ಇಂಡಿ: ‘ನನಗೆ ಯಾವುದೇ ತರಹದ ರೋಗ ಲಕ್ಷಣ ಇರಲಿಲ್ಲ. ಆದರೂ ಜುಲೈ 8 ರಂದು ಕೋವಿಡ್ ಪರೀಕ್ಷೆಗೆ ಒಳಗಾದೆ ಪಾಸಿಟಿವ್‌ ದೃಢವಾಯಿತು. ಒಮ್ಮೆ ಭಯ, ಆತಂಕದ ಎದುರಾಯಿತು. ಮನೆಯವರು ಹಾಗೂ ಸಹೋದ್ಯೋಗಿಗಳು ಧೈರ್ಯ ತುಂಬಿದರು. ವಿಜಯಪುರದ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯದಲ್ಲಿ ಕ್ವಾರಂಟೈನ್ ಮಾಡಿದ್ದರು. ಸಮಯಕ್ಕೆ ಸರಿಯಾಗಿ ಊಟ, ತಿಂಡಿ, ಹಣ್ಣು, ಹಾಲು, ಕಷಾಯದೊಂದಿಗೆ ಅಗತ್ಯ ಔಷಧ ನೀಡಿ ಗುಣಮುಖ ಮಾಡಿ ಕಳಿಸಿದ್ದಾರೆ’ ಎಂದು ಕೋವಿಡ್‌ನಿಂದ ಗುಣಮುಖರಾಗಿರುವಇಂಡಿ ಪೊಲೀಸ್ ಠಾಣೆಯ ಪೊಲೀಸ್ ಕಾನ್‌ಸ್ಟೆಬಲ್‌ ಜೆ.ಎಸ್.ನಿಲೂರೆ ಹೇಳಿದರು.
