ಉಯ್ಯಾಲೆ ಆಡುತ್ತಿದ್ದ ಹಗ್ಗಕ್ಕೆ ಕಟ್ಟಿದ ಲೋಹದ ಮೆಟ್ಟಿಲುಗಳನ್ನು ಹತ್ತಲು ಹರಸಾಹಸ ಪಟ್ಟ ಬಾಲಕ ಮೋಹನರಾಜ್ ಬಂಡೆ ತುದಿ ಏರಿ ಹಂಪಿಯ ನಯನ ಮನೋಹರ ನೋಟ ನೋಡಿ ಸಂಭ್ರಮಿಸಿದ. ಕಮಾಂಡೊ ನೆಟ್, ರ್ಯಾಪ್ಲಿಂಗ್ (ಬಂಡೆಯಿಂದ ಹಗ್ಗದ ಮೂಲಕ ಇಳಿವುದು), ರಾಕ್ ಕ್ಲೈಂಬಿಂಗ್ (ಹಗ್ಗದ ಮೂಲಕ ಬಂಡೆ ಏರುವುದು), ಬಾಣ ಬಿಡುವುದು, ಕೃತಕ ಗೋಡೆ ಏರುವುದು ಹಾಗೂ ಜಿಪ್ಲೈನ್ನಲ್ಲಿ ಜಾರಿದ ಒಬ್ಬೊಬ್ಬರದು ಒಂದೊಂದು ರೀತಿಯ ಭಿನ್ನ ಅನುಭವ. ಹೊಸಪೇಟೆ, ತಾಲ್ಲೂಕಿನ ಕಮಲಾಪುರ ಭಾಗದ ಮಕ್ಕಳು, ಯುವಕರೇ ಹೆಚ್ಚಾಗಿ ಪಾಲ್ಗೊಂಡಿದ್ದರು.