ಆ್ಯಕ್ಷನ್‌ ಥ್ರಿಲ್ಲರ್‌ ‘ಖುದಾ...’ವಿದ್ಯುತ್‌ ಫಿದಾ

‘ಖುದಾ ಹಫೀಜ್‌‘ ಕೆಲವು ನೈಜ ಘಟನೆಗಳನ್ನು ಆಧರಿಸಿ ಹೆಣೆಯಲಾಗಿರುವ ಚಿತ್ರಕತೆಯನ್ನು ಒಳಗೊಂಡಿರುತ್ತದೆ. ಕುಮಾರ್‌ ಮಾಂಗಾಡ್‌ ಪಾಠಕ್‌ ಮತ್ತು ಅಭಿಷೇಕ್‌ ಪಾಠಕ್ ಬಂಡವಾಳದಲ್ಲಿ ಚಿತ್ರ ಮೂಡಿಬರಲಿದೆ. ಚಿತ್ರದ ನಾಯಕಿಯ ಆಯ್ಕೆ ಅಂತಿಮಗೊಂಡ ಬಳಿಕ ಮೊರಾಕ್ಕೊ ಮತ್ತು ಕೇರಳದ ವಿವಿಧ ಲೊಕೇಶನ್‌ಗಳಲ್ಲಿ ಚಿತ್ರೀಕರಣ ಶುರುವಾಗಲಿದೆ ಎಂದು ವಿದ್ಯುತ್‌ ಹೇಳಿದ್ದಾರೆ.

‘ನಿಜ ಜೀವನದ ಪ್ರೇಮಕತೆಗಳನ್ನು ಸಮಕಾಲೀನ ಜಗತ್ತಿನ ಪ್ರೇಕ್ಷಕರ ಮನಮೆಚ್ಚುವಂತೆ ತೆರೆಯಲ್ಲಿ ತರುವುದು ನಿಜಕ್ಕೂ ಥ್ರಿಲ್ಲಿಂಗ್‌ ಕೆಲಸ. ಅಂತಹ ವಿಶಿಷ್ಟ ಸಿನಿಮಾದಲ್ಲಿ ನಾನು ನಾಯಕನಟನಾಗಿ ನಟಿಸಲು ಖುಷಿಪಡುತ್ತೇನೆ. ಚಿತ್ರನಟನಾಗಿ ನೆನಪಿನಲ್ಲಿ ಉಳಿಯುವಂತಹ ಚಿತ್ರಗಳ ಸಾಲಿಗೆ ಇದೂ ಸೇರಲಿದೆ‘ ಎಂದು ವಿದ್ಯುತ್‌ ಹೇಳಿಕೊಂಡಿದ್ದಾರೆ.

ಎಲ್ಲವೂ ಲೆಕ್ಕಾಚಾರದಂತೆ ನಡೆದರೆ ಮುಂದಿನ ವರ್ಷ ಜುಲೈನಲ್ಲಿ ‘ಖುದಾ ಹಫೀಜ್‌’ ತೆರೆಕಾಣಲಿದೆ.