ನಿಡಗುಂದಿ: ತಾಲ್ಲೂಕಿನ ಬಳಬಟ್ಟಿಯಲ್ಲಿ ಶನಿವಾರ ಸಂಜೆ ಬೀಸಿದ ಭಾರಿ ಗಾಳಿಗೆ ಗ್ರಾಮದ ಮಲ್ಲಪ್ಪ ಬಸಪ್ಪ ಕೊಪ್ಪ ಅವರ ಕೋಳಿ ಫಾರಂ ಶೆಡ್ ಹಾರಿದ್ದು, ಶೆಡ್ನಲ್ಲಿದ್ದ 100 ಕೋಳಿ ಮರಿಗಳು ಮೃತಪಟ್ಟಿವೆ.
ಕಳೆದ ಕೆಲ ದಿನಗಳ ಹಿಂದಷ್ಟೇ ತಂದಿದ್ದ 100 ಜವಾರಿ ಕೋಳಿ ಮರಿಗಳ ಮೇಲೆ ಶೆಡ್ ಬಿದ್ದು ಕೋಳಿ ಮರಿಗಳು ಸಾವನ್ನಪ್ಪಿವೆ. ಕೋಳಿ ಮರಿಗಳಿಗೆ ತರಿಸಿದ್ದ ಆಹಾರ ಕೂಡಾ ಹಾಳಾಗಿದ್ದು, ಲಕ್ಷಾಂತರ ಮೌಲ್ಯದ ಆಸ್ತಿ ಹಾನಿಯಾಗಿದೆ.
‘ಕೋಳಿ ಫಾರಂ ಶೆಡ್ ನಿರ್ಮಿಸಲು ನಾಲ್ಕೈದು ಲಕ್ಷ ಸಾಲ ಮಾಡಿದ್ದೆ. ಸರ್ಕಾರದ ಯೋಜನೆಯಡಿ ಶೆಡ್ ನಿರ್ಮಿಸಲು ಸಹಾಯಧನ ಬರುತ್ತದೆ ಎಂಬ ನಿರೀಕ್ಷೆಯಿತ್ತು. ಸರ್ಕಾರದ ಸಹಾಯಧನವೂ ಬರಲಿಲ್ಲ, ಈಗ ಕೋಳಿಗಳೂ ಉಳಿಯಲಿಲ್ಲ. ಸರ್ಕಾರ ಸೂಕ್ತ ಪರಿಹಾರ ನೀಡಬೇಕು’ ಎಂದು ರೈತ ಮಲ್ಲಪ್ಪ ಕೊಪ್ಪ ತಮ್ಮ ಗೋಳು ತೋಡಿಕೊಂಡರು.
ಮೋಡ ಕವಿದ ವಾತಾವರಣ: ಶನಿವಾರ ಇಡೀ ದಿನ ತಾಲ್ಲೂಕಿನಾದ್ಯಂತ ಮೋಡ ಕವಿದ ವಾತಾವರಣ ಇತ್ತು. ಬಳಬಟ್ಟಿ ಸೇರಿದಂತೆ ಕೆಲ ಕಡೆ ಮಾತ್ರ ಕೆಲ ನಿಮಿಷಗಳ ಕಾಲ ಜಿಟಿಜಿಟಿ ಮಳೆಯಾಗಿದೆ. ಗಾಳಿಗೆ ಒಂದೆರೆಡು ಗಿಡಗಳು ಉರುಳಿವೆ.
ನಿಡಗುಂದಿ ತಾಲ್ಲೂಕಿನ ಬಳಬಟ್ಟಿ ಗ್ರಾಮದ ಬಸಪ್ಪ ಕೊಪ್ಪ ಅವರ ಹೊಲದಲ್ಲಿನ ಕೋಳಿ ತಗಡಿನ ಶೆಡ್ ಶನಿವಾರ ಸಂಜೆ ಬೀಸಿದ ಭಾರಿ ಗಾಳಿಗೆ ಹಾರಿದೆ
ನಿಡಗುಂದಿ ತಾಲ್ಲೂಕಿನ ಬಳಬಟ್ಟಿ ಗ್ರಾಮದ ಬಸಪ್ಪ ಕೊಪ್ಪ ಅವರ ಹೊಲದಲ್ಲಿನ ಕೋಳಿ ತಗಡಿನ ಶೆಡ್ ಶನಿವಾರ ಸಂಜೆ ಬೀಸಿದ ಭಾರಿ ಗಾಳಿಗೆ ಹಾರಿದೆ