಾಖಲೆಗಳನ್ನು ನೀಡಿ ಮೇವು ಪಡೆಯಬಹುದು’ ಎಂದು ತಿಳಿಸಿದರು.

ಪಶು ವೈದ್ಯಕೀಯ ಇಲಾಖೆಯ ಸಹಾಯಕ ನಿರ್ದೇಶಕ ಡಾ. ಸೂರಪ್ಪ ಪೂಜಾರ್ ಮಾತನಾಡಿ, ‘ತಾಲ್ಲೂಕಿನಲ್ಲಿ 500 ಟನ್ ಮೇವು ಅಗತ್ಯ ಇದೆ. ಮಳೆ ಆರಂಭ ಆಗಿರುವುದರಿಂದ ಹೆಚ್ಚು ಮೇವು ಸಂಗ್ರಹ ಮಾಡಲಾಗುವುದಿಲ್ಲ. ಅಗತ್ಯ ಇದ್ದರೆ ಇಲಾಖೆಯಿಂದ ಖರೀದಿಸಿ ರೈತರಿಗೆ ನೀಡುವುದಕ್ಕೆ ಯಾವುದೇ ಸಮಸ್ಯೆ ಇಲ್ಲ. ಸಾಗಣೆಗೆ ಅನುಕೂಲಕ್ಕಾಗಿ 25 ಕೆ.ಜಿ.ಯ ಮೇವಿನ ಕಟ್ಟುಗಳನ್ನು ಮಾಡಲಾಗಿದೆ’ ಎಂದು ತಿಳಿಸಿದರು.