<p><strong>ಸೈದಾಪುರ</strong>: ಸಮೀಪದ ಗೌಡಗೇರಾ ಗ್ರಾಮದ ಅನಂತಪ್ಪ ಮಂಗ್ಯಾನಾಯಕ ರಾಥೋಡ್ ತಮ್ಮ ಮಳೆಯಾಶ್ರಿತ ಜಮೀನಿನಲ್ಲಿ ಗೋಡಂಬಿ ಬೇಸಾಯ ಮಾಡಿ ಕೈ ತುಂಬ ಸಂಪಾದನೆ ಮಾಡುವ ಜತೆಗೆ ಸುತ್ತಮುತ್ತಲಿನ ರೈತರಿಗೆ ಮಾದರಿಯಾಗಿದ್ದಾರೆ.</p>.<p>39 ವರ್ಷದ ಅನಂತಪ್ಪ ಐಟಿಐ ಮುಗಿಸಿದ್ದಾರೆ. ತಮ್ಮ 20 ಎಕರೆ ಜಮೀನಿನಲ್ಲಿ ಸುಮಾರು 13 ಎಕರೆಯಲ್ಲಿ ಗೇರು ಕೃಷಿ ಮಾಡಿದ್ದು, ಅಲ್ಲಿ ಉಲ್ಲಾಳ–1 ಮತ್ತು 3, ವೆಂಗುರ್ಲಾ– 4 ಮತ್ತು 7 ತಳಿಯ ಸುಮಾರು 1,500 ಸಸಿಗಳನ್ನು ಬೆಳೆದಿದ್ದಾರೆ. ಅದರ ಜತೆಗೆ 3 ಎಕರೆ ಜಮೀನಿನಲ್ಲಿ 1,200 ಪೇರಲ ಮರಗಳನ್ನು ಬೆಳೆದಿದ್ದಾರೆ. ಉಳಿದ ಜಮೀನಿನಲ್ಲಿ ಅಂತರ ಬೆಳೆಗಳಾಗಿ ರಕ್ತ ಚಂದನ, ಟೊಮೆಟೊ, ಹೆಸರು, ಶೇಂಗಾ ಸೇರಿಂದತೆ ತರಹೇವಾರಿ ಬೆಳೆಗಳನ್ನು ಬೆಳೆದು ಸೈ ಎನಿಸಿಕೊಂಡಿದ್ದಾರೆ.</p>.<p>ತೋಟಗಾರಿಕೆ ಇಲಾಖೆ ಸಹಾಯದಿಂದ ಜಮೀನಿನಲ್ಲಿ ಕೃಷಿ ಹೊಂಡ ನಿರ್ಮಿಸಿಕೊಂಡಿದ್ದಾರೆ. ಮಳೆ ನೀರು ಕೊಯ್ಲು ಪದ್ದತಿಯಿಂದ ಅಂತರ್ಜಲ ಮಟ್ಟವನ್ನು ಹೆಚ್ಚಿಸಿಕೊಂಡು ತಮ್ಮ ಜಮೀನಿನಲ್ಲಿ 3 ಕೊಳವೆ ಬಾವಿಗಳನ್ನು ಕೊರೆಸಿದ್ದಾರೆ.</p>.<p>ಕಳೆದ ವರ್ಷ ಸುಮಾರು 9 ಕ್ವಿಂಟಲ್ ಗೋಡಂಬಿ ಬಳೆದಿದ್ದು, ಅದರಿಂದಲೇ ₹85 ಸಾವಿರ ಆದಾಯ ಗಳಿಸಿದ್ದಾರೆ.</p>.<p>ಟ್ರ್ಯಾಕ್ಟರ್, ಬೀಜ ಮತ್ತು ಗೊಬ್ಬೆ ಬಿತ್ತುವ ಯಂತ್ರ, ಕಳೆ ತೆಗೆಯುವ ಯಂತ್ರ ಹೊಂದಿದ್ದು, ಆಧುನಿಕ ಕೃಷಿ ಪದ್ಧತಿ ಅಳವಡಿಸಿಕೊಂಡಿದ್ದಾರೆ.</p>.<p>ಅವರ ಬಳಿ 1 ಹಸು, 2 ಎತ್ತು, 10 ಕುರಿ ಮತ್ತು 20 ಕೋಳಿಗಳಿವೆ. ಗೋಡಂಬಿ, ಪೇರಲ, ಹೈನುಗಾರಿಕೆ, ಕೋಳಿ ಸಾಕಾಣಿಕೆ, ತರಕಾರಿ ಮಾರಾಟದಿಂದ ಪ್ರತಿ ವರ್ಷ ₹4 ಲಕ್ಷ ಆದಾಯ ಗಳಿಸುವ ಮೂಲಕ ರೈತರಿಗೆ ಸ್ಫೂರ್ತಿಯಾಗಿದ್ದಾರೆ.</p>.<p>ಅವರ ತೋಟಗಾರಿಕೆ ಕೃಷಿಯಲ್ಲಿನ ಸಾಧನೆ ಗಮನಿಸಿ ಬಾಗಲಕೋಟೆಯ ತೋಟಗಾರಿಕೆ ವಿಶ್ವವಿದ್ಯಾಲಯವು 2020– 21ರಲ್ಲಿ ‘ಶ್ರೇಷ್ಠ ತೋಟಗಾರಿಕೆ ರೈತ’ ಪ್ರಶಸ್ತಿ ನೀಡಿ ಗೌರವಿಸಿದೆ. ಮಾಹಿತಿಗೆ ಮೊ: 8150852123 ಸಂಪರ್ಕಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೈದಾಪುರ</strong>: ಸಮೀಪದ ಗೌಡಗೇರಾ ಗ್ರಾಮದ ಅನಂತಪ್ಪ ಮಂಗ್ಯಾನಾಯಕ ರಾಥೋಡ್ ತಮ್ಮ ಮಳೆಯಾಶ್ರಿತ ಜಮೀನಿನಲ್ಲಿ ಗೋಡಂಬಿ ಬೇಸಾಯ ಮಾಡಿ ಕೈ ತುಂಬ ಸಂಪಾದನೆ ಮಾಡುವ ಜತೆಗೆ ಸುತ್ತಮುತ್ತಲಿನ ರೈತರಿಗೆ ಮಾದರಿಯಾಗಿದ್ದಾರೆ.</p>.<p>39 ವರ್ಷದ ಅನಂತಪ್ಪ ಐಟಿಐ ಮುಗಿಸಿದ್ದಾರೆ. ತಮ್ಮ 20 ಎಕರೆ ಜಮೀನಿನಲ್ಲಿ ಸುಮಾರು 13 ಎಕರೆಯಲ್ಲಿ ಗೇರು ಕೃಷಿ ಮಾಡಿದ್ದು, ಅಲ್ಲಿ ಉಲ್ಲಾಳ–1 ಮತ್ತು 3, ವೆಂಗುರ್ಲಾ– 4 ಮತ್ತು 7 ತಳಿಯ ಸುಮಾರು 1,500 ಸಸಿಗಳನ್ನು ಬೆಳೆದಿದ್ದಾರೆ. ಅದರ ಜತೆಗೆ 3 ಎಕರೆ ಜಮೀನಿನಲ್ಲಿ 1,200 ಪೇರಲ ಮರಗಳನ್ನು ಬೆಳೆದಿದ್ದಾರೆ. ಉಳಿದ ಜಮೀನಿನಲ್ಲಿ ಅಂತರ ಬೆಳೆಗಳಾಗಿ ರಕ್ತ ಚಂದನ, ಟೊಮೆಟೊ, ಹೆಸರು, ಶೇಂಗಾ ಸೇರಿಂದತೆ ತರಹೇವಾರಿ ಬೆಳೆಗಳನ್ನು ಬೆಳೆದು ಸೈ ಎನಿಸಿಕೊಂಡಿದ್ದಾರೆ.</p>.<p>ತೋಟಗಾರಿಕೆ ಇಲಾಖೆ ಸಹಾಯದಿಂದ ಜಮೀನಿನಲ್ಲಿ ಕೃಷಿ ಹೊಂಡ ನಿರ್ಮಿಸಿಕೊಂಡಿದ್ದಾರೆ. ಮಳೆ ನೀರು ಕೊಯ್ಲು ಪದ್ದತಿಯಿಂದ ಅಂತರ್ಜಲ ಮಟ್ಟವನ್ನು ಹೆಚ್ಚಿಸಿಕೊಂಡು ತಮ್ಮ ಜಮೀನಿನಲ್ಲಿ 3 ಕೊಳವೆ ಬಾವಿಗಳನ್ನು ಕೊರೆಸಿದ್ದಾರೆ.</p>.<p>ಕಳೆದ ವರ್ಷ ಸುಮಾರು 9 ಕ್ವಿಂಟಲ್ ಗೋಡಂಬಿ ಬಳೆದಿದ್ದು, ಅದರಿಂದಲೇ ₹85 ಸಾವಿರ ಆದಾಯ ಗಳಿಸಿದ್ದಾರೆ.</p>.<p>ಟ್ರ್ಯಾಕ್ಟರ್, ಬೀಜ ಮತ್ತು ಗೊಬ್ಬೆ ಬಿತ್ತುವ ಯಂತ್ರ, ಕಳೆ ತೆಗೆಯುವ ಯಂತ್ರ ಹೊಂದಿದ್ದು, ಆಧುನಿಕ ಕೃಷಿ ಪದ್ಧತಿ ಅಳವಡಿಸಿಕೊಂಡಿದ್ದಾರೆ.</p>.<p>ಅವರ ಬಳಿ 1 ಹಸು, 2 ಎತ್ತು, 10 ಕುರಿ ಮತ್ತು 20 ಕೋಳಿಗಳಿವೆ. ಗೋಡಂಬಿ, ಪೇರಲ, ಹೈನುಗಾರಿಕೆ, ಕೋಳಿ ಸಾಕಾಣಿಕೆ, ತರಕಾರಿ ಮಾರಾಟದಿಂದ ಪ್ರತಿ ವರ್ಷ ₹4 ಲಕ್ಷ ಆದಾಯ ಗಳಿಸುವ ಮೂಲಕ ರೈತರಿಗೆ ಸ್ಫೂರ್ತಿಯಾಗಿದ್ದಾರೆ.</p>.<p>ಅವರ ತೋಟಗಾರಿಕೆ ಕೃಷಿಯಲ್ಲಿನ ಸಾಧನೆ ಗಮನಿಸಿ ಬಾಗಲಕೋಟೆಯ ತೋಟಗಾರಿಕೆ ವಿಶ್ವವಿದ್ಯಾಲಯವು 2020– 21ರಲ್ಲಿ ‘ಶ್ರೇಷ್ಠ ತೋಟಗಾರಿಕೆ ರೈತ’ ಪ್ರಶಸ್ತಿ ನೀಡಿ ಗೌರವಿಸಿದೆ. ಮಾಹಿತಿಗೆ ಮೊ: 8150852123 ಸಂಪರ್ಕಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
