ಯಾದಗಿರಿ: ಟೊಮೆಟೊ, ದೊಣ್ಣೆಮೆಣಸಿನಕಾಯಿ, ತೊಂಡೆಕಾಯಿ ಕೆಜಿಗೆ ₹5ರಿಂದ ₹10 ದರ ಇಳಿಕೆಯಾಗಿದೆ.
ನಗರದ ವಿವಿಧ ಮಾರುಕಟ್ಟೆಗಳಲ್ಲಿ ಕಳೆದ ವಾರದಂತೆ ಈ ವಾರವೂ ತರಕಾರಿ, ಸೊಪ್ಪುಗಳ ಬೆಲೆ ಸ್ಥಿರವಾಗಿದೆ.
ಚವಳೆಕಾಯಿ, ಹಾಗಲಕಾಯಿ ಬೆಲೆ ಮಾತ್ರ ₹5ರಿಂದ ₹10 ಬೆಲೆ ಹೆಚ್ಚಳವಾಗಿದೆ.
ಕಳೆದ ಒಂದು ತಿಂಗಳಿಂದ ಟೊಮೆಟೊ ಇಳಿಕೆಯತ್ತ ಸಾಗಿದೆ. ಈಗ ಟೊಮೆಟೊ ಒಂದು ಕೆಜಿಗೆ ₹20ರಿಂದ 25 ದರವಿದೆ.
ಚಳಿ ತೀವ್ರವಾಗಿರುವುದರಿಂದ ತರಕಾರಿ ಬೆಲೆಗಳ ಇಳಿಕೆ ಕಡಿಮೆಯಾಗಿದೆ ಎಂದು ವ್ಯಾಪಾರಿಗಳು ಹೇಳುತ್ತಾರೆ.
ಸೊಪ್ಪುಗಳ ದರ ಸ್ಥಿರ ಮೆಂತ್ಯೆ ದೊಡ್ಡ ಕಟ್ಟು ₹15, ಸಣ್ಣ ಕಟ್ಟು ₹10 ದರವಿದೆ. ಉಳಿದಂತೆ
ಸಬ್ಬಸಗಿ, ಪಾಲಕ್, ಪುಂಡಿ ಪಲ್ಯೆ, ರಾಜಗಿರಿ, ₹5ಗೆ ಒಂದು ಕಟ್ಟು ಸೊಪ್ಪು ಮಾರಾಟ ಮಾಡಲಾಗುತ್ತಿದೆ. ಕೊತಂಬರಿ ₹15–20 ಒಂದು ಕಟ್ಟು, ಪುದೀನಾ ₹15–20 ಒಂದು ಕಟ್ಟು ಮಾರಾಟ ಮಾಡಲಾಗುತ್ತಿದೆ. ಕಳೆದ ವಾರಕ್ಕಿಂತ ಈ ವಾರ ₹5 ಇಳಿಕೆಯಾಗಿದೆ.
ಕರಿಬೇವು ₹80–90 ಕೆಜಿ, ಉತ್ತಮ ಗುಣಮಟ್ಟದ ಬೆಳ್ಳುಳ್ಳಿ ₹100–120, ಶುಂಠಿ ₹80–90 ದರ ಸ್ಥಿರವಾಗಿದೆ. ನಿಂಬೆಹಣ್ಣು ಸಣ್ಣ ಗಾತ್ರದು ₹10ಗೆ ನಾಲ್ಕು, ದೊಡ್ಡದು ಮೂರು ಮಾರಾಟ ಮಾಡಲಾಗುತ್ತಿದೆ.