ಟೊಮೆಟೊ, ಬೆಳ್ಳುಳ್ಳಿ ದರ ಮತ್ತೆ ಹೆಚ್ಚಳ

ಯಾದಗಿರಿ : ಕೆಲ ತಿಂಗಳುಗಳಿಂದ ಕಡಿಮೆ ಬೆಲೆಗೆ ಸಿಗುತ್ತಿದ್ದ ಟೊಮೆಟೊ ಮತ್ತು ಬೆಳ್ಳುಳ್ಳಿ ದರ ಮತ್ತೆ ಏರಿಕೆಯಾಗಿದೆ.

. ಕಳೆದ ವರ್ಷ ಪೂರ್ತಿ ಹೆಚ್ಚಿನ ದರಕ್ಕೆ ಮಾರಾಟವಾಗಿದ್ದ ಹಸಿ ಶುಂಠಿ, ಬೆಳ್ಳುಳ್ಳಿ ದರ 20 ದಿನಗಳ ಹಿಂದೆ ಇಳಿಕೆ ಕಂಡಿತ್ತು. ಆದರೆ, ಈಗ ಮತ್ತೆ ಏರಿಕೆ ಕಂಡಿದೆ. ಬೇಸಿಗೆಯಲ್ಲಿ ಕೆಜಿಗೆ ₹40ರೊಳಗೆ ಇದ್ದ ಟೊಮೆಟೊ ಬೆಲೆ ಈಗ ಮತ್ತೆ ಹೆಚ್ಚಳವಾಗಿದೆ.

. ಇದರ ಜೊತೆಗೆ ಬೀನ್ಸ್ ಬೆಲೆಯೂ ದ್ವಿಶತಕ ಬಾರಿಸಿದೆ. ಬೆಳ್ಳುಳ್ಳಿ ನಂತರ ಬೀನ್ಸ್ ಅತಿ ಹೆಚ್ಚು ದರಕ್ಕೆ ಮಾರಾಟವಾಗುತ್ತಿದೆ.

. ಗುಣಮಟ್ಟದ ಬೆಳ್ಳುಳ್ಳಿ ಕೆಜಿಗೆ ₹250, ಬೀನ್ಸ್ ₹200, ಹಸಿ ಶುಂಠಿ ₹160, ಬದನೆಕಾಯಿ ₹120ಕ್ಕೆ ಮಾರಾಟವಾಗುತ್ತಿದೆ.

. ಇನ್ನುಳಿದಂತೆ ಕೆಲ ತರಕಾರಿಗಳು ಮಾತ್ರ ಕಳೆದ ಒಂದು ತಿಂಗಳಿನಿಂದ ಒಂದೇ ದರ ಕಾಪಾಡಿಕೊಂಡಿವೆ.

. ‘ತರಕಾರಿಗಳನ್ನು ಬೇರೆ ಜಿಲ್ಲೆಯಿಂದ ಆಮದು ಮಾಡಿಕೊಳ್ಳುವ ಕಾರಣ ಕೆಲ ತರಕಾರಿ ಬೆಲೆ ಸಹಜವಾಗಿಯೇ ಹೆಚ್ಚಳವಾಗಿದೆ. ಸ್ಥಳೀಯವಾಗಿ ಸಿಗುವ ತರಕಾರಿ ಬೆಲೆ ಹೆಚ್ಚಿಸಿಲ್ಲ’ ಎಂದು ವ್ಯಾಪಾರಿ ಯಶೋಧಮ್ಮ ತಿಳಿಸಿದರು.

. ಸೊಪ್ಪುಗಳ ದರ: ಮಳೆಗಾಲವಾದ್ದರಿಂದ ಸೊಪ್ಪುಗಳ ದರದಲ್ಲಿ ಏರಿಕೆಯಾಗಿದೆ. ಮೆಂತ್ಯೆ, ಸಬ್ಬಸಗಿ ಸೊಪ್ಪು, ಪುದೀನಾ, ಕೊತ್ತಂಬರಿ ₹20ಕ್ಕೆ ದೊಡ್ಡ ಕಟ್ಟು ಮಾರಾಟ ಮಾಡಲಾಗುತ್ತಿದೆ. ಪಾಲಕ್, ಪುಂಡಿಪಲ್ಯೆ, ರಾಜಗಿರಿ ಸೊಪ್ಪು ₹10ಕ್ಕೆ ಒಂದು ₹20ಕ್ಕೆ ಮೂರು ಕಟ್ಟು ನೀಡಲಾಗುತ್ತಿದೆ.

. ‘ಮನೆ ಮನೆಗೆ ಪುಟ್ಟಿ ತೆಗೆದುಕೊಂಡು ಬರುವ ಮಹಿಳೆಯರು ಸೊಪ್ಪುಗಳನ್ನು ಹೆಚ್ಚಿನ ದರಕ್ಕೆ ಮಾರಾಟ ಮಾಡುತ್ತಿರುವ ಕಾರಣ ಗೃಹಣಿಯರು ಚೌಕಾಶಿ ಮಾಡಿ ಖರೀದಿ ಮಾಡುತ್ತಿದ್ದಾರೆ’ ಎಂದು ತರಕಾರಿ ವ್ಯಾಪಾರಿ ನಾಗಮ್ಮ ರಮೇಶ ಹೇಳುತ್ತಾರೆ.

. ಕೆಲ ದಿನಗಳಿಂದ ಇಳಿಕೆಯಾಗಿದ್ದ ತರಕಾರಿ ಬೆಲೆ ಮತ್ತೆ ಏರಿಕೆಯಾಗಿದೆ. ಇದರಿಂದ ಗ್ರಾಹಕರು ಕಡಿಮೆ ಬೆಲೆಗೆ ಕೇಳುತ್ತಿದ್ದಾರೆ

-ಮಹ್ಮದ್ ರಿಯಾನ್ ತರಕಾರಿ ವ್ಯಾಪಾರಿ

. ಪ್ರತಿ ಅಡುಗೆಯಲ್ಲೂ ಬಳಸುವ ಟೊಮೆಟೊ ದರ ಹೆಚ್ಚಳ ಕಂಡಿದ್ದು ಗ್ರಾಹಕರು ಚೌಕಾಶಿಗೆ ಇಳುಯುವಂತೆ ಆಗಿದೆ. ಆದರೂ ವ್ಯಾಪಾರಿಗಳು ಕಡಿಮೆ ಮಾಡುತ್ತಿಲ್ಲ

-ಶರಣಬಸಪ್ಪ ಬಳಿಚಕ್ರ ಗ್ರಾಹಕ

. ತರಕಾರಿ; ದರ (ಪ್ರತಿ ಕೆ.ಜಿಗೆ ₹ಗಳಲ್ಲಿ)ಟೊಮೆಟೊ;60–70ಬೀನ್ಸ್;190–200ಹಸಿ ಮೆಣಸಿನಕಾಯಿ;70-80ಹಸಿ ಶುಂಠಿ;150;160ಬೆಳ್ಳುಳ್ಳಿ;240;250ನುಗ್ಗೆಕಾಯಿ;60–70ಆಲೂಗಡ್ಡೆ;40–50ಈರುಳ್ಳಿ;40–50ಬದನೆಕಾಯಿ;100–120ಬೆಂಡೆಕಾಯಿ;70–80ದೊಣ್ಣೆಮೆಣಸಿನಕಾಯಿ;70–80ಎಲೆಕೋಸು;50–60ಹೂಕೋಸು;70–80ಚವಳೆಕಾಯಿ;70–80ಗಜ್ಜರಿ;60-70ಸೌತೆಕಾಯಿ;70–80ಮೂಲಂಗಿ;60-70ಸೋರೆಕಾಯಿ;50–60ಬೀಟ್ರೂಟ್;60-70ಗೀಚು ಹೀರೆಕಾಯಿ;70-80ತುಪ್ಪದ ಹೀರೆಕಾಯಿ;70–80ಹಾಗಲಕಾಯಿ;70-80ಅವರೆಕಾಯಿ;70–80ತೊಂಡೆಕಾಯಿ;60;70

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಟೊಮೆಟೊ, ಬೆಳ್ಳುಳ್ಳಿ ದರ ಮತ್ತೆ ಹೆಚ್ಚಳ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ

ಪ್ರೊ ಕಬಡ್ಡಿ ಲೀಗ್: ತಲೈವಾಸ್‌ಗೆ ತಲೆಬಾಗಿದ ಪುಣೇರಿ

ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ: ಎನ್‌ಐಟಿಕೆ, ನಿಟ್ಟೆ ಕ್ಯಾಂಪಸ್ ಜಯಭೇರಿ

ಡಬ್ಲ್ಯುಟಿಟಿ ಚಾಂಪಿಯನ್ಸ್‌: ಮಣಿಕಾ ಬಾತ್ರಾ ಪ್ರಿಕ್ವಾರ್ಟರ್‌ಗೆ

ಹಾಕಿ: ಭಾರತ ಓಟಕ್ಕೆ ಆಸ್ಟ್ರೇಲಿಯಾ ತಡೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ