ಮಹಿಳೆ ಮೇಲೆ ಅತ್ಯಾಚಾರ ಎಸಗಿ ಚಿತ್ರೀಕರಣ: ಇಬ್ಬರ ಬಂಧನ

ತಾಲ್ಲೂಕಿನ ಗ್ರಾಮವೊಂದರ ಆಟೊ ಚಾಲಕಹನುಮಂತ ಮಲ್ಲಯ್ಯ ಜಿನಕೇರಿ, ಆತನ ಸ್ನೇಹಿತ ನರಸಪ್ಪ ಮಹದೇವಪ್ಪ ಬಂಧಿತರು.

‌‘ಏ.26ರಂದು ಮಹಿಳೆ ಆಟೊದಲ್ಲಿ ಯಾದಗಿರಿಗೆ ಕೆಲಸಕ್ಕೆ ಬರುತ್ತಿದ್ದ ಸಂದರ್ಭದಲ್ಲಿ ಆಟೊ ಚಾಲಕ ಹನುಮಂತ ತನ್ನ ಸ್ನೇಹಿತ ನರಸಪ್ಪನನ್ನು ಜತೆಗೆ ಕರೆದುಕೊಂಡು ಬಂದಿದ್ದ. ನಗರ ಹೊರವಲಯದ ನಿರ್ಜನ ಪ್ರದೇಶದಲ್ಲಿ ಮಹಿಳೆ ಮೇಲೆ ಅತ್ಯಾಚಾರ ಎಸಗಿದ್ದ. ಇದನ್ನುನರಸಪ್ಪ ಚಿತ್ರೀಕರಣ ಮಾಡಿದ್ದಾನೆ’ ಎಂದುಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಡಾ.ಸಿ.ಬಿ.ವೇದಮೂರ್ತಿ ತಿಳಿಸಿದ್ದಾರೆ.

‘ಆರೋಪಿಗಳು ಜೀವ ಬೆದರಿಕೆ ಹಾಕಿದ್ದರು. ಹೀಗಾಗಿ ಯಾರಿಗೂ ಹೇಳದೇ ಮನೆಯಲ್ಲಿದ್ದೆ. ಚಿಕ್ಕಪ್ಪ ಮತ್ತು ಚಿಕ್ಕಮ್ಮ ನನಗೆ ಧೈರ್ಯ ಹೇಳಿದ್ದರಿಂದ ಏ.27ರಂದು ದೂರು ನೀಡಿದ್ದೇನೆ ಎಂದು ಸಂತ್ರಸ್ತ ಮಹಿಳೆ ಹೇಳಿದ್ದಾರೆ’ ಎಂದು ಎಸ್ಪಿ ತಿಳಿಸಿದ್ದಾರೆ.

ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.