ಯಾದಗಿರಿ: ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಗರಿಮಾ ಪಂವಾರ್‌ ಗುರುವಾರ ಅಧಿಕಾರ ಸ್ವೀಕರಿಸಿದರು.
ಇವರು ಮೂಲತಃ ರಾಜಸ್ಥಾನದವರಾಗಿದ್ದು, 2018 ರ ಐಎಎಸ್ ಬ್ಯಾಚ್‌ನವರಾಗಿದ್ದಾರೆ. 2020 ರ ಆಗಸ್ಟ್‌ನಿಂದ 2022 ರ ಜನವರಿ ವರೆಗೆ ಬೀದರ್ ಉಪವಿಭಾಗದ ಹಿರಿಯ ಸಹಾಯಕ ಆಯುಕ್ತರಾಗಿ ಹಾಗೂ 2018ರ ಆಗಸ್ಟ್‌ನಿಂದ 2020 ರ ಆಗಸ್ಟ್‌ವರೆಗೆ ಮಸ್ಸೂರಿ ಮತ್ತು ಬಾಗಲಕೋಟೆ ಜಿಲ್ಲೆಯ ತರಬೇತಿ ಅಧಿಕಾರಿಯಾಗಿ ಹಾಗೂ ಜಿಲ್ಲಾ ತರಬೇತಿದಾರರಾಗಿ ನಂತರ, 2022 ರ ಮಾರ್ಚ್ 3 ರಿಂದ 2023 ರ ಮಾರ್ಚ್ ವರೆಗೆ ಕಲಬುರಗಿ ವಿಭಾಗದ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಹೆಚ್ಚುವರಿ ಆಯುಕ್ತರಾಗಿ ಸೇವೆ ಸಲ್ಲಿಸಿದ್ದಾರೆ.
