ಯಾದಗಿರಿ: ದ್ವಿಶತಕ ಬಾರಿಸಿದ ಶುಂಠಿ, ಬೀನ್ಸ್‌

ಬಿ.ಜಿ.ಪ್ರವೀಣಕುಮಾರ

. ಯಾದಗಿರಿ: ಮಾರುಕಟ್ಟೆಯಲ್ಲಿ ಹಸಿ ಶುಂಠಿ, ಬೀನ್ಸ್ ದ್ವಿಶತಕ ಬಾರಿಸಿದ್ದು, ನುಗ್ಗೆಕಾಯಿ ಶತಕದ ಗಡಿ ಮುಟ್ಟಿದೆ. ಬೇಸಿಗೆ ಆರಂಭದಿಂದಲೂ ಶುಂಠಿ ದರ ಹೆಚ್ಚಳವಾಗುತ್ತಿದ್ದು, ಚಿಲ್ಲರೆ ತರಕಾರಿ ಅಂಗಡಿಗಳಲ್ಲಿ ಶುಂಠಿ ಮಾರಾಟ ಮಾಡುವುದನ್ನು ವ್ಯಾಪಾರಿಗಳು ಈಗ ಕೈಬಿಟ್ಟಿದ್ದಾರೆ.

. ಸಗಟು ದರದಲ್ಲಿ ₹200ಕ್ಕೆ ಒಂದು ಕೆಜಿ ಶುಂಠಿ ಮಾರಾಟವಾದರೆ, ಚಿಲ್ಲರೆ ದರದಲ್ಲಿ ₹250 ಕೆಜಿ ಮಾರಾಟ ಮಾಡಲಾಗುತ್ತಿದೆ. ಇದರ ಜೊತೆಗೆ ಬೀನ್ಸ್ ದರ ಕೂಡ ಹೆಚ್ಚಳವಾಗಿದ್ದು, ಮದುವೆ ಋತು ಮುಗಿದರೂ ದರ ಇಳಿಕೆಯಾಗಿಲ್ಲ.

. ‘ಕಳೆದ ಒಂದು ತಿಂಗಳಿಂದ ಹಸಿ ಶುಂಠಿ ದರ ಹೆಚ್ಚಳವಾಗಿದ್ದು, ಚಿಲ್ಲರೆ ಅಂಗಡಿಗಳಲ್ಲಿ ಮಾರಾಟ ಮಾಡಲು ಸಾಧ್ಯವಿಲ್ಲದಂತ ಪರಿಸ್ಥಿತಿ ಇದೆ. ₹5, 10ಕ್ಕೆ ಕೇಳಿದರೆ ಮಾರಾಟ ಮಾಡಲು ಸಾಧ್ಯವಿಲ್ಲದ ಕಾರಣ ಇದನ್ನು ತರುವುದನ್ನು ಕೆಲವರು ಕೈಬಿಟ್ಟಿದ್ದಾರೆ‘ ಎಂದು ತರಕಾರಿ ವ್ಯಾಪಾರಿ ಬಸು ಚಿಂತನಹಳ್ಳಿ ಹೇಳುತ್ತಾರೆ.

. ಇನ್ನೂ ಗುಣಮಟ್ಟದ ಬೆಳ್ಳುಳ್ಳಿ ಕೆಜಿಗೆ ₹100–120ಗೆ ದರವಿದೆ. ಮದುವೆ ಋತುವಿನಲ್ಲಿ ಹೆಚ್ಚಳ ಕಂಡಿದ್ದ ನುಗ್ಗೆಕಾಯಿ ದರ ತುಸು ಇಳಿಯಾಗಿದ್ದು, ಈಗ ಕೆಜಿಗೆ ₹100–120 ಇದೆ. ಈ ವರ್ಷದ ಆರಂಭದಲ್ಲಿ ₹60ರಿಂದ 80 ಇತ್ತು.

. ಈರುಳ್ಳಿ ಸೊಪ್ಪು ₹60–70, ಕರಿಬೇವು ಕೆಜಿಗೆ 50–60 ದರವಿದೆ. ಬೇಸಿಗೆಯಲ್ಲಿ ಈರುಳ್ಳಿ ದರ ಇಳಿಕೆಯಾಗಿದ್ದು, ಈ ಬಾರಿ ₹15ರಿಂದ 20 ಬೆಲೆ ಇದೆ. ಬೇಸಿಗೆಯಲ್ಲಿ ಒಂದಕ್ಕೆ ₹5 ಮಾರಾಟವಾಗಿದ್ದ ನಿಂಬೆ ಹಣ್ಣು ಈಗ ಅಗ್ಗವಾಗಿದ್ದು, ₹10ಗೆ 5 ನಿಂಬೆಹಣ್ಣು ಸಿಗುತ್ತಿವೆ.

. ಒಂದು ತಿಂಗಳ ಹಿಂದೆ ₹20 ರಿಂದ 25 ದರವಿದ್ದ ಟೊಮೆಟೊ ಈಗ ಕೆಜಿಗೆ ₹25 ರಿಂದ ₹ 30 ದರದಲ್ಲಿ ಮಾಡಲಾಗುತ್ತಿದೆ. ಎಲೆಕೋಸು, ಮೂಲಂಗಿ ಕಳೆದ ತಿಂಗಳಿಗಿಂತ ಈಗ ₹5ರಿಂದ ₹10 ಹೆಚ್ಚಳವಾಗಿದೆ.

. ಕಳೆದ 15 ದಿನಗಳಿಂದ ಮಾರುಕಟ್ಟೆಯಲ್ಲಿ ಅವರೆಕಾಯಿ ಸಿಗುತ್ತಿಲ್ಲ. ಆದರೂ ದರ ಮಾತ್ರ ₹70–80 ಇದೆ.

. ಸೊಪ್ಪುಗಳ ದರ: ಸೊಪ್ಪುಗಳ ದರ ಕಟ್ಟಿಗೆ ₹5ರಿಂದ 10 ಹೆಚ್ಚಳವಾಗಿದೆ. ಸ್ಥಳೀಯವಾಗಿ ಸೊಪ್ಪು ಸಿಗುತ್ತಿಲ್ಲ. ಇದರಿಂದ ದರ ಹೆಚ್ಚಳವಾಗಿದೆ ಎನ್ನುವುದು ವ್ಯಾಪಾರಿಗಳ ಮಾತು. ಮೆಂತ್ಯೆ, ಸಬ್ಬಸಗಿ ಬೇರೆಡೆಯಿಂದ ಆಮದು ಮಾಡಿಕೊಳ್ಳುತ್ತಿದ್ದು, ಸ್ಥಳೀಯವಾಗಿ ಸಿಗುವ ದರಕ್ಕಿಂತ ಹೆಚ್ಚಿದೆ.

. ಸ್ಥಳೀಯವಾಗಿ ಸಿಗುವ ಪಾಲಕ್, ಪುಂಡಿ ಪಲ್ಯೆ, ರಾಜಗಿರಿ ಸೊಪ್ಪು ಸಣ್ಣ ಗಾತ್ರದ ಒಂದು ಕಟ್ಟು ಸೊಪ್ಪು ₹10ಕ್ಕೆ ಒಂದು,₹ 20ಕ್ಕೆ ಮೂರು ಮಾರಾಟ ಮಾಡಲಾಗುತ್ತಿದೆ. ಮೆಂತ್ಯೆ, ಸಬ್ಬಸಗಿ, ಕೋತಂಬರಿ, ಪುದೀನಾ ದೊಡ್ಡ ಕಟ್ಟು ₹20ರಿಂದ ₹25ಕ್ಕೆ ಒಂದು ಮಾರಾಟ ಮಾಡಲಾಗುತ್ತಿದೆ.

. ತರಕಾರಿ; ದರ (ಪ್ರತಿ ಕೆ.ಜಿಗೆ ₹ಗಳಲ್ಲಿ) ಟೊಮೆಟೊ;25–30

. ಆಲೂಗಡ್ಡೆ;25–30

. ಈರುಳ್ಳಿ;15–20 ಬದನೆಕಾಯಿ;50–60 ಬೆಂಡೆಕಾಯಿ;50–60 ದೊಣ್ಣೆಮೆಣಸಿನಕಾಯಿ;70–80 ಎಲೆಕೋಸು;40–50 ಹೆಚ್ಚು ಹೂಕೋಸು;60–70 ಚವಳೆಕಾಯಿ;70–80 ಬೀನ್ಸ್; 200–210 ಗಜ್ಜರಿ;70-80 ಸೌತೆಕಾಯಿ;60–70 ಮೂಲಂಗಿ;40-50 ಮೆಣಸಿನಕಾಯಿ;70-80 ಸೋರೆಕಾಯಿ;50–60 ಬಿಟ್ರೂಟ್;60-70 ಹೀರೆಕಾಯಿ;70-80 ಹಾಗಲಕಾಯಿ;70-80 ಅವರೆಕಾಯಿ;70–80 15

. ನುಗ್ಗೆಕಾಯಿ;100–120

. ತೊಂಡೆಕಾಯಿ;60;70

. ಕಳೆದ ಒಂದು ತಿಂಗಳಿಂದ ಹಸಿ ಶುಂಠಿ ಬೀನ್ಸ್ ದರ ಹೆಚ್ಚಳವಾಗಿದೆ. ಹೆಚ್ಚಿನ ದರವಾದರೂ ಗ್ರಾಹಕರು ಕೈತಪ್ಪಬಾರದು ಎಂಬ ಕಾರಣಕ್ಕೆ ಮಾರಾಟ ಮಾಡುತ್ತಿದ್ದೇವೆ

-ಬಸು ಚಿಂತನಹಳ್ಳಿ ತರಕಾರಿ ವ್ಯಾಪಾರಿ

. ಬೇಸಿಗೆಯಲ್ಲಿ ಬಿಸಿಲಿನ ಜೊತೆಗೆ ತರಕಾರಿ ಸೊಪ್ಪುಗಳ ದರವೂ ಸುಡುತ್ತಿದೆ. ಎಲ್ಲ ತರಕಾರಿಗಳ ಬೆಲೆಯೂ ಹೆಚ್ಚಳವಾಗಿದೆ. ಇದರಿಂದ ಗ್ರಾಹಕರಿಗೆ ಹೊರೆಯಾಗಿದೆ

-ನಾಗರಾಜ ಗ್ರಾಹಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯಾದಗಿರಿ: ದ್ವಿಶತಕ ಬಾರಿಸಿದ ಶುಂಠಿ, ಬೀನ್ಸ್‌

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ