ನಟಿ ಪ್ರಿಯಾಂಕ ಉಪೇಂದ್ರ ನಟನೆಯ ‘1980’ ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಸುದೀಪ್, ‘ಎರಡು ವರ್ಷದಿಂದ ಮನೆಯಲ್ಲಿ ಟಿ.ವಿ ನೋಡಿ ನೋಡಿ ದೊಡ್ಡ ಪರದೆಯಲ್ಲಿ ಟ್ರೇಲರ್ ನೋಡಿ ಬಹಳ ಖುಷಿ ಆಯಿತು. ಅದೂ ಮೊದಲ ಸಾಲಿನಲ್ಲಿ ಕೂತು ಸಿನಿಮಾ ನೋಡಿ ಬಹಳ ವರ್ಷಗಳೇ ಆಗಿದೆ. ಸಿನಿಮಾದವರಿಗೆ ಪರದೆ ಎನ್ನುವುದು ಬಹಳ ಮುಖ್ಯ. ಪ್ರಸ್ತುತ ಚಿತ್ರೋದ್ಯಮಕ್ಕೆ ಬಂದಿರುವ ಸಂಕಷ್ಟ ಆದಷ್ಟು ಬೇಗ ಬಗೆಹರಿಯಲಿ. ಚಿತ್ರಮಂದಿರಗಳು ತೆರೆದರಷ್ಟೇ ಪ್ರತೀ ಸಿನಿಮಾಗೂ ನ್ಯಾಯ ಸಿಗಲಿದೆ’ ಎಂದರು.