ಕತ್ತೆ ಹಾಲಿನ ವ್ಯವಹಾರ: 'ಜೆನ್ನಿಮಿಲ್ಕ್‌' ಕಂಪನಿ ವಿರುದ್ಧ 60ಕ್ಕೂ ಅಧಿಕ ದೂರು

‘ಕತ್ತೆ ವ್ಯವಹಾರದ ಬಗ್ಗೆ ಬಣ್ಣದ ಮಾತುಗಳಿಂದ ಮರುಳಾಗಿ ನಾನು ಆರು ಕತ್ತೆಗಳಿಗಾಗಿ ₹6 ಲಕ್ಷ ಕೊಟ್ಟಿದ್ದೇನೆ. ನನ್ನನ್ನು ಹೊಸಪೇಟೆಯ ಡೀಲರ್‌ ಎಂದು ಮಾಡಲು ಮತ್ತೆ ₹4 ಲಕ್ಷ ಕೊಟ್ಟೆ. ಇದೆಲ್ಲ ನಾನು ಸಾಲ ಮಾಡಿ ಒಟ್ಟುಗೂಡಿಸಿದೆ ದುಡ್ಡು. ನನಗೆ ಈಗ ಕಂಪನಿ ಕೈಕೊಟ್ಟುಬಿಟ್ಟಿದೆ. ನನ್ನ ಅಮ್ಮನಿಗೆ ಶಸ್ತ್ರಚಿಕಿತ್ಸೆ ಆಗಬೇಕಿದೆ. ನನ್ನಲ್ಲಿ ದುಡ್ಡಿಲ್ಲ. ನನ್ನಂತೆ ಇತರರಿಗೆ ಇಂತಹ ಅನ್ಯಾಯ ಆಗಬಾರದು ಎಂಬುದೇ ನನ್ನ ಪ್ರಾರ್ಥನೆ’ ಎಂದು ಹೊಸಪೇಟೆ ತಾಲ್ಲೂಕಿನ ವಡ್ಡರಹಳ್ಳಿಯ ವಸಂತ ಅವರು ‘ಪ್ರಜಾವಾಣಿ’ ಜತೆಗೆ ತಮ್ಮ ಅಳಲು ತೋಡಿಕೊಂಡರು.