ತಕ್ಷಣ ನಾಮನಿರ್ದೇಶನಕ್ಕೆ ಸೂಚನೆ: ಕುಲಪತಿ ಶೋಧನಾ ಸಮಿತಿ–ಕಾರ್ಯದರ್ಶಿಯಿಂದ ಪತ್ರ

ಹೊಸಪೇಟೆ (ವಿಜಯನಗರ): ಹಂಪಿ ಕನ್ನಡ ವಿಶ್ವವಿದ್ಯಾಲಯದ ಹಾಲಿ ಕುಲಪತಿ ಅವರ ಅಧಿಕಾರ ಅವಧಿ ಮಾರ್ಚ್ 23ಕ್ಕೆ ಕೊನೆಗೊಳ್ಳಲಿದ್ದು, ಹೊಸ ಕುಲಪತಿ ನೇಮಕಾತಿ ಕುರಿತಂತೆ ಶೋಧನಾ ಸಮಿತಿಗೆ ತಜ್ಞರೊಬ್ಬರನ್ನು ನಾಮನಿರ್ದೇಶನ ಇದುವರೆಗೂ ಮಾಡದೆ ಇರುವುದಕ್ಕೆ ಉನ್ನತ ಶಿಕ್ಷಣ ಇಲಾಖೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ.

. ಉನ್ನತ ಶಿಕ್ಷಣ ಇಲಾಖೆಯ ಕಾರ್ಯದರ್ಶಿ ಅವರು ಈ ಸಂಬಂಧ ಫೆ.17ರಂದು ಕುಲಸಚಿವರಿಗೆ ಪತ್ರ ಬರೆದಿದ್ದು, 1991ರ ಕನ್ನಡ ವಿಶ್ವವಿದ್ಯಾಲಯ ಕಾಯ್ದೆಯ ಸೆಕ್ಷನ್ 13(2) ರಂತೆ ತಕ್ಷಣ ಕಾರ್ಯಕಾರಿ ಸಮಿತಿಯಿಂದ ಶೋಧನಾ ಸಮಿತಿಗೆ ವ್ಯಕ್ತಿಯೊಬ್ಬರನ್ನು ನಾಮನಿರ್ದೇಶನ ಮಾಡುವಂತೆ ಸೂಚಿಸಿದ್ದಾರೆ.

. ವಾಸ್ತವವಾಗಿ ಕುಲಪತಿ ಅವರ ಅಧಿಕಾರ ಅವಧಿ ಮಾರ್ಚ್ 23ಕ್ಕೆ ಕೊನೆಗೊಳ್ಳಲಿದೆ, ಏಕೆಂದರೆ 2023ರ ಮಾರ್ಚ್ 23ರಂದು ಅವರು ಅಧಿಕಾರ ವಹಿಸಿಕೊಂಡಿದ್ದರು. ಆದರೆ ತಾಂತ್ರಿಕವಾಗಿ 2026ರ ಫೆಬ್ರುವರಿ 21ರಂದೇ ಅದು ಕೊನೆಗೊಳ್ಳುತ್ತದೆ. ನೂತನ ಕುಲಪತಿ ನೇಮಕಾತಿ ಆದೇಶ ಆ ದಿನ ಹೊರಬಿದ್ದಿತ್ತು. ಕಾರ್ಯದರ್ಶಿ ಅವರು ತಮ್ಮ ಪತ್ರದಲ್ಲೂ ಇದನ್ನೇ ಉಲ್ಲೇಖಿಸಿದ್ದು, ಫೆಬ್ರುವರಿ 21ರಂದು ಕುಲಪತಿ ಅವರ ಅಧಿಕಾರ ಅವಧಿ ಕೊನೆಗೊಳ್ಳುತ್ತದೆ ಎಂದು ತಿಳಿಸಿದ್ದಾರೆ.

. ಅರ್ಜಿ ಆಹ್ವಾನಕ್ಕೆ ಒತ್ತಾಯ: ಈ ಮಧ್ಯೆ, ಸಿಂಡಿಕೇಟ್ ಸದಸ್ಯ ಬಣ್ಣದಮನೆ ಸೋಮಶೇಖರ್ ಅವರು ಕಳೆದ ಜನವರಿ 27ರಂದೇ ಕುಲಾಧಿಪತಿಯೂ ಆಗಿರುವ ರಾಜ್ಯಪಾಲರ ಕಾರ್ಯದರ್ಶಿ ಅವರಿಗೆ ಪತ್ರ ಬರೆದು, ನೂತನ ಕುಲಪತಿ ನೇಮಕಾತಿಗಾಗಿ ಅರ್ಜಿ ಆಹ್ವಾನಿಸುವ ನಿಟ್ಟಿನಲ್ಲಿ ಅಧಿಸೂಚನೆ ಹೊರಡಿಸಬೇಕು ಎಂದು ಒತ್ತಾಯಿಸಿದ್ದಾರೆ.

. ‘ನಿಯಮ ಪ್ರಕಾರ ಹಾಲಿ ಕುಲಪತಿ ಅವರ ಅಧಿಕಾರ ಅವಧಿ ಕೊನೆಗೊಳ್ಳುವುದಕ್ಕೆ ಮೂರು ತಿಂಗಳ ಮೊದಲೇ ನೂತನ ಕುಲಪತಿ ನೇಮಕಕ್ಕೆ ಪ್ರಕ್ರಿಯೆ ಆರಂಭವಾಗಬೇಕು’ ಎಂಬುದನ್ನು ಅವರು ಬೊಟ್ಟುಮಾಡಿ ತೋರಿಸಿದ್ದಾರೆ.

. ‘ಕಾಯ್ದೆ ಜಾರಿಯಲ್ಲಿ ವಿಫಲ’

ಹಾಲಿ ಕುಲಪತಿ ಅವರು ತಮ್ಮ ಮೂರು ವರ್ಷದ ಅಧಿಕಾರ ಅವಧಿಯಲ್ಲಿ ಕನ್ನಡ ವಿಶ್ವವಿದ್ಯಾಲಯ ಕಾಯ್ದೆ ನಿಬಂಧನೆಗಳು ಸರ್ಕಾರಿ ಸುತ್ತೋಲೆಗಳು ಹಾಗೂ ನ್ಯಾಯಾಲಯದ ಆದೇಶಗಳನ್ನು ಜಾರಿಗೆ ತರುವಲ್ಲಿ ವಿಫಲರಾಗಿದ್ದಾರೆ. ನಿಯಮದಂತೆ ಸಿಂಡಿಕೇಟ್ ಸದಸ್ಯರು ಈ ವಿಷಯ ಪ್ರಸ್ತಾಪಿಸಿದಾಗಲೂ ಅವುಗಳನ್ನು ಕಡೆಗಣಿಸಲಾಗಿದೆ. ಇದರಿಂದಾಗಿ ಕನ್ನಡ ವಿಶ್ವವಿದ್ಯಾಲದಯ ಅಭಿವೃದ್ಧಿಗೆ ಧಕ್ಕೆಯಾಗಿದ್ದು ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ ಎಂದು ಬಣ್ಣದಮನೆ ಸೋಮಶೇಖರ್ ಅವರು ತಮ್ಮ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತಕ್ಷಣ ನಾಮನಿರ್ದೇಶನಕ್ಕೆ ಸೂಚನೆ: ಕುಲಪತಿ ಶೋಧನಾ ಸಮಿತಿ–ಕಾರ್ಯದರ್ಶಿಯಿಂದ ಪತ್ರ

ಚಿನಕುರುಳಿ: 2026ರ ಮಾರ್ಚ್ 5, ಗುರುವಾರ

ಗುಂಡಣ್ಣ: ಗುರುವಾರ, 05 ಮಾರ್ಚ್ 2026

ಚುರುಮುರಿ: ಫೋನ್‌ ಕದ್ದಾಲಿಕೆ ಪವರ್!

ಹಾಸನ | ಲೋಕಾಯುಕ್ತ ದಾಳಿ: 4 ಗಂಟೆಗಳ ನಂತರ ಮನೆ ಬಾಗಿಲು ತೆರೆದ ಎಇಇ ಸತ್ಯನಾರಾಯಣ

ಬೆಥೆಲ್ ಬೆನ್ನತ್ತಿದರೂ ಬಗ್ಗದ ಭಾರತ; ರನ್ ಹೊಳೆ ಹರಿದ ಪಂದ್ಯದಲ್ಲಿ ಮಿಂಚಿದ ಸಂಜು

T20 World Cup: ಹೋರಾಡಿ ಸೋತ ಇಂಗ್ಲೆಂಡ್; ಸತತ ಎರಡನೇ ಸಲ ಫೈನಲ್ ತಲುಪಿದ ಭಾರತ

T20 WC Semi Final; ಅಂದು ಕಪಿಲ್, ಇಂದು ಅಕ್ಷರ್: ಮೈದಾನದಲ್ಲಿ ಮಾಡಿದ್ರು ಮೋಡಿ

ಎಸ್‌ಎಂಎನ್‌ ಸ್ಮಾರಕ ಬ್ಯಾಸ್ಕೆಟ್‌ಬಾಲ್‌: ಯಂಗ್‌ ಓರಿಯನ್ಸ್‌ಗೆ ಗೆಲುವು

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಚಿನಕುರುಳಿ: 2026ರ ಮಾರ್ಚ್ 5, ಗುರುವಾರ

ಗುಂಡಣ್ಣ: ಗುರುವಾರ, 05 ಮಾರ್ಚ್ 2026

ಚುರುಮುರಿ: ಫೋನ್‌ ಕದ್ದಾಲಿಕೆ ಪವರ್!

ಹಾಸನ | ಲೋಕಾಯುಕ್ತ ದಾಳಿ: 4 ಗಂಟೆಗಳ ನಂತರ ಮನೆ ಬಾಗಿಲು ತೆರೆದ ಎಇಇ ಸತ್ಯನಾರಾಯಣ