ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಲಾಕ್‌ಡೌನ್‌: ರಕುಲ್‌ ಪ್ರೀತ್, ಸಮಂತಾ ಉದ್ಯಮಕ್ಕೆ ಭಾರೀ ನಷ್ಟ

Last Updated 29 ಏಪ್ರಿಲ್ 2020, 10:28 IST
ಅಕ್ಷರ ಗಾತ್ರ

ಚಿತ್ರೋದ್ಯಮದಲ್ಲಿ ಸ್ಟಾರ್‌ ಪಟ್ಟಕ್ಕೇರಿದ ಬಳಿಕ ನಟಿಯರ ಸಂಭಾವನೆಯ ಗ್ರಾಫ್ ಕೂಡ ಏರಿಕೆಯಾಗುತ್ತದೆ. ಆಗ ಅವರು ಕೂಡ ಸ್ಟಾರ್ ನಟರ ಹಾದಿಯಲ್ಲಿಯೇ ಸಾಗುತ್ತಾರೆ. ಹಲವು ಉದ್ಯಮಗಳಲ್ಲಿ ಹೇರಳವಾಗಿ ಹಣ ಹೂಡಿಕೆ ಮಾಡುವುದು ಉಂಟು. ಹಣ ದುಪ್ಪಟ್ಟು ಮಾಡಲು ಹೋಗಿ ಹೂಡಿಕೆಯಾದ ಮೊತ್ತವೂ ಕೈಸೇರದೆ ತೊಂದರೆ ಅನುಭವಿಸಿದವರ ಪಟ್ಟಿಯೂ ದೊಡ್ಡದಿದೆ.

ಕೆಲವು ನಟಿಯರು ಹೋಟೆಲ್‌ ಉದ್ಯಮದಲ್ಲಿ ಹಣ ಹೂಡಿದ್ದಾರೆ. ಮತ್ತೆ ಕೆಲವರು ರಿಯಲ್‌ ಎಸ್ಟೇಟ್‌ ಕ್ಷೇತ್ರದಲ್ಲೂ ತೊಡಗಿಕೊಂಡಿದ್ದಾರೆ. ಆದರೆ, ನಟಿಯರಾದ ಸಮಂತಾ ಅಕ್ಕಿನೇನಿ ಮತ್ತು ರಕುಲ್‌ ಪ್ರೀತ್ಸಿಂಗ್‌ ಅವರ ಹಾದಿಯೇ ಭಿನ್ನವಾದುದು.

ರಕುಲ್‌ ಪ್ರೀತ್ಸಿಂಗ್ ಫಿಟ್‌ನೆಟ್‌ ಕ್ಷೇತ್ರದಲ್ಲಿ ಹಣ ಹೂಡಿದ್ದಾರೆ. ಆಕೆ ಎಫ್‌45ಜಿಮ್‌ನ ಪ್ರಾಂಚೈಸಿಯ ಒಡತಿ. ಹೈದರಾಬಾದ್‌ನ ಗಚಿಬೋವ್ಲಿಯಲ್ಲಿ ಜಿಮ್‌ವೊಂದನ್ನು ತೆರೆದಿದ್ದಾರೆ. ಮತ್ತೊಂದು ವಿಶಾಖಪಟ್ಟಣದಲ್ಲಿದೆ.

ಸಮಂತಾ ಅವರದ್ದು ಮತ್ತೊಂದು ಹಾದಿಯ ಪಯಣ. ಕಿಂಗ್‌ಫಿಷರ್‌ ಮಾಡೆಲ್‌ ಶಿಲ್ಪಾ ರೆಡ್ಡಿ ಸೇರಿದಂತೆ ಮತ್ತೊಬ್ಬ ಗೆಳತಿಯೊಟ್ಟಿಗೆ ಸೇರಿ ಆಕೆ ಪ್ಲೇಸ್ಕೂಲ್‌ ನಡೆಸುತ್ತಿದ್ದಾರೆ. ಆದರೆ, ಲಾಕ್‌ಡೌನ್‌ ಪರಿಣಾಮ ಈ ಇಬ್ಬರ ಉದ್ಯಮಕ್ಕೆ ಭಾರೀ ಪೆಟ್ಟು ಬಿದ್ದಿದೆ. ಇದರಿಂದ ನಟಿಯರು ಕಂಗಾಲಾಗಿದ್ದಾರೆ.

ರಕುಲ್‌ ಪ್ರೀತ್ಯ ಜಿಮ್‌ ಮತ್ತು ಸಮಂತಾ ನಡೆಸುತ್ತಿರುವ ಪ್ಲೇಸ್ಕೂಲ್‌ ನಡೆಯುತ್ತಿರುವುದು ಬಾಡಿಗೆ ಕಟ್ಟಡದಲ್ಲಿ. ಹಾಗಾಗಿ, ಕಟ್ಟಡದ ಮಾಲೀಕರು ಕರಾರಿನ ಅನ್ವಯ ಬಾಡಿಗೆ ಹಣ ನೀಡುವಂತೆ ಬೇಡಿಕೆ ಮುಂದಿಟ್ಟಿದ್ದಾರೆ. ಹಾಗಾಗಿ, ಈ ಇಬ್ಬರೂ ನಟಿಯರು ತಮ್ಮ ಸ್ವಂತ ಪಾಕೆಟ್‌ನಿಂದಲೇ ಈಗ ಸಿಬ್ಬಂದಿಗೆ ಸಂಬಳ, ಬಾಡಿಗೆ ಪಾವತಿಸಿದ್ದಾರಂತೆ. ಕೊರೊನಾ ಮಹಾಮಾರಿಯು ದೇಶದ ಎಲ್ಲಾ ಉದ್ಯಮಗಳಿಗೂ ಕಂಟಕ ತಂದಿದೆ. ಲಾಕ್‌ಡೌನ್‌ ಅವಧಿ ಪೂರ್ಣಗೊಂಡ ಬಳಿಕ ಉದ್ಯಮ ಚೇತರಿಸಿಕೊಳ್ಳುವ ನಿರೀಕ್ಷೆಯಿದೆ ಎಂಬುದು ನಟಿಯರ ವಿಶ್ವಾಸ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT