<p><strong>ವಿಜಯಪುರ:</strong> ನಗರ ಹಿರಿಯ ಪತ್ರಿಕಾ ಏಜೆಂಟರಾಗಿದ್ದ ಮಲ್ಲಪ್ಪ ಮಂಗಾನವರ (72) ಮಂಗಳವಾರ ಬೆಳಿಗ್ಗೆ ನಿಧನರಾದರು.</p>.<p>ಅವರಿಗೆ ಪುತ್ರ, ಇಬ್ಬರು ಪುತ್ರಿಯರು ಇದ್ದಾರೆ. ಮಂಗಳವಾರ ಸಂಜೆ ಅವರ ಸ್ವಗ್ರಾಮವಾದ ಬಸವನ ಬಾಗೇವಾಡಿ ತಾಲ್ಲೂಕಿನ ಯಂಭತ್ನಾಳದಲ್ಲಿ ಅಂತ್ಯಕ್ರಿಯೆ ನೆರವೇರಿತು. </p>.<p>50 ವರ್ಷಗಳಿಂದ ಪ್ರಜಾವಾಣಿ, ಡೆಕ್ಕನ್ ಹೆರಾಲ್ಡ್, ಸುಧಾ, ಮಯೂರ ಸೇರಿದಂತೆ ವಿವಿಧ ದಿನಪತ್ರಿಕೆ, ವಾರಪತ್ರಿಕೆ, ಮಾಸಿಕ ಪತ್ರಿಕೆಗಳ ಏಜನ್ಸಿ ಮಾಡುವ ಮೂಲಕ ಪ್ರಸಿದ್ದರಾಗಿದ್ದರು.</p>.<p>ಪತ್ರಿಕಾ ಏಜೆಂಟರಾಗಿ ವಿಜಯಪುರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ಮಂಗಾನವರ ಅವರು ಕ್ಷೇತ್ರಕ್ಕೆ ಮಾದರಿಯಾಗಿದ್ದರು. ಪತ್ರಿಕಾ ಏಜೆಂಟರಾಗಿ ಉತ್ತಮ ಬದುಕುಕೊಟ್ಟಿಕೊಂಡಿದ್ದ ಅವರು, ನೂರಾರು ಜನರಿಗೆ ಉದ್ಯೋಗ ಕೊಟ್ಟಿದ್ದರು. ತಮ್ಮ ಕಾಯಕ ನಿಷ್ಠೆಯಿಂದ ಪತ್ರಕರ್ತರು, ಓದುಗರು, ಪತ್ರಿಕಾ ಸಂಸ್ಥೆಗಳು, ಮಾಲೀಕರ ಪ್ರೀತಿಗೆ ಪಾತ್ರವಾಗಿದ್ದರು.</p>.<p>ಪತ್ರಿಕೆಗಳ ಖರೀದಿ, ಮಾರಾಟದಲ್ಲಿ ಪ್ರಾಮಾಣಿಕ ಲೆಕ್ಕಾಚಾರಕ್ಕೆ ಆದ್ಯತೆ ನೀಡಿದ್ದ ಅವರು, ಓದುಗರಿಂದ ಪತ್ರಿಕೆ ಬಿಲ್ ಸಂಗ್ರಹ ಮಾಡುವುದರಲ್ಲಿ ಹಾಗೂ ಪತ್ರಿಕಾ ಸಂಸ್ಥೆಗಳಿಗೆ ಅವಧಿಗೂ ಮೊದಲೇ ಪ್ರತಿ ತಿಂಗಳು ಬಿಲ್ ಪಾವತಿಸುವಲ್ಲಿ ಶಿಸ್ತು ಮೂಡಿಸಿಕೊಂಡಿದ್ದರು. ಒಂದು ಪೈಸೆಯೂ ವ್ಯತ್ಯಾಸವಾಗದಂತೆ ಲೆಕ್ಕಾಚಾರ ಮಾಡುತ್ತಿದ್ದರು. ಈ ಕಾರಣಕ್ಕೆ ಬಹಳಷ್ಟು ಪತ್ರಿಕಾ ಸಂಸ್ಥೆಗಳು ಅವರಿಂದ ಠೇವಣಿ ತೆಗೆದುಕೊಳ್ಳದೇ ಅವರ ಹೆಸರಿಗೆ ಪತ್ರಿಕೆಗಳನ್ನು ಕೇಳಿದಷ್ಟು ಕಳುಹಿಸುವಷ್ಟು ವಿಶ್ವಾಸ ಇಟ್ಟುಕೊಂಡಿದ್ದರು.</p>.<p>ದೀಪಾವಳಿ ಸಂದರ್ಭದಲ್ಲಿ ತಮ್ಮ ಜೊತೆಗೆ ಕೆಲಸ ಮಾಡುವ ಹುಡುಗರಿಗೆ ಹೊಸಬಟ್ಟೆ ಕೊಡಿಸುವ ಸಂಪ್ರದಾಯ ಇಟ್ಟುಕೊಂಡವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಜಯಪುರ:</strong> ನಗರ ಹಿರಿಯ ಪತ್ರಿಕಾ ಏಜೆಂಟರಾಗಿದ್ದ ಮಲ್ಲಪ್ಪ ಮಂಗಾನವರ (72) ಮಂಗಳವಾರ ಬೆಳಿಗ್ಗೆ ನಿಧನರಾದರು.</p>.<p>ಅವರಿಗೆ ಪುತ್ರ, ಇಬ್ಬರು ಪುತ್ರಿಯರು ಇದ್ದಾರೆ. ಮಂಗಳವಾರ ಸಂಜೆ ಅವರ ಸ್ವಗ್ರಾಮವಾದ ಬಸವನ ಬಾಗೇವಾಡಿ ತಾಲ್ಲೂಕಿನ ಯಂಭತ್ನಾಳದಲ್ಲಿ ಅಂತ್ಯಕ್ರಿಯೆ ನೆರವೇರಿತು. </p>.<p>50 ವರ್ಷಗಳಿಂದ ಪ್ರಜಾವಾಣಿ, ಡೆಕ್ಕನ್ ಹೆರಾಲ್ಡ್, ಸುಧಾ, ಮಯೂರ ಸೇರಿದಂತೆ ವಿವಿಧ ದಿನಪತ್ರಿಕೆ, ವಾರಪತ್ರಿಕೆ, ಮಾಸಿಕ ಪತ್ರಿಕೆಗಳ ಏಜನ್ಸಿ ಮಾಡುವ ಮೂಲಕ ಪ್ರಸಿದ್ದರಾಗಿದ್ದರು.</p>.<p>ಪತ್ರಿಕಾ ಏಜೆಂಟರಾಗಿ ವಿಜಯಪುರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ಮಂಗಾನವರ ಅವರು ಕ್ಷೇತ್ರಕ್ಕೆ ಮಾದರಿಯಾಗಿದ್ದರು. ಪತ್ರಿಕಾ ಏಜೆಂಟರಾಗಿ ಉತ್ತಮ ಬದುಕುಕೊಟ್ಟಿಕೊಂಡಿದ್ದ ಅವರು, ನೂರಾರು ಜನರಿಗೆ ಉದ್ಯೋಗ ಕೊಟ್ಟಿದ್ದರು. ತಮ್ಮ ಕಾಯಕ ನಿಷ್ಠೆಯಿಂದ ಪತ್ರಕರ್ತರು, ಓದುಗರು, ಪತ್ರಿಕಾ ಸಂಸ್ಥೆಗಳು, ಮಾಲೀಕರ ಪ್ರೀತಿಗೆ ಪಾತ್ರವಾಗಿದ್ದರು.</p>.<p>ಪತ್ರಿಕೆಗಳ ಖರೀದಿ, ಮಾರಾಟದಲ್ಲಿ ಪ್ರಾಮಾಣಿಕ ಲೆಕ್ಕಾಚಾರಕ್ಕೆ ಆದ್ಯತೆ ನೀಡಿದ್ದ ಅವರು, ಓದುಗರಿಂದ ಪತ್ರಿಕೆ ಬಿಲ್ ಸಂಗ್ರಹ ಮಾಡುವುದರಲ್ಲಿ ಹಾಗೂ ಪತ್ರಿಕಾ ಸಂಸ್ಥೆಗಳಿಗೆ ಅವಧಿಗೂ ಮೊದಲೇ ಪ್ರತಿ ತಿಂಗಳು ಬಿಲ್ ಪಾವತಿಸುವಲ್ಲಿ ಶಿಸ್ತು ಮೂಡಿಸಿಕೊಂಡಿದ್ದರು. ಒಂದು ಪೈಸೆಯೂ ವ್ಯತ್ಯಾಸವಾಗದಂತೆ ಲೆಕ್ಕಾಚಾರ ಮಾಡುತ್ತಿದ್ದರು. ಈ ಕಾರಣಕ್ಕೆ ಬಹಳಷ್ಟು ಪತ್ರಿಕಾ ಸಂಸ್ಥೆಗಳು ಅವರಿಂದ ಠೇವಣಿ ತೆಗೆದುಕೊಳ್ಳದೇ ಅವರ ಹೆಸರಿಗೆ ಪತ್ರಿಕೆಗಳನ್ನು ಕೇಳಿದಷ್ಟು ಕಳುಹಿಸುವಷ್ಟು ವಿಶ್ವಾಸ ಇಟ್ಟುಕೊಂಡಿದ್ದರು.</p>.<p>ದೀಪಾವಳಿ ಸಂದರ್ಭದಲ್ಲಿ ತಮ್ಮ ಜೊತೆಗೆ ಕೆಲಸ ಮಾಡುವ ಹುಡುಗರಿಗೆ ಹೊಸಬಟ್ಟೆ ಕೊಡಿಸುವ ಸಂಪ್ರದಾಯ ಇಟ್ಟುಕೊಂಡವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>