ಪ್ರತಿ ಬಾರಿ ಈದ್ ಸಂದರ್ಭದಲ್ಲಿ ನಗರದ ಐತಿಹಾಸಿಕ ಶಾಹಿ ಈದ್ಗಾ, ದಖನಿ ಈದ್ಗಾ, ಜಾಮೀಯಾ ಮಸೀದಿ ಸೇರಿದಂತೆ ಎಲ್ಲೆಡೆಯೂ ಸಹಸ್ರಾರು ಜನರು ಒಂದೆಡೆ ಜಮಾಯಿಸಿ ಸಾಮೂಹಿಕ ಪ್ರಾರ್ಥನೆ ಮಾಡುತ್ತಿದ್ದರು. ಪ್ರಾರ್ಥನೆ ಬಳಿಕ ಪರಸ್ಪರ ಆಲಿಂಗನ ಮಾಡಿ, ಕೈಕುಲುಕಿ ಹಬ್ಬದ ಶುಭಾಷಯ ಕೋರುತ್ತಿದ್ದರು. ನಂತರ ಬಂಧು-ಬಳಗ, ಸ್ನೇಹಿತರ ಮನೆಗೆ ತೆರಳಿ ಹಬ್ಬದ ಶುಭಾಷಯ ಕೋರುತ್ತಿದ್ದರು. ಆದರೆ, ಕೊರೊನಾ ಆತಂಕದಿಂದ ಕೈಕುಲುಕುವ ಮತ್ತು ತಬ್ಬಿಕೊಳ್ಳುವ ಸಂಪ್ರದಾಯದಿಂದ ದೂರ ಉಳಿದರು. ಎಲ್ಲರೂ ಮೊಬೈಲ್ ಫೋನ್‌ ಮೂಲಕ ಹಬ್ಬದ ಶುಭಾಷಯ ವಿನಿಮಯ ಮಾಡಿಕೊಂಡರು.
